香港越嚟越危險,中聯辦治港一鑊熟

身邊有啲唔喺商界,亦唔係政界比較高層,睇住政局幾咁刀光劍影朋友,都或者認為中聯辦治港,只要搞得掂庶民生活咪得。

你以為中聯辦治港有安樂茶飯,你真係太傻太真。

吳康民:薄熙來事件有可能有驚人發展

吳康民呢條友係左到無朋友,但吳康民呢啲老土共寫文,對小弟呢啲做「匪情研究」嘅人,都係要睇,因為吳康民透露中共政情狀況,往往相當準同狠。

薄熙來在《重慶日報》中,多次強調有20多位中央領導和700多位省部級來渝視察,並肯定重慶的成就。特別指出中共中央政治局常委周永康的肯定。因此,最近傳媒便指出薄熙來出事,可能牽涉到周永康。雖然後來周永康公開露面,但傳聞仍未平息。

也有些傳聞涉及西南的某些軍區,但並未獲得證實。

危機來自中國內部

目前的國際環境,在中國周邊並未出現戰爭危機。朝鮮發射衛星引起發射洲際導彈的疑雲,但在首爾的首腦會議後,已見緩和。其他的周邊環境,也未見有所惡化。因此,軍報強調「軍隊要高度自覺講政治」,並沒有強調對付國際風雲突變的味道,更明顯地是對內部的。

回憶文化大革命時期,林彪集團正是靠鼓吹「極左思潮」,「攫取黨和國家很大的一部分權力」(見《中國共產黨歷史》第二卷下冊)。當前,中國社會仍有一股極左思潮,利用社會上某些內部矛盾而興波作浪。

現在的情還沒有明朗化。但溫總理在招待記者會上,既已指出薄熙來事件的「調查和處理的結果,一定會給人民以回答,並且要經受住法律和歷史的檢驗」。

事關國家大局,大家應該密切注視。

大家應該明知具厭惡性,都睇晒吳康民成篇文佢。吳康民嘅判斷,同小弟嘅判斷,雖然係唔同源流,但殊途同歸,都係指一樣嘢,西南事變隨時玩到中國內戰。西南獨立曇花現,係有可能發生。

中國內戰結果,可大可小,可以你層樓嘅樓價暴跌(因為投資者恐慌性拋售),或暴升(因為大量有錢難民嚟港避難),亦可能搞到你妻離子散,即日走佬,乜膠都可以發生。吳康民呢篇,係極明顯嘅「紅色警告」。

而中聯辦治港,係絕對唔可以接受嘅原因,因為將香港捲入中國內戰裡面,係一鑊熟,對邊個都無好處,現階段香港同中國保持適當距離,係合符全中國利益。

所以四月一日,記得出嚟上街。阻止中聯辦治港,對大家係有著數。


6 thoughts on “香港越嚟越危險,中聯辦治港一鑊熟

  1. 小時候很喜歡看一些劇集,有關「見光死」(sunshine is the best disinfectant)。 一班義士怎樣排除萬難,逃過邪惡勢力,怎樣逃跑到報館電視台把醜聞公開,一天也光哂。反派悲劇收場,正義必勝。現實我倒覺得沒有這支歌仔唱了。

  2. 如果在大陸,根據囯情,基本法22條會無啦啦俾人delete左,暫時在香港還未見猖獗,頂多狼三不,又或者學好人董伯伯話:無左啦,我無話你知咩,其實將85000懶皮落港英是不承擔的表現,只怪自己無能駕馭。

  3. 選前有班風水佬買隻豬贏特首,話隻豬條命好,應該官運好,點知燒晒鬚。呢D野有時可能要睇埋地運,某地如果注定要爆大鑊的話,鋇鑊人一定係無運行的人;就如溥儀登基,就唔係行運。

  4. 其實共產黨出面治港,真係好正,以後其治港敗績,無從抵賴,必一律歸罪中共。以前巿民各種無路可訴之冤情,原來冤有頭債有主,都是中共做的好事;地產霸權,原是小事,反是中共為掌控香港勾結港商的權力布局,才是罪魁。中共直接干預香港,必會引火燒身,其原因不在於香港人勇於抵抗,反是中共狂妄自大,以為香港甚至西方已成其囊中物,其無視於香港微妙的制衡作用,日後必遭世界政經局勢所反噬。

    恐共係應該在十數年前上大陸荔枝團時恐,在上深圳沖涼揼骨梳乎時恐,在遠房表弟介紹幹部同你搞小生意時恐,在無啦啦有人介紹個純品四川女仔給你認識時恐。到依家先嚟恐共,就好似大牛巿末期買股票一樣,已經太遲。中共已到强努之末,差在睇點死同幾時死,其自有天理循環處,無須香港人操心。

    香港人不要害怕,反之要保住自已一顆良心。唔好給狼食咗個良心,良心不保則萬劫不復。

  5. 對上一次洗䐉是循序漸進四字,今次是憲制責任四字,先由狼英,跟住有人民公聯會、話自己好有承膽的禮義廉,疑似黨員林公公,忽然京劇葉太,一齊依

發表迴響

你的電子郵件位址並不會被公開。 必要欄位標記為 *