意料之外嘅怒吼


本人所攝,本人保留版權
器材:Panasonic GF3 + Carl Zeiss Distagon 35mm f2.8 T*

本人所攝,本人保留版權
器材:Panasonic GF3 + Carl Zeiss Distagon 35mm f2.8 T*

中國「被自殺」謀殺事件一向好多,但李旺陽被殺案,令香港人再被激怒,請問警方用邊隻眼睇到得萬幾人咁少?

李旺陽事件唔單只代表香港人對特區政府反應,亦代表對北京中央政府反應,以前香港人成日話中央實好,依家觀感肯定唔係呢樣嘢,如果唔係葉國謙就唔會跟車太貼跟到撞到一頭都係。而中聯辦擺官威阻住示威,只會加深港人對中國反感。

所以我無陳雲果隻擔心,李旺陽事件會綑綁民族主義情結。事實上,連泛民主派都完全反應遲鈍,或唔敢反應。如果唔係周澄同曾浚瑛當機立斷,都未必有呢場示威。葉國謙嘅轉軚,正反映北京嘅政治判斷。呢鋪邵陽政府,已經玩殘咗北京。北京唔知點處理香港,俾香港施壓成功,就係1964年新加坡人民行動黨反攻馬來半島翻版。唔俾香港施壓成功,更多香港人對中國徹底失望,又係一鑊泡。呢鋪北京點收拾殘局,自己諗。

後話:

本人所攝,本人保留版權
器材:Panasonic GF3 + Carl Zeiss Tele-Tessar 135mm f4 T*

呢場兩萬五人示威,係周澄,同實際係社民連黨員曾浚瑛發起。只係三天,而且周澄頂咗訪問,曾浚瑛就食咗胡椒噴霧(又係illegal open fire嘅victim),佢地強調悼念李旺陽唔講政黨背景,亦唔強調民族立場,恰如其份。相比之下,人民力量食相難睇到呢,叫黃毓民自己撼頭埋牆吧。


14 thoughts on “意料之外嘅怒吼

  1. 中共係唔會俾香港施壓成功的,因為一旦成功,全國的維穩工作如何做下去。
    由李旺陽先生的遺體被火化的一刻起,北京與湖南政府的扯貓尾亦式開演,
    戲碼是北京派人查,但証據被毀,由一個由燦仔轉職保安員,承認因李旺陽先生
    由醫院出逃,此保安員被責罵,因此 “誤殺” 李旺陽先生。
    劇本同千島湖台灣遊客劫殺案相似。

  2. Nelson Cheung

    六四過後兩天, 其實係好敏感, 響咁敏感時間做咁大動作, 再加上之前殺烏坎村村民代表令到最後中央要放權擺平, 就感覺呢一單野唔係單純因為民運人士本身.
    我認為呢件事係涉及十八大前既權鬥, 政法係周永康負責, 早前陳光誠事件搞到政法孭鑊, 山東政府法政已經有人畀人祭旗, 所以有人特登整死李旺陽, 過胡溫一棟.

    近日中共權鬥發展, 團派已經對江派進行清場, 李旺楊事件似有人殊死反擊, 可能想借刀殺人 更什者一拍兩散, 最起碼而家人民既怒火, 矛頭係指向成個中共….

    又係果句笑話: 民建聯跟車太貼, 好易撞!!!

  3. 再回, 看完版主twitter, 再看看你兩年前文章:

    “現時中國領導人眼前有兩條路,他們可以選擇走納粹的道路,不理國際反對折磨劉曉波也可以,只不過這種國家不要與鄰國發生戰爭,因為這種國家是沒人尊重,大家看看納粹德國下場便知。他們亦可以選擇讓中國走向民主、自由,像戈爾巴喬夫,以及結束種族隔離政策的南非白人總統德克勒克,都是和平獎得主。只要作出正確決定,胡錦濤也可以是和平獎得主。”

    去到呢一步, 打算放風利用平反六四去令異見人士覺得中共仲有救呢一著己經封殺晒, 現在己見內地異見亦對中共己經全不再有幻想, 直接將烏坎村時的”相對開明” 處理手法全破.

    這一吊之後, 中共己經不可能走第二條路, 中共會平反六四只是幻想, 六四的帳只會響中共倒台後清算.

  4. 李旺陽被謀殺反映有人將香港再次成為中共權鬥的戰場,反射回中國。羅范今天也出聲了。

  5. 淨係睇呢張相, 都睇到起碼有四千幾人, 仲睇唔到龍頭龍尾添. 死差佬話得五千幾人…

  6. 今日蘋果日報頭條:發動十萬人簽名,要梁振英親交胡錦濤。但是十萬簽名交比豺狼轉交胡錦濤,豺狼會做嗎?胡生會接受嗎?大家要記得胡生鎮壓西藏獨立活動,令很多西藏人自焚!這又是傳媒迫香港人默認豺狼是特首,和俯首共產黨的行為!

    香港泛民政黨如是,白鴿民協不用說,公民黨之前又默認了豺狼特首,人民力量不惜被插菊花入小圈子沒作為的立法會(只有長毛最獨立),個個議員都代表香港人跌入民族陷阱、傳媒蘋果又跌埋入去。香港靠他們根本沒得救!太多人未教化(或被洗腦)!

  7. 香港人還未發覺自己默認了好多事實,例如豺狼會是特首,而不質疑他的認受性,現任的泛民立法會議員,繼續參與下屆的選舉而不質疑這個遊戲玩下去蝕底的是自己。大家仍然相信中國共產黨是會進化變好,而不質疑不否定它。沒有人去打破既有的遊戲規則,你們怎樣反抗?

  8. 陸共人開始和諧天安門媽咪, 有一位媽咪中計話要調查, 話當時可能”異化”, 面對陸共人只有老百姓沒有公民, 而對手唔係人真是很難應對; 振英囯話囯家積weak, 我好驚呀! 說得出者果然是黨員………..

  9. 楊百川 : 回應: 香港何必要做中共權鬥場

    中國政治權鬥, 最大殺傷力係利用國與國既反射, 將權鬥利用海外去反射回中國, 早前陳光誠, 甚至胡溫搞死薄都係利用國與國之間既反射做大個新聞, 因為中國就好似黑社會政治, 佢地好講面子, 家醜不出外傳. 一旦傳出, 就要響常委上面交待, 甚至要交人.

    早前陳光誠事件, 己經令好多地方政法委下馬….

    而家擺到明係暗殺, 但無實証搞周永康, 但香港既怒火卻燒左去胡錦濤上面, 如果胡錦濤擺唔平香港單野, 習近平處理香港事務的, 就會被評為無能力處理香港事務而批評佢, 甚至會影響十八大佈局.

發表迴響

你的電子郵件位址並不會被公開。 必要欄位標記為 *