好戲在後頭

傳遞北京奧運聖火到倫敦,整件事膠到無朋友,聖火險遭被搶又有,甚至膠得用滅火筒來撲熄聖火的膠招都有,大家可以想像到,膠到什麼程度。

不過,由於英國是2012年奧運主辦國,加上英國執法者一向有專業態度,所以當然不容許膠得像聖火撲熄的膠事出現。但下站是哪裡?巴黎!

巴黎市長的強硬態度,大家是知(「巴黎捍衛全球人權」,這句話美國人都未必敢宣之於口)。法國執法者是什麼態度,也是眾所周知。加上法國最著名,正是馳名世界的玩膠術。大家可以想像一下,倫敦已經膠到連滅火筒都出現,巴黎會有什麼出現。

初步來看,不計倫敦,以下幾站都應該好戲連場,可以買定花生:

1. 法國巴黎
2. 美國三藩市
3. 澳洲坎培拉
4. 香港

但巴黎和香港會最好看,香港就連土共,曾蔭權都爭著淌渾水,小弟這次祝他們好運。特別事竟成的膠力,大家都領教過,他又發功?五月之星等著他!

12 thoughts on “好戲在後頭

  1. 例如, 整個元秋咁既師奶, 樓上潑水落街…
    或者 war game裝備 (WTO style)拎定水槍(有無 50尺咁遠?)歡迎曾先生.

    再唔係, 放白鴿空投. 睇怕唔會學抽水哥鳴槍掛?

  2. 今次大陸奧運火炬環球傳送,傳送路程長度創歷屆紀錄,大陸滿以爲中國人還不站起來?

    偏偏來個西藏事件。

    起步不久,倫敦已險象橫生。路途還有那麽遠,大把機會出事。大陸特工以方陣陪跑保衛火炬,但人家文明社會,有示威權,人家警察不會保衛你碌火炬而大開殺戒。

    一路都是示威者,你保得一時,難保到尾。再者,更防不勝防的是,可能火炬運動員陣前起義,拒接火炬。衛星全球直播,果時真係嚴重傷害中國人民感情啦。

    如果火炬安全送抵北京,全體陪跑特工應全部升官5級或以上,才合乎人情啊。

  3. 我認為要運聖火無事,又要周圍走ge方法得一個:

    係一架特大防彈車內,安裝一部跑步機。到時聖火又有得保護,人又有得跑。

  4. 今次單嘢, 係你中國自己硬膠在前, 怪不得人家睇你唔起, 係要玩謝你為止. 無俾屎尿淋白菜已經偷笑.

    不過中國人咁有氣量同幾多千年美德, 將來一有美國/法國奧運, 你肯定會見到中國熄火大報復, 以安全理由要人哋熄火都得 lu.

發表迴響

你的電子郵件位址並不會被公開。 必要欄位標記為 *