巴膠

呢幾日喺九龍,九巴熱狗車會出現嘅地方,都出現大量叫巴膠嘅巴士迷,去到生人勿近嘅地步。

當然,告別熱狗車玩到咁膠,一部分因為九巴班友蠢過豬,人地JR東海、JR西日本告別300系嘅新幹線火車,已經一早預告有關班次,最後一班車係特別開賣,專俾Fans。仲有有啲退咗役嘅車,已經送咗入博物館俾人欣賞。我喺三月頭去日本名古屋期間,正如撞正300系退役期間。JR東海同JR西日本仲乘機狂賣紀念品賺一筆,你話九巴班友唔係蠢又係乜?同埋同系嘅數碼通一樣,啲友個腦唔識轉彎。

但另一部分好大責任,分別喺政府,同埋巴迷身上。

政府責任喺香港無一個巴士博物館,唔似日本三間JR公司都有自己嘅博物館,JR東海同JR東日本仲係搞得好大果隻,如果有博物館,有行得嘅熱狗喺博物館附近往來,係無巴迷膠到咁影相,因為無必要。喺應付交通迷政策上,香港比倫敦同日本落後太多。當然,鄭汝樺條仆街,除咗識搞高鐵貪污,仲識乜?

香港啲巴迷無家教都唔係第一日聽聞,佢地呢班友唔係真係欣賞巴士或火車呢種公共交通工具,簡單嚟講係一班佔有狂,所以至有咁多偷巴士水牌,唔顧安全影巴士等事件。依家巴士迷養咗唔少狂迷,我想問,呢種風氣係唔係應該糾正吓。

依家好明顯個社會,係製造大批巴膠,可以咁講,係怪獸家長、港孩、港女呢啲怪物嘅另一種延伸。個社會有病,怪物就自然多。


7 thoughts on “巴膠

  1. 咁多年嚟, 香港無平台去做交通文化保育同教育, 搞到班細路亂差咁嚟
    呢個真係一個事實。如果有一個博物館, 可以擺起呢啲舊車之餘, 修復返同埋好似英國、澳洲咁, 用一個VINTAGE CAR 嘅牌照出街行, 俾市民遊客可以坐返, 根本係一件好事, 亦令到啲人知道仲有得見甚至坐而唔會狗衝

    今次事件仲有一個問題, 就係九巴同運輸署根本無打算做任何歡送活動, 兼且連LAST SERVICE 安排全部急就章, 玩死全世界

  2. 「JR東海同JR西日本仲乘機狂賣紀念品賺一筆,你話九巴班友唔係蠢又係乜?」
    賣巴士模型又如何?

發表迴響

你的電子郵件位址並不會被公開。 必要欄位標記為 *