讓常識說話比較實際啲

明報:DBC遭政治打壓?指控嚴重請讓證據說話

當捍衛DBC行動成為一場社會運動,《明報》呢個梁粉報就立即出手,小罵大幫忙保駕護航。

此外,鄭經翰又指3個免費電視牌照也「凍過水」,並稱「我知曾蔭權最後的行政會議,每次都有談3個電視牌照,廣管局已審批,只爭一步在行會拍板,但一次又一次押後,押至胎死腹中」。

鄭經翰提出「中聯辦打壓」、「政治任務」等指控,損害言論及新聞自由等香港核心價值。指控非常嚴重,因此鄭應盡快拿出證據,例如將相關的錄音向外公開,讓公眾可以判斷真假對錯。

此外,黃楚標曾指DBC面對經營困難,又指曾要求查閱帳目但未獲配合,如今DBC極可能清盤收場,鄭經翰最佳的辯護方法,就是把公司的帳目公開,以力證黃楚標的指控不成立

呢三段嘢狗到無朋友,表面上係話撐言論自由,事實上係為黃楚標嘅膠論背書。

黃楚標投資dbc前,應該知道傳媒唔係一時三刻可以賺大錢,以涉及最少資本投資(唔駛買印刷機),只係買一堆電腦,請一堆人嚟燒銀紙嘅免費報為例,根據香港電台《傳媒透視》月刊以下文章描述

香港可有5份免費中文報紙之多,是因為此市場有利可圖,這可從《都市日報》及《am730》分別於創刊後14個月及22個月達至收支平衡及星島日報集團於上年度廣告盈餘達二億四千萬可見。

2012年2月,香港電台《傳媒透視》:探討香港免費中文報業市場

唔駛資本投資,都要十四個月至回本,仲要《都市日報》當時擁有進入港鐵壟斷地位同埋無其他對手,去到《am730》已經延長至22個月,咁dbc依家果一億五千萬投資,扣除三千萬喺AM頻道浪費咗投資,算得乜?任何做過吓傳媒管理嘅,都知黃楚標係胡說八道。

如果黃生真係認為盤帳有問題,佢炒咗大班同何國輝就得,點解得清盤呢條路?由頭到尾,呢啲都係唔合邏輯嘅手法。

所以《明報》話要用證據說話,我話用常識說話實際啲。係《明報》呢啲偽知識分子報,至會將明明阿媽係女人嘅事,講成阿爸係女人,不過我明嘅,喺馬來西亞,同集團嘅《星洲日報》、《中國報》都係一樣咁無恥,唔爭在香港都係咁。


2 thoughts on “讓常識說話比較實際啲

  1. 「係《明報》呢啲偽知識分子報……」
    為何這份報紙仍受「知識份子」歡迎?較文雅?

  2. 聽講話發牌條件係要投資6億.
    而家只係洗咗億五咋.
    跟本連個投資額都未達標準.

發表迴響

你的電子郵件位址並不會被公開。 必要欄位標記為 *