做硬膠唔係咁做

林忌改圖

成件事最好笑果點,係菲律賓啲唔識軍事嘅硬膠,話中國玩故意擱淺,然後中國真係官方傳媒走去附和,你聽過日本仔會認自己蘆溝橋果鋪係故意製造事端入侵未?

之所以中國會立即附和菲律賓呢個無戰略常識國家嘅硬膠分析,因為呢艘1993年服役,2007年升級嘅江湖五級導彈護衛艦,唔叫中國最先進戰艦都好,都叫做南海防護嘅主力,你要玩膠大把舊嘅江湖級艦隻俾你攞嚟玩,每年中國都會將舊款江湖級戰艦賣俾孟加拉呢類國家(正所謂食得唔好嘥),或者俾海上警察用,點會攞隻2007年至升級嘅版本玩?

好明顯呢次擱淺事件,唔係東莞號艦長膠咗,就係東莞號係2007年升級果陣出咗問題,大家都知貪污腐敗一早深入軍中,然後2012年打真軍果陣就真係衰鑊甘。唔怪得2011年至今,喺索馬里捉到海盜,除咗美國,就係印度同大韓民國海軍。睇怕中國貪污成咁,真係同索馬里海盜打,一打即散都似。

睇嚟唔好話南海之戰,台海之戰都無乜可能打,因為怕且一打,後果大鑊過1894年中日甲午之戰(小弟稱為第二次中日戰爭)。

後話:睇番1894年嘅歷史,日本當時對清帝國檄文《開誠忠告十八省之豪傑》,幾乎成篇文都係講驅除達虜,恢復中華。好多中國糞青話係日本人自我修飾,但依家小弟用番四個中華論嘅框架,果篇檄文係好符合日本由明亡以嚟嘅立國精神,佢就係中華,大清唔係。都係果句,中、韓、日、台四國互爭天朝正統,就係東亞歷史嘅主軸嚟。


3 thoughts on “做硬膠唔係咁做

  1. 1894甲午海戰,號稱世界第七,亞洲第一嘅北洋水師,幾乎全軍覆沒,清朝官員貪污係最大原因。很少有人提到,當時戰船燒煤,因此各國都為海軍優先提供優質燃煤。大清國貪污嚴重,直隸省開灤就有好煤,朝廷雖然付優質煤價,但海軍拿到反而都是劣質,燃燒之時濃煙滾滾。結果在海上被日方遠遠觀察到濃煙,知道北洋水師艦隊就在附近。而自己懵然不知,一小時之後日方擺好陣勢,北洋水師始如夢初醒。錯失先機,劣煤又動力不足,咁就玩完!今日南海艦隊狀況,哈哈!

  2. 鵝成日懷疑強國試射飛彈,睇到有煙就算成功,書記大人大叫一聲:[成功!!!!!!發射成功!] 然后拉大隊大吃大喝叫雞去慶祝又填補了一個空白。

發表迴響

你的電子郵件位址並不會被公開。 必要欄位標記為 *