梁振英繼續想轉移視線

喺篤爆咗梁振英直接向發展商買樓呢件事後,梁振英繼續喺度轉移視線,砌辭狡辯。有幾點,小弟要列舉出嚟俾大家思考吓:

1. 梁振英唔好同我講乜嘢一手樓、二手樓,甚至連無嘴嘅Hello Kitty都攞去拉落水,梁振英直接向發展商買樓,話之發展商賣俾梁生之前用嚟做乜,總之交吉前就要按法定圖則復原番靚仔,呢個係買樓常識。

2. 梁振英死都唔肯講邊位認可人士同埋律師諮詢過,但份契上面,胡關李羅律師行嘅羅志力係代表買方簽字,而份契跟住嘅圖則,IFC嘅設計師嚴迅奇全部有簽字,咁咪追究佢地責任囉,大佬,羅志力有責任確保交吉前無僭建之類嘅騎呢嘢,認可人士喺圖則上簽字亦要孭飛,做乜梁生突然咁好人,又唔告人。俾著一般人,告咗十世喇。有僭建物玩到踢契,係經常發生嘅事嚟。

3. 梁振英作為General Practice嘅測量師,肯定識睇僭建物。就算地產經紀,小弟今日接觸過嘅地產界持牌人士,都話經紀都識睇僭建物,否則點幫個客交易層樓,想死咩。梁振英居然話自已唔識,你講呀。

4. 梁振英老婆唐青儀嘅角色,亦係要質問,唐青儀唔單只做過執業律師,甚至律師行嘅合夥人,根據查冊資料,她仲係Lotvest Limited嘅公司秘書。律師已經肯定有一定專業知識判斷係咪僭建,作為公司秘書,她亦係Lotvest Limited嘅主要人員,她唔係唐太郭妤淺咁乜都唔知,幫老公擋子彈囉。她肯定喺呢單deal有一定角色,包括知唔知果啲嘢係咪僭建。

5. 仲有,根據啲契嘅副本,梁振英自已親自簽字,唔好話俾我聽乜叉都唔知呀。


7 thoughts on “梁振英繼續想轉移視線

  1. 梁振英係HK Poly巳讀左building surveying又係Bristol Poly讀valuation and estate management,唔係land surveying,無可能唔識check有無僭建物.

    如果讀valuation都唔識睇一間屋有無僭建,梁振英無資格做surveyor,因為valuation係要明白樓宇用途. 間屋無端端多左一個空間,無理由唔知.

    就算係香港PolyU d 讀Applied Property Valuation ge 學生,未畢業都要知要用apporved building plan去做valuation.

    See “Section B” in this exam paper:
    http://www.bre.polyu.edu.hk/bre_subjects/exam/exam11-12s1/Level%204/BRE436.pdf

  2. 如果在海外,佢未上任都要下台;但在民知喺第四世界,基層人士生活在第三世界,而經濟喺第一世界既香港,梁書記會識得引咎下台嘅可能性,就好似嘅禿鷹雄口頭禪一樣:「簡直係天謊夜談」。

  3. TO SMALL POTATO…

    不是從政之人無羞恥之心..而是香港人容忍無羞恥之心的人參政 可以容忍被同一條垃圾呃一次又一次啫

  4. 其實狼書記僭建呢單野幾個月未選凸首前已經有人傳緊,依家臨上任才被大爆,其實係咪唐營絕地反擊?

發表迴響

你的電子郵件位址並不會被公開。 必要欄位標記為 *