香港文化界當權真係垃圾當道

胡恩威嘅膠status

我在香港身體力行了藝術工作二十多年了;所以我可以有些觀察;但是情況是否樂觀?年青的藝術家大都急功近利;基本功不好;又不會尊重;香港年輕人都喜歡以否定以前來確定自己的存在;對香港藝術發展認知不足;對藝術技巧和理論更是沒有追求。藝術只是停留在發洩的層次。

胡恩威本來係我多年朋友,但佢出埋啲咁嘅status之後,應該朋友都無得做。但香港文化界出現幾多垃圾,我諗都問題好清楚。

或者有年青人急功近利,基本功唔夠好,但胡恩威自己交出乜功課出嚟,我唔講大家可以無買飛睇佢啲show(大家無睇,我丙佢亦唔公平),只係講亞視節目《我要做特首》,呢個節目水準真係低到連唱K都不如,佢仲好意思出嚟鬧人嘅?香港有幾多基本功好胡生十倍,又唔係鍾意否定以前,甚至肯定以前嘅人,又有藝術技巧同理論嘅人,連平台都無,因為對文化藝術界太失望,搞到心灰意冷呀。佢鬧人只停留發洩嘅層次,我唔知佢自己搞果啲自我感覺良好嘅嘢係乜層次。

胡恩威顧左言他唔肯回應,學晒老董咁,固然已經好差。但更差嘅人有Stephanie Chin,呢條友鬧唔過人就話人精神有問題,乜呢啲係辯論嚟架。

呢條友係寫詩

Stephanie Chin所謂詩作

老一輩成日鬧所謂Cyber Bullying問題,咁依家Stephanie Chin俾啲乜榜樣大家?呢啲友仔我選擇好簡單,就係向Facebook投訴,唔掂就訴諸法律,唔係為錢,因為傷身,係要教訓呢啲文化界當權者。我依家睇法係轉咗,一般無名無姓網民,言論幾過火都不必深責(五毛例外,職業打手係要佢嘔突人工),但如果係有名有姓,以為好大支嘢果啲,我地係有理由俾一個高啲標準。

但香港文化界就係呢班咁嘅質素嘅人把持,仲要胡恩威算係唔係核心果批,你話香港點會唔做文化沙漠。

(所以我唔奇怪呢班友無喺反對網絡廿三條度出一句聲,真正搞文化藝術嘅會反對網絡廿三條,因為會嚴重影響創作自由,但呢班友可能真係搞到日後有海關上門拉人封艇至知死字點寫,大家都知胡恩威嘅創作唔係完全無二次創作材料)


3 thoughts on “香港文化界當權真係垃圾當道

  1. 黃兄對胡恩威的評價不全面。雖然亞視節目《我要做特首》是太沈悶,但他有份的進念二十面體是不錯的。(http://www.zuni.org.hk/)可能舞台劇和電視不同,他發揮不了應有的水準。
    我看過東宮西宮之十大9官,真是非常好笑。(http://qualityalchemist.blogspot.com/2010/09/political-drama-9-during-mid-autumn.html)
    其實胡恩威的創作,很多都是二次創作如改編電影Inception!
    他是應該領先反對網絡廿三條。

發表迴響

你的電子郵件位址並不會被公開。 必要欄位標記為 *