總統套房只係個假議題

喺蘋果踢爆梁振英做咗石敬瑭,俾一件叫陳冉嘅中共中人入嚟做特首辦特別助理之後,隨即有梁振英嘅御用狗腿傳媒,大爆曾特首外訪住總統套房。

大家幾憎曾生都好,作為一個城邦嘅元首,我唔理曾蔭權定梁振英,只要佢係公務外訪,除非佢係美國官員,否則住總統套房係無問題。唔係因為佢特別豪,而係曾蔭權訪問當地,要會見政要,或者商界人士,你唔通真係膠到另book會議廳見人?點見?仲有,一旦有人買凶殺咗曾生,當地政府孭隻大鑊,點孭呀?曾生手上有唔少猛料,有人想買凶殺咗佢,我信架。

有人話點解美國駐華大使駱家輝可以坐經濟艙,兼住一般酒店房。一方面佢唔係元首,但另一方面,因拉登嘅關係,美國官員鋪鋪出嚟啲保安陣容勁到無倫,隨時成層樓住嘅都係FBI特工,或坐嘅經濟艙,有幾件都係FBI嘅人,只不過呢隻排場,大家睇唔到。我可以講,梁振英煽動啲唔識嘢嘅香港人真係好掂。

唔好俾梁振英條仆街咁易轉移視線,網絡廿三條,同埋陳冉呢啲共狗入政府至係值得追殺。曾生要住總統套房,呢幾個月佢鍾意住飽佢。


7 thoughts on “總統套房只係個假議題

  1. 完全同意, 共青團成員做政府幕僚是大穫過總统套房,問題是香港不少人很無知,不識還話你陰謀論,吹脹也。梁生不愧為野心家。

  2. 1. 搓乳勤即刻話應該學囯家領導人喎,鞋刷得快、狠、準。
    2. 大陸各大奬學金制度有漏動,必須堵塞 。
    3. 總統套房5皮嘢,肯定最cheap果種。
    4. 土共加港共一齊玩嘢,名曰民粹。

  3. 狼英土共皇帝,當然要時刻警惕;至於曾蔭權,個人覺得好難爭得落。

    話係共匪趁佢病攞佢命,越窮越見鬼又好,當奴憎身負英倫爵士勳銜,今時今日be native到如斯地步,唔係佢本人折墮自暴自棄,做壞規矩,共匪要砌生豬肉都唔係咁易。

    早兩個月見到事頭婆英女王搭平民火車,鼓勵王室盡量慳儉交通費的新聞,真係不勝感慨– 事頭婆管治時,做野的確正常似樣好多。

    想舒服巧威威,係元首領袖都免不了的人性慾望,不過可唔可以等多兩個月,退休後玩到夠?

  4. 又會唔會係Sir Donald 自已班友仔玩膠
    等第時你狼先生開APAC會個陣無靚(其實正常房也)房住
    又要同各元首企埋一齊影相被問(死未)
    爆到呢,一石二鳥, 我走你都要上位玩鳩我
    呢種其實幾祖國feel 既手法呀

發表迴響

你的電子郵件位址並不會被公開。 必要欄位標記為 *