告別中國嘅論述

對好多搞自治,或搞港獨,或搞回歸英國論述嘅人,面對最大嘅其中一個問題,係點樣係論述上游說市民告別中國。大中國膠往往唔係訴諸道理,而訴諸大中國情懷。

新加坡喺併入馬來西亞聯邦,以及獨立過程都遇到呢個問題,如果唔係中文教育問題唔會惹火到咁。但李光耀係有做到功課,佢唔係用硬功,係軟功。

大家都知中國銀行喺海外分行,其中一個角色就係幫中共昆錢,海外華裔啲錢係經中國銀行匯。所以馬來西亞政府,喺中馬建交前一直都關閉中國銀行喺檳城等地分行。但現實上,有唔少華裔嘅親友又要海外接濟,而英國人唔關閉中國銀行新加坡分行,結果咪去晒新加坡匯錢。

1963年新馬合併後,馬來西亞政府想強行連中國銀行新加坡分行都執埋,但李光耀反對,李光耀理由話維持新中貿易。但新中貿易其實可以經香港處理錢銀,實際問題係,李光耀贊成吉隆坡嘅做法嘅話,即係要華裔嘅親友做一啲佢地眼中不仁不義嘅事,咁會死人。李光耀極力捍衛中國銀行新加坡分行嘅牌照,呢個成為新馬分家其中一個導火線。

李光耀雖然保留中國銀行新加坡分行,但喺獨立後,就開始加強「新加坡」認同,年青人固然唔駛講,老人家嘅新加坡認同,好大程度上係《霧鎖南洋》等本土題材電視劇嘅功勞,以軟文化方式告別中國,結果新加坡真係成功咗。

我諗一套香港本土為主題嘅文學或電視作品,喺告別中國上作用更重要,大家明點解我咁重視陳慧嘅《拾香紀》。所以喺我眼中,CCTVB係一定要鏟除,因為中共係借電視劇落毒。點樣喺師奶戰場佔關鍵位置,李光耀俾咗答案。《霧鎖南洋》英文譯名係The Awakening,大家心照。


19 thoughts on “告別中國嘅論述

  1. 其實大陸建立殘體字,根本是完全政治性的,等於秦始王二次創作,關甚麼節省時間事呢,完全是死雞撐飯蓋,倒轉來說,其實亦可以說土共一早已去中國化,所以我個人看法是中國非中囯,中國是一種夢想國度,實則無真正出現過,反之,中囯就很清楚,即PRC,中囯的國家用字就是鐵一般的殘體字。PRC、台灣、香港根本是完全三個政治體系,而香港自治根本是基本法規定列明的,只不過土共行股惑控制議會權力使基本法裡面的合約精神蕩然無存,所以,我個人認為,香港,是要去中囯化而不是中國化。中國二字,於我無甚意義。

    中國是甚麼?
    李小龍那一個中國?
    中華民國是中國?
    流行曲裡勇敢中國人的中國?
    西藏又是中國?
    PRC等於中國?

    只可以說PRC簡稱中囯而已。

    都唔明英國佬跟土共談香港前途問題時當初盤算甚麼。

  2. dbdb,

    你應該唔會相乜野港人治港,高度自治? 我八幾年個陣時,細個巳經聽大人講,香港只有港人自講.

    中國人搞民主唔成,我認為有一個原因係唔信憲法,唔相信一個人ge權力係可以借法律去約束. 依家唯一進步係開始尊重下合約中d條文,不過尊重憲法呢方面,中國人仲係無呢個concept.

    基本上,中共一日存在,香港都唔會有自治.

  3. 就是要令佢地死心, 令佢地知道中國己經不再既中國, 而是一個邪惡的政權.
    廿三年前的學生, 死的也死了, 令天悼念的只是廿三年前己消失的一群人.

    好似法輪功, 唯一一個能夠響中國引起風波既反對組織, 佢地對於中國, 有無乜野大中華想法? 或者有, 但你地法輪功佢地既宣傳會聽到d 乜野野? 就係日日都罵中共點點點, 中共管治下既人係點點點….. 甚至罵到認為在中共管治下連國民人格都扭曲了.

    好似早前李旺陽既死, 某些人會解讀香港人示威為為”香港人愛國家” , 但另一方面, 其實亦可以解讀為”這個邪惡政權己沒救, 其實應該放棄”, 解讀方法係工具, 分別只係識唔識利用啫.

  4. To 凌天羽:

    因為我受新加坡影響,所以我認為悼念李旺陽,反而對港獨有利。

    1964年李光耀決定反攻大馬政壇,蒂凡那並取得一個馬來半島嘅國會議席,係令東姑拉曼不得不決定驅逐新加坡。中共日後如果決定驅逐香港,其中一個原因係唔想香港變第二個西柏林。

  5. 一體兩面,有好多事用嚟證明「PRC 信唔過,同佢 bye bye 啦」,易如反掌,好過冷處理。甚至咁講,對中國有幻想嗰班主流,都總有悲呼「天理何在」之時(eg. 梁文道當年四川地震都拎舊約《聖經》個「城中重有一個義人,即可不亡」故仔,鬧鬼大陸);呢啲一點一滴,記住佢,然後講「大家悲鳴過『天理何在』幾多次?重可以有咩寄望?」,說服力大好多。

    凌兄所講嘅法輪功模式,其實好 work。平日覺 FLG 膠膠哋係一回事,但做到個地步係有一大班人 (全球計,一千幾百萬點都有),當PRC 係仇人,不共戴天,咁點都叫做係有啲辦法嘅反抗力量 (vs 海外民運)。

  6. 現實政治最大的問題是領導們本身也很”現實” “理性” , 當CY 話要封雙非後, BK 一眾媽媽全部收口, 佢地己經得到他們的利益後, 就不再支持什麼自治, 什麼反蝗全放在一旁, 今天的廣東道再沒有人留意, 疴屎還有, 但己經不再是什麼新聞.

    又, 為什麼好似社民連/人力會有這樣的勢頭, 佢地理性嗎? 剛剛相反, 就是他們很多場合都是”明知不可為而為之”, 我從不覺得人/社是理性的, 他們根本就不理性. 當曾經出現劉山青曾內地收監上十多年時, 對於人/社的人而言, 黃陽達的兩星期己算不上什麼, 就是長毛也預備到座兩個月花廳去反對政府.

    又另一方面, 好似十月圍城(GENZO) 去年可以一下子出賣其它領導就可以見到. 甚至係同佢打招呼都”唔識人”……接著響高登度團購國產椰汁比人背後串, 可以推斷, 一旦出現利益瓜葛, 這個利益大到足以令其中一些領導出賣其它人時, 他們的”現實” “理性”就會很容易出賣同伴. 而這些利益, 對中共來說可能只是很小的東西.

    這個就是香港左翼與右翼性質上分別. 右翼不是不能存在精神領袖, 但你們有誰願意坐監, 願意被軟禁, 比人仆頭, 放棄與內地企業生意來往, 甚至回不了中國? 我不知, 但呢半年, 好幾次遊行示威既日子就搞研討會… 結果扯走晒班人, 然後大大聲聲講話大中華主義者既攻撃…. 其實, 今時今日什麼左翼, 己經無去年果種攻撃咁勁…..

    最後問一問, 究竟你地想自治, 係計算過, 並希望響自治既政治環境下, 得到更多利益丫? 還是真心相信自治真的對香港, 令每一個香港人活得更好更幸福, 與及令香港更繁榮, 強大? 若果是前者的話, 那商界早就企晒位, 根本唔輪到你地去沾利益. 要是後者的話, 那請尊重李旺陽的死, 國內同樣爭取人民幸福的人, 不要以什麼陰謀論扯上愛國主義的帽子.

    香港出現不了鄭南榕的人, 要中共存在的情況下自治, 根本是妄想.

  7. Perennial_Loser:

    隻狼上位果時拎左好多自治可用既工具去tum 市民, 但佢看勢家陣會收番, 呢五年大把位比你地入呀, 最近既係, 港人港地絕對係可以玩大佢!

    呢個跟hkam 亦唔會什麼立場違背處. 但影響樓價的實質利益, 你地會唔會提啫….

  8. 我唔係 HKAM…企埋一邊睇嘢,暫時將HKAM、港獨同英治「三合一」嘅無膽匪類啫。嘿。

    廣義抗陸嗰邊,有部分係經濟右派;「港人港地」呢類嘢,真係會踩錯腳,到時又撞板。隻狼當選後,第二日即刻見生果報 quote 件學者,大彈「港人港地違反自由經濟」呢啲老調,即刻心諗,「死攬豉油驚滯唔放,唔知民憤何在,都唔識死字點寫」。

    政治進步,好多時都係靠一班人人都覺得「傻」嘅人拉頭,「傻」出個所以然。度火一定要有,有火先有得玩;眾怒宜用不宜逆,義憤尤甚,亦係人性所在。不過家陣世事來去如風,十日八日已經咩都唔同晒,所以上個 post 先回回下無人再回啫。宜家咁,左翼社運同主流嗰班有火但下下用錯,抗陸派又好似唔係幾揸得準幾時同火,幾時唔用,兩邊都唔到岸,頭痕。

    又:講起鄭南榕,士殺身以成仁,固然「難矣哉」;民生日困/現實所迫而有目標咁死控,好似上面抵抗拆遷嗰啲咁,香港連呢個 level 都未到。長路漫漫矣。

  9. 其實睇返民情, 除咗班大中國膠之外, 坊間自從認知咗搶奶粉同雙非床位問題源於大陸人之後, 普遍已經存在對中共不滿嘅意識。班大中國膠只係利用漢人沙文主義甚至係民族主義去意圖壓低呢啲不滿, 為的就不過是明知呢股不滿發酵落去, 就會同佢哋嘅大中國情意結越來越遠。事實上班大中國膠根本就撫平唔到不滿, 始終呢班膠根本無解決到呢股不滿嘅來源問題, 只係利用呢股「民族感情」牽制住人心, 而不至使呢股不滿於一下子發展至一發不可收拾

    不過, 呢股情緒繼續發酵落去, 就必然使市民會意識到中港有別甚至認同中港區隔出來。但呢個唔係話中共依家收手就可以無事發生或淡化。因為過去15年嚟做落太多負面影響香港嘅嘢, 依家陸續俾人掘出嚟。

    至於呢班膠人係真心膠還是為了個人政治前途嘅私利, 呢個就佢哋自己先知

  10. 樓上:

    不過講真,正如凌兄所言,自立同個別嘅現實生活問題之間,重係好大條 gap 響中間。例如班 BK 阿姑咁,擺平咗,轉個頭又走出嚟話你班人「搞事」(抗陸同一般社運,夾埋一堆嚟鬧),又有新問題出現先又出嚟 join 過,逐次計逐次清,動搖唔到「廣義中國」個根基。由現實嘅生活問題,升到去離開惡劣嘅國族,另立門戶,要花好耐工夫先得。

  11. 遇到班港媽之後就明白,點解連鬼佬自己都要詛咒民主制度。有時真心覺得BK班人不應得到投票權,簡直累人累物累街坊。

  12. BK 班師奶八婆, 算數啦
    但亦公平啲咁講, 其實普遍香港人都係咁自私, 只顧自己生活。對於時事, 除非影響到生活, 否則係當睇唔到無事發生
    至於廣唔廣義中國, 定中共治區 VS 香港特區之類嘅問題, 同樣地, 响「食飯」同「愛國」之間去揀, 普遍係選擇「食飯」

  13. 七一老虎都要高舉:
    1,堅決反對大陸車輛自駕遊(大陸批準香港車入大陸是大陸的事,絶無必要對等,絶不接受小量測試,不要上狼共當。

    2,香港城邦自治,基本法二十二條萬歲。

    3,單程証一百五十名額香港話事,香港擁有最終審批權。

    4,

  14. 要的應該係學當年福澤喻吉寫”脫亞論” 一樣, 應該去寫一個”脫中論” , 事實上, 今天的中國仍然未脫離清朝的思維, 皇帝/貴族的封建思維仍沒有除去, 酷刑仍然沒有在中國廢除, 法治腐敗, 政府出賣礦產/社會資源去獲得個人利益,

    要不是, 就應該利用政治活動, 甚至應該由人民發起內戰奪取中共政權, 進行脫中.

    基於福澤對日本現代化的看法,他很支持甲午戰爭。一如不少日本政府的官員,福澤深信要實行亞洲的現代化,最好的途徑就是戰爭。他認為中國的弊病在於她那些陳腐、不變的制度。中日交戰時,清朝仍有纏足的陋習;酷刑在日本早已被廢除,但仍在中國盛行;鴉片大量出口到中國,令國人精神萎靡。清朝的政治制度未能防範外國侵凌:朝廷被迫出賣鐵路、採礦等權利,以償還國債。當時的日本,同樣要承受不平等條約的委屈。對福澤而言,戰爭不但可以給日本一個翻身的機會,還可以藉此令她強大,讓其他亞洲國家早日「警醒」,變革圖強。

  15. 如果七一想玩大佢, 趁遊行警方人手不足, 搵十零個人快快手手換左金紫荊支旗

  16. 630 晚上預早掛定支獅旗... 然後晨早call 記者.

    這樣做比較有效。

發表迴響

你的電子郵件位址並不會被公開。 必要欄位標記為 *