DIY政治年代

無標題

Canon EOS 30D
Carl Zeiss Vario-Sonnar 80-200mm f3.5

話香港政府完全係垃圾,相信無乜人反對,至少依家特膠政府仲係死到臨頭都唔知死字點寫。但相信成個政治界更有興趣問嘅問題係,點解呢次係由一班中學生去KO一個政府?

首先,香港本來就有唔少早有慧根嘅中學生,大家睇番梁文道、或者小弟幾時出道喺《信報》寫文,或者范國威幾時提拔鍾錦麟就知。只不過,過去十幾年,所有俾有能力嘅人殺出血路嘅渠道,都被硬膠嘅社會制度封殺晒,加上唔少叻人喺中學後去外國讀書,大家至唔覺有呢班友嘅存在。勁人,不嬲都存在喺中學,特別傳統名校。呢個亦係土共班仆街,由司徒華年代到依家,千方百計要喺傳統名校玩洗腦嘅原因。

另一方面,中聯辦呢班日日酒池肉林嘅中共貪官,固然已經唔識玩政治,所以鋪鋪只識搞小動作,專養廢人,鑊鑊搞出大頭佛。但香港傳統政界嘅機器,亦因為極其硬膠嘅文化而開始失靈,各大政黨唔駛講,連學聯呢鋪都唔知去咗邊,包括中大學生會,結果就係一班中學生,加一班家長自力救濟。

所以劉細良喺《主場新聞》話香港進入維權時代,呢個講法係啱,但原因唔係因為失去對政府信任咁簡單。喺曾蔭權年代,大家已經唔信政府,更大原因係因為,香港由泛民到西環都已經膠到無朋友,機器唔能夠運作,大家侷住自己DIY。叫DIY政治年代,可能更準確。

延伸閱讀:
主場新聞-劉細良:香港維權時代來臨


3 thoughts on “DIY政治年代

  1. 黃之鋒都幾令我跌眼鏡,一個中四生可以踩上城市輪壇同人打擂台,仲可以令對手露底。

    中學生都已經走上政治抗爭之路,如果政府繼續與民為敵,霸王硬上弓嘅話,係唔係要搞到全民皆兵先會識驚?

  2. 如果香港人係可以擁有槍械的話,可能一早已經全民皆兵了。
    現在民間自發的聲音抬頭,是香港最後的一線希望。
    當政黨失效的時候,香港人才開始明白,政治不是只是某些人的遊戲,
    而是要全民參與的。

  3. Should Teochiuese, Hakka, Urdu, Sikh, Hindi, Javanese, Tagalog, etc. be made auxiliary official languages of an independent Hong Kong?

發表迴響

你的電子郵件位址並不會被公開。 必要欄位標記為 *