梁振英,你係時候考慮辭職

當小弟走去買空拍圖(每張盛惠五百六十蚊港紙,仲要等燒DVD),明報礙於各方壓力,被迫早過小弟公開佢地買到嘅空拍圖,以高解像64倍放大,證明梁振英至少有一個僭建物,係梁振英自己起,唔係發展商搞出嚟(仲好意思屈Hello Kitty,佢自己同Hello Kitty解畫喇)

明報頭條:天眼揭梁辦失實

【明報專訊】本報翻查政府高空拍攝圖片,揭發梁振英辦公室就僭建事件回覆傳媒查詢的內容失實。本報上周三揭露梁振英山頂大宅僭建玻璃棚,向候任特首辦查詢時,候任辦書面回覆表示,玻璃棚「前身為一木花棚,梁先生於2000年買入該物業時已經存在」;不過,政府拍攝的高空圖片顯示,梁振英買入大宅前1個月和收樓後3個月,大宅根本沒有「木花棚」。換言之,上手並無留下「僭建木花棚」給梁振英。立法會議員李永達表示,根據此一發現,若梁振英沒有合理解釋,「便是講大話,誠信破產」(見另稿)。

另一張政府高空圖片顯示,梁振英在收樓15個月後、即2001年9月,該僭建木花棚才出現,反映梁振英或家人可能在買入大宅後,自行僭建木花棚;及後,當木花棚被白蟻蛀蝕而拆掉,再僭建另一玻璃棚。根據現行條例,沒有向屋宇署入則審批的大型構建物如大花棚等,均屬違規僭建物

正所謂有相有真相,依家梁振英講大話係證據確鑿,特別空拍圖片係法院可以接納呈堂。梁生,你想點拆,定問林公公借把刀自切比較實際?

後話:我嘅Paypal收款帳戶係[email protected],有意樂捐小弟查狼嘅可以隨便捐少量。由於太多狼粉想舉報呢度違反Adsense廣告守則(唔明點解咁多人睇),我只能咁講,如果各位希望香港博客成為主流傳媒以外嘅制衡力量,讀者可能需要有自願睇廣告嘅習慣,當然太厭惡性嘅我唔鼓勵喇。但狼粉特別緊張有無違反Adsense嘅政策,好明顯係唔希望香港網上媒體擁有自力更生能力。

遲吓我會踢爆部分搞政治審查嘅廣告商,呢啲廣告商玩同流合污都應該係咁先。


3 thoughts on “梁振英,你係時候考慮辭職

  1. 是地殼移動,花棚由山下博扶林升上呢,唔X關一貫正確慨振英公事!
    我估條大話精夠膽咁講。

  2. Is there any mechanism in our election laws that allows an elected candidate not to assume the office?

    P.S. It’s now impossible to reply your posts on Android browser through the mobile version of your blog.

發表迴響

你的電子郵件位址並不會被公開。 必要欄位標記為 *