點樣令一眾土共坐到屎忽生瘡

香港玩拉布,係比第二啲國家好玩,因為其他國家都普遍玩過拉布,係唔會有議員因有人玩拉布而坐到屎忽生瘡事件。但由於香港未有經驗,所以班土共就好容易被人玩到凌遲咁。

譚志源話可以禮拜五過,固然係太天真,但黃毓民話拉十五日,亦睇低自己。

要玩拉布,其實泛民唔駛派晒全部人去全體委員會,泛民以輪班方式每日留三件喺度,其餘人等要籌備選舉就去籌備選舉,要接case就接case,要hea都可以去hea,全體委員會每名議員可以發言十五分鐘,咁好簡單,人民力量兩條友,每人十五分鐘,長毛又講十五分鐘,泛民三位代表又講十五分鐘。就算建制派全部唔講:

(15×2)+15+(15×3)= 30+15+45 = 90
一條修訂90分鐘,未計打表決鐘時間,1306 * 90 = 117540分鐘,即1959小時(117540/60分鐘)

每日用13個鐘審議(早上九點到晚上十點),就算當連周六日都開,1959/13 = 150天

呢個只計全體委員會階段,未計人數唔夠要打鐘,表決時間等等,開到天荒地老都未開完,仲未計《版權條例》。要癱瘓個議會,有幾難。但可以肯定係,土共準備坐到屎忽生瘡都得,衰過坐監。


9 thoughts on “點樣令一眾土共坐到屎忽生瘡

  1. 抵死。鬼叫佢地成日廿三條,又禁二次創作。
    仲有,班人話頂撞政府好蠢班人去晒邊。你地支持廿三條,唔係諗住苦海無涯,回頭是岸。啞忍唔係實事求事,係害死人呀。

  2. 世澤, 你話 ” 泛民以輪班方式每日留三件喺度…….. 人民力量兩條友,每人十五分鐘,長毛又講十五分鐘,泛民三位代表又講十五分鐘。”

    之不過:-

    對於人民力量的呼籲,民主黨張文光表示,該黨要在周三開會才能定奪,但他強調民主黨立場清晰,會反對《2012年立法會(修訂)條例草案》。對於人民力量希望泛民缺席會議以促成流會,張說:「不要那麼天真,建制派自然會數齊人開會,23個泛民議員不在,也不能成事。

    你覺得點呢又 ?

  3. 張文光自己膠啫

    就算民主黨唔玩,只要其餘泛民玩呢個輪大米遊戲,由於香港嘅議事規則係唔預人玩拉布,結果就係土共自己識計數都會投降。

  4. 張文光傻啦。建制派齊人開會係要包括埋成堆出席率極低既功能組別議員。霍震霆會陪你成日坐低聽廢話?
    不過算啦,泛民仲膠。有好似張文光呢種言論,好難打得好呢d 拉布戰架啦。

  5. 要班飯團合作,除非呢單野可以炒得起,最終都係要靠香港人,果班友至會識郁,佢地會自動自覺,簡直天方夜譚。

  6. 張文光?當年業瘤俾大陸佬、婆圍,被困車中,佢走去英雄救美!
    民主擋?叫佢倒米就叻!

發表迴響

你的電子郵件位址並不會被公開。 必要欄位標記為 *