無民主,無辦法

審計署長對特首亂咁外遊嘅審計報告

主動披露 為加強對公眾問責,政府宜提高透明度,定期公布最 高領導層 (例如部長) 主要外訪的詳情。英國、加拿大和澳洲新南 威爾斯州等國家/州郡均採用這個做法,

大家都知,政府主動向公眾加強問責,披露外訪詳情係最好。問題係,點解英、加、澳等國最高領導人肯披露外訪開支,因為佢地係民主國家,領導人要向民選國會負責,亂駛錢就落台。

香港呢?你估隻狼會主動披露?咪發夢。你睇佢反拉布個猴擒相,大家應該明白,無民主,無辦法,啲領導人繼續亂嚟,繼續亂駛錢。呢個正正係,香港人最無奈嘅地方。


5 thoughts on “無民主,無辦法

  1. 另外, 如果許先生做文化局長, 我覺得不正確, 應該叫親子局長較合適……
    唔明, 點解有些人, 對讀過吓苐子觀, 三字經, 會形容得好良好………..

  2. 狼當然要防,但貪曾的確亦爭唔落,除香港人追究之外,絕對應該褫奪爵士銜,以免馱衰大英帝國。

    久聞匯豐銀行董事總裁,公幹搭飛機都只係坐商務甚至經濟位,難道大笨象真係唔怕有損行譽,慷小股東之慨,花多點錢巧威威都唔肯?

    唔係一人一票民選,都已經衰樣到咁,一旦有扮普選假普選,使唔使整架港版「空軍一號」?!

  3. 行政主導的意思 就係貪污 爛賭 滾女人…

    三權合作的目的. 就是打開香港的金庫 (如果還有的話) 將前一手使剩既錢 盡快同盡量咁使向外面….

  4. 我覺得雖然曾爵士係爭唔落,雖然係有問題,但真係無計
    雖然係嘥錢、雖然無提供理據點解要住好,但我覺得問題無D人鬧得咁大鑊
    比起租豪宅(雖然退左)去威尼斯人住貴賓套房之類,我真心覺得坐頭等住總統套房唔係大問題

    鬧應該要鬧,但都要顧全大局
    越鬧狼越開心,到時問題會變得越來越大
    借打擊曾爵士而爭取民望繼而令人鬆懈,立下種種惡法,先係最值得擔心既問題
    我覺得依家市民傳媒都應該收聲唔好再鬧,低調比廉署自己處理
    反正鬧唔鬧廉署都係咁做,但鬧就明益左隻狼
    點計都唔抵!

發表迴響

你的電子郵件位址並不會被公開。 必要欄位標記為 *