人渣無極限

六四民運領袖李旺陽 離奇上吊身亡
2012年06月07日00:06
被囚禁長達22年的中國六四民運人士李旺陽,昨天(6日)突然傳出在湖南邵陽醫院內死亡,家人接到通知趕到醫院時,李旺陽的屍體仍未解下,妹妹李旺玲抱著屍體哭叫:「我的哥哥呀,坐了二十多年牢都沒死,結果是這樣。」

中共當局指李旺陽是上吊自殺,但從家屬提供的影片及照片可以看到,屍體當時脖子纏著白布掛在窗戶上,雙腳仍站在地上,根本不像自殺。李旺陽朋友表示,他們想為遺體拍照,但是警察不允許,更搶走遺體,要求家屬必須申請,才准許驗屍。

熟悉中共人渣手法,都知呢單係一宗典型「被自殺」嘅謀殺案。

乜叫「被自殺」,就係公安,特別地方嘅公安,用嚴刑迫供之類,有意殺咗人,或者錯手殺咗人,但又唔認數,所以屈死者係自殺。但如果認真做屍檢,啲公安係死硬,所以實有搶屍呢部分。好多時,死者家屬同公安會爆發搶屍大戰,為係真相。

呢啲「被自殺」實為謀殺案件,非常凶殘,一宗都嫌多。所以六四有去晚會,無可能對呢類行為坐視不理。

有啲人如果認為呢啲嘢唔駛理嘅話,咁佢地千祈唔好返中國做生意,話唔定下一個被殺嘅係你。公安呢類殺人方法,除咗用喺異見人士,仲適用喺拆遷、索賄不遂,好睇當地啲公安嘅人渣度。連英國人海德都死喺谷開來手喇,係咪?


9 thoughts on “人渣無極限

  1. 六月六日:人數無用,哀悼無用。香港六四燭光悼念有何用?才兩日又死了一名烈士。

    我敢說,表面的儀式是無用的。七月一日就算全香港市民上街也只是徒勞無功,無用既,改變不了事實,因為香港人只會自我安慰。

  2. 悼念六四的唯一作用就係令參加既人再一次明白 中國根本就係一個唔文明既國家.
    果d有大一統情結既蛋散 果d幻想中國會自己變好既蠢蛋又好 係一定唔能夠扮睇唔到

    只有果d以為可以著到草既人先至覺得平反六四是有好處

    當然個event搞手當然唔係咁諗 成個event只係宣揚中國人既自戀自悲 而獨欠憤怒和後續行動..

  3. 中國境內(香港除外)人民,繼續默許,縱容共產黨的高壓統治而不採取行動,這種事一定會繼續發生。中國人的抗爭意志,真的全無了。可悲!

  4. 係近年對抗獨裁政權上,中國人同中東人比,真係不知所謂.

    沉默ge民族係唔配有民主.

發表迴響

你的電子郵件位址並不會被公開。 必要欄位標記為 *