香港政府廢拉柴,人民郁手自己執膠

香港特膠政府呢個中國殖民地政府,為咗包庇宗主國國有企業中石化喺十號風球果日漏到一海都係膠粒嘅事,無通知香港市民,單嘢俾班愛香港歐裔居民通咗天,就部門間左推右推,不知所謂。學民思潮、高登仔,甚至連社民連阿牛,都發起執膠行動。

小弟做廠,知道呢啲膠粒係好麻煩嘅嘢。所以帶筲箕係必要,否則就係執到天光都唔掂。以前做廠,如果不慎倒瀉大量膠粒,係講緊用工業吸塵機(有專門俾廠用)處理。

本來呢單嘢,一係政府派人處理,中石化埋單,一係中石化自已搞掂佢。依家搞到市民郁手,究竟大家仲交唔交稅養呢班廢拉柴,甚至自己管自已。呢個梁振英一日到黑話做實事,依家有實事俾佢做,佢就遊埠,叫佢仆街喇。


13 thoughts on “香港政府廢拉柴,人民郁手自己執膠

  1. 政府這東西的存在只是為了掌握權力的人向被奴役者收稅….其餘的功能都是為了更加容易收稅而存在. 錢點使….完全視乎人民對政府的反抗程度而定….(自古以來都是殘民以自肥. 如果人民沒有武力的話. 如何慘也是很正常的)

  2. We are now talking about an environmental disaster in Hong Kong. Probably, we should escalate this case to major overseas media (such as CNN, BBC) to let the rest of world know how bad (and nasty) is our government!

  3. 何止廢柴,更乘機抽水,黃錦星話不要影響海龜,正如人家努力救火,他就手旁觀地說,不要弄濕地下,他應該一起做及示範。另外有報導說中石化已請義工幫手,但沒有題及自發及更早開工的義工,分分鐘誤導他人所有義工都是源自中石化。最後推動中國模式國民教育那些人有沒有幫手。

  4. 今日去完南丫島(呢幾日病左), 去完真係火都來… 有無人做單張連帶之前三單一起算保皇帳!!

    計埋今次中石化派膠, 己經係近年政府第四次隱暪事故,
    仲有一個月就立法會選舉, 我地係應該迫政府同議員仲未將之前幾單既事交待!

    對上三單再數番…..

    第一單: 2010年初的士小巴加氣後常死火中石化石油氣疑存雜質事件: 當時機電工程署的檢驗中均指出”所有石油氣供應公司呈交本署的文件均顯示進口石油氣的品質符合本港車用石油氣規格。”
    出處 : http://www.emsd.gov.hk/emsd/chi/sgi/lpg_smpl_analysis.shtml
    但及後在五月中, 有的士業團體調查,發現中石化供應的石油氣,含有大量硫磺粉末,令到機件喉管堵塞,是導致死火的原因, 至今, 政府有沒有就該事件向中石化發出警告信? 與及中石化有否對於需維修的士/小巴作出賠償責任!

    第二單: 2010年9月21日, 油麻地內地貨船三級火「救熄」再爆炸:
    當時貨船報稱運載五金廢料, 但大家響電視同埋附近既人都親眼見到果一下爆炸, 敢問政府公佈左當時既廢料係乜野原因導致金屬燃燒, 與及爆炸未? 當時海事處與消防處將聯合調查爆炸原因。對於爆炸造成多名消防員受傷的大火及爆炸卻沒有公佈!

    第三單: 2011年11月30日凌晨花園街四級大火:
    當時閉路電視曾經拍攝有2 人經過, 並聽到嘈吵聲, 不久就開始大火. 初期消防認為大火出現多處火頭, 有可疑. 但當警方接手後, 卻認為大火沒有可疑, 及後並認為是漏電引起. 而小販商會即時指出出事排檔由於去年曾經燒過, 電力系統是新安裝的, 而安裝電力系統必須要有合格技師, 加上這亦不能解釋多個火頭的原因, 故此未能令市民信服, 但事隔將近一年, 事件卻因港人的淡忘而不了了之.

    以上三件都是近年引起港人關注而政府最終又不了了之的事件….. 加上今次新仇舊恨一齊來, 對於政府, 對於建制派議員, 佢地口口聲聲和諧, 但對於人生性命安全的重大事故, 卻支持政府不了了之, 而不查出根本問題, 直接損害香港人的人生性命安存.

    我地不如做一份單張去屌柒政府與及阻止追究事故既假和諧議員.

  5. 麻煩, 可以的話cross post 到高登吧, 話我寫既可以架啦, 我a/c 封印左, 要年尾至開得… (因為要讀course, 所以封左)

    要帶比香港一個信息, 今次己經唔係第一次, 而係己經好多好多次, 呢一種由上至下, 香港人忍夠左呢種自政府對中資企業與及本地財團由上而下危害既隱瞞

    今次己經係第四次出現呢種事件, 我地既政府到底係做緊乜野架!! 如果唔趁呢一鋪用來掃建制議員, 佢地只會越來越娼狂, 日後賣港事件只會越來越多….

  6. S:

    沒用的 , 事不過三, 況且今次己經係第四次, 上次中石化有樣你睇, 選完立法會保証香港政府一定不了了之…..

    仲有, 南丫島響索沽灣見到果一塊用來起樓既地皮無?

  7. one:

    我地唔係要追殺中石化, 十號波係FORCE MAJEURE, 大家都知道無得避, 問題係在於政府對國企出事所做出來既隱暪

  8. 好多人都係因為擔心生態災難而主動去幫中石化?屁股, 但我要響執膠時, 有無想過, 為什麼我們的政府, 那些制造問題的企業永遠不會解決問題?

    有些人覺得事不關己, 但更多人真係忍左呢種政府對企業及本地財團由上而下危害既隱瞞好耐, 今次己經唔係第一次, 而係己經好多好多次, 我們的政府一直以來的掩飾, 唔代表我地每一次都要硬食!

    我們不希望香港會像福島因為東京電力一直以來對錯誤的掩飾及隱瞞而成為廢城(令我記起大亞灣核電廠核燃料事故) , 在我們收拾環境同時, 更要令香港人, 與及企業都明白, 企業必須要為他們的問題負責!

    有些人說, 不要環保政治化, 但我們再看看政府的回應, 及取態後, 政府今天對財團企業的放縱, 正正不就是因為政治權力太過傾向中資及地產所致嗎!

    今天, 我帶病一路喘氣一路走, 到了南丫島, 下船後看到的不是膠粒, 而是索罟灣將要起樓的那個地盤己經有一些推土機. 另一方面又見到今天也有不少人在執膠, 內心很矛盾. 膠, 還是要執, 但我們看見南丫島前石礦場起樓, 大家把沙灘執乾淨, 原來很快又要起樓了, 屆時, 污水/填土/島上新增居民產生的家居垃圾, 難道不是另一生態災難嗎?

    為此, 我們必須要在政治上面, 給他們算得清清楚楚!

  9. 之前似巳有案例,
    環保處告一個本港商家倒 ‘沙拉油’ 落雨水渠,罪成並罰款。
    而判詞有提到該行為對環境造成的傷害。
    所以班 Dx 官不要話唔知今次損害的嚴重性。

發表迴響

你的電子郵件位址並不會被公開。 必要欄位標記為 *