梁振英想搞「青年種票天堂」?

政府首輪建三千個青年宿舍
明報 – 10小時前

特首梁振英宣布擬全數資助非政府機構興建青年宿舍,民政事務局長曾德成表示,首輪目標是3000個。
曾德成表示,政府會預留10億元,讓非政府機構經營青年宿舍的,並以自負盈虧規式運作。計劃是針對18歲至35歲以下、在職的單身青年及少數已婚家庭,個人月入限額1.7萬元,二人家庭則是雙倍;個人資產上限是26.5萬,租金為同區市值租金的最多6成,租約至少2年,總租住期最多5年。

青年宿舍呢單嘢,本來唔駛民政事務局去搞咁多餘,因為呢件事如果係要入息審查,最簡單係房委會或者房協搞掂,點解要NGO呢?

呢單嘢嘅竅妙有兩點:

1. 先睇以下新聞

申環保基金送慳電膽
【明報專訊】政府先後注資17億元公帑的環境及自然保育基金,疑遭政黨用作政治宣傳。黃大仙民建聯區議員黎榮浩被指去年申請基金為區內獨居老人免費更換慳電膽,義工上門時卻穿著民建聯制服。環保署表示有指引禁止,負責審批撥款的基金成員則表明不可利用撥款政治宣傳。

未能聯絡相關區議員
本報昨未能聯絡黃大仙區議員黎榮浩,他接受有線電視訪問時表示,最重要是計劃令受助人知道對自己及公眾有益,沒有正面回應為何義工會穿著民建聯制服上門更換慳電膽。

該項名為「與光同行」的社區環保教育計劃由民建聯籌辦,其網頁上載穿著民建聯制服的義工上門更換慳電膽的相片。有線電視昨報道,黎榮浩以民建聯社會服務有限公司名義,向環保基金申請67萬元,向區內獨居老人派發5000個慳電膽。該計劃節能啟動禮上,嘉賓有民建聯主席譚耀宗、環保署官員及環團代表,橫額亦印上民建聯及環保基金標誌。

連擺明係政治團體嘅民建聯社會服務有限公司都可以做NGO派慳電膽,咁由民建聯社會服務有限公司搞青年宿舍又有乜出奇啫。屆時,支持民建聯優先有得住,仲唔會有一班人撲埋去。

2. 呢單嘢由民政事務局搞,因為民政事務局局長曾德成,根本係土共啲人,蛇鼠一窩,俾張炳良搞,張炳良同民主黨淵源深厚,仲唔一早通水去泛民果邊。大家諗吓點解突然間喺慳電膽事件有人爆民建聯大鑊,邊位高官突然「變節」做吹哨人,大家心照。我唔講邊個,呢條友玩殘民建聯功勞大家銘記在心得。

更重要係,既然民建聯或「土共社團」有呢三千個鐵竇,就可以瘋狂種票無王管,要幾多,種幾多,呢個唔係派糖措施嚟,係毒藥嚟,絕對唔收得貨。


3 thoughts on “梁振英想搞「青年種票天堂」?

  1. 在香港能夠擁有一個安樂窩是所有市民的心願,青年宿舍既不治標更不治本,這個種票疑雲的可能性的確甚高!

  2. 青年人剛出來做事,都想有自己的空間及近工作地點,通常三數人一起租個少單位。
    如果一人租到宿舍,租金為同區市值租金的最多6成,加多兩個同學分擔,2年至5年後可到一點錢。當年我和兩個同事,都想合租個單位近工作地點,但租金不平只好放棄。

  3. 我本想以毒書來做題材,純粹表逹個人思想。我無諗過所有毒書同惡法是來自同個原因。無證據只係假設,信仰依家野好難有實證,如果覺得有道理,咁不妨當成參考。
      所有黨員都會熟讀三國演義,裏面有謀略、科技、措辭、法律、神力及祖制。點解共產黨話自己係人民代表,係地道,係中國文化,因為沙文主義。沙文主義點來?因為三國演義否定左神話。
      雖然宗教唔係唯一途徑與神溝通,舉凡科學、政制、法律、運動、文學、商業皆能與神溝通。就算連中華文化的其他承繼人都有此通病。例如︰日、韓、台都受到墮落思潮影響,有政策偏向享樂思潮,雖然可以帶動經濟,亦都造就左年青人短視,因為法律教曉左佢地娛樂,但多餘的娛樂有需要嗎?點解佢地唔主動阻止自己過度娛樂。這就是我個人的想法;無同上帝溝通過,即無神話。而後起國家如大陸、朝鮮就以此享樂思潮為藉口,話自己是真正的繼承人,因為正統無辦法解決問題,雖則自己亦無法解決,但自己財雄勢厚,可以使人過著相對安穩的生活;我無做調查,我無法否定澳門發達,雖然係假發達,對庸人就看成已經解決左。
      對於庸人到處都係享受;但對有志者都會諗教育,就算北京來的,北韓來的,雖然動機不純,但教育就係教育,無教育就係無教育。你睇下大陸的富二代幾無教育,即使博士函頭,都係無教育,教育就好似黃金,黃金以外就唔係黃金。就算滲雜了都有黃金。
      講返轉頭,現在共產黨攪"教育"好辛苦,攪宗教好辛苦,我今次唔係否定佢的功勞,我係想講佢地攪咁多野,都係為左佢地的信仰,唔係塗脂抹粉咁簡單;人無法同上帝溝通,任何溝通渠道都係假的,係邪教先至會咁做,會咁主張。所以大陸至今都假定有神職人員入國就會攪反革命,要大力控制。
      我地的近人都受到大道不言的思想影響。舉例︰你唔好立亂信人、未做調查唔可信、以乜標準。要解決以上問題,可答︰唔好作出引導性的問題。但係有無諗過上帝想點樣呢?神話有時都可作為解決標準,但我地有無諗過。
      得出結論。我地中華文化的思想只停留在世界潮流,順之者昌,逆之者不死則亡。使人唔信民主,相信強權。強權係上帝的造化,我地唔駛同上帝溝通,強權做到野呀,中華文化區現在普遍相信的事實,信精英主義係事實。如果要達到真正民主,要長年鬥爭,直到全部人都知道教育的重要,接受教育,唔在出現精英主義,真民主才會來臨。點解孫中山要攪革命?佢要宣傳佢的國民教育;知難行易,大陸的"國民教育"竟然把他當成精英統治世界的好處,國情教育唔要好過要,即使無書,都會學得識,實踐出潛藏的歪理。
      點解我會知道共產黨信乜野?因為我都受過黨的"教育",即使我對黨有反感,我都要努力改善教育,望有生之年能夠使人相信人同神是可以溝通的,精英係唔可以取代上帝的。

發表迴響

你的電子郵件位址並不會被公開。 必要欄位標記為 *