梁振英僭建係絕對唔可以饒恕

【明報專訊】本報獨家偵查揭發候任特首梁振英山頂大宅僭建玻璃棚及火速清拆後,梁振英昨天就事件向公眾致歉,並表明家中若有其他懷疑僭建物,即使只屬灰色地帶,亦會盡快處理。不過,本報發現梁振英大宅內有另一個花棚,形狀與已清拆的玻璃棚相近,顯然是僭建物,但至昨晚仍未清拆。有工程師表示,這個花棚就算沒有密封頂部,但因面積超逾100方呎,且頂部和支架結構緊密,也會被視為僭建物。

唐英年嘅大宅僭建雖然好誇,但如果唐家唔知乜係僭建,亦勉強可以接受,因為唐英年同郭妤淺真係唔係測量師、建築師呢類可以申請做認可人士嘅專業人士。

但梁振英係香港測量師學會嘅資深會員(產業測量組,會員編號0011,香港測量師學會公開查到),佢本身就係可以向屋宇署申請做認可人士(《建築物條例》第3條),產業測量師一定知道乜嘢叫僭建,乜嘢唔係,否則點幫個客提供意見,去決定啲嘢駛唔駛入紙,或者迴避當中涉及嘅補地價問題。可以申請做認可人士自己都走去僭建,仲要去講大話,你當公眾係lulu定Robert?

所以你話梁振英僭建大罪定唐英年,我一定話梁振英,唔單只梁振英係候任特首,而係佢嘅作為,絕對影響測量界嘅專業水平。唔該香港測量師學會出句聲。


9 thoughts on “梁振英僭建係絕對唔可以饒恕

  1. 我其實唔係好信唐生單野係孤例. 有個規模的僭建才會令香港的樓價合理吧?….今次應該係又玩唧牙膏….

  2. 死不認錯賤狼當然要聲討 , 更不堪係所謂公信第一報紙 , 若有刻意幫凶 , 拖延揭露醜聞 , 就更加無恥 .

    越窮越見鬼 , 買定花生等睇幾時隻狼畀人踢爆更大鑊的性醜聞 , 天下愛猩貓 , 豈止唐氏一隻 ?

  3. Apart from election petition, can we as private citizens, or Albert Ho as candidate, apply for injunction order to block him from taking office on 1st July?

  4. 持書者 TVB’s 新聞透視 had reported that these illegal structures are very common in houses on the Peak and in the New Territories.

  5. 你當公眾係lulu定Robert?
    答案係:柒碌

    狼生唔知自己出事咩? 但共產黨人最叻除咗打人凶人, 咪就係呃人囉!!!

  6. 2012 之後香港無一個強勢特首. 佢好快就下台, 好事.

    佢得罪左左派好多人.

    1. 踼走左劉夢熊
    2. 踼走左葉劉
    3. 得罪左商界
    4. 李旺陽當日佢著黑衫, 好多左派都認為佢其佢心有異.
    5. 六四後既留言

    一直以來佢好多野都”唔關佢事” 事實上好多事情都係關佢事, 而家選左上去仲未做特首, 人地仲唔煮重佢米, 學19 話齋, 中共今鋪真係唔想幫佢, 轉勢了.

    連替補投票都否決, 對中共來講, 呢D 政治係唔會死錯人的….

發表迴響

你的電子郵件位址並不會被公開。 必要欄位標記為 *