泛民真心硬膠最好用

隻狼上到台,佢啲狼手段固然係原因。但有啲泛民真心硬膠,過去十年以嚟對泛民嘅破壞力,都不容忽視。

呢啲真心硬膠,佢地對民主運動係真心,但真心到變直必腸時,就隻狼或佢啲老闆,可以一仙都唔俾,舞到佢地當武器咁用。呢啲硬膠最初支持王岸然、蕭若元呢啲友仔,最後佢地反而成為蕭若元、黃毓民嘅針對對象,之後佢地又以為CY係好人,甚至認為佢上台有社會公義,對唐何聯盟唔理,發晒茅打何俊仁又有,總之乜膠都有,結果隻狼上台,當然隻狼係唔會多謝佢地。

做人直必腸唔係罪嚟,但搞政治做直必腸,就真係全世界都多得你唔少。所以喺隻狼已經成功奪權情況下,如果隻狼要玩殘民主運動,一定唔可以玩啲直必腸,正所謂一件直必腸,勝過十件曾偉雄呀。


9 thoughts on “泛民真心硬膠最好用

  1. 泛民樂於做冇乜政治承擔嘅永遠反對派,又冇戰略思維,廿年來單靠食八九六四同零三七一兩大老本都食得七七八八,冇錯,佢哋係想爭取民主,但十幾年來爭取到啲乜?連擱置廿三條立法都係田北俊功勞大過泛民,今次選舉,李柱銘同陳四萬出埋口術叫泛民與唐營聯手阻止狼人登基都收唔到,只識哎口號、抗議,最緊要自身感覺良好,連流選之後下一步會點都唔理,睇怕之後都係想狼人或阿爺封殺以求撈番多啲政治本錢,但可能唔使人出手九月立法會選舉就會自己同自己埋單。

  2. 個人理解: 基本法23條說”應自行”是勸喻性質的………振英哥老昆!
    例如: 你阿媽話, 你應該學吓電視上的CY啦! 你做唔到阿媽唔會怪你!
    唔好俾人洗腦……….

  3. 唉! 泛民就係衰個”泛”字, 泛民班友由八幾年玩到今時今日都係一盤散沙。宜家班友一啲戰略都無, 淨係識搶道德高地, 好懷念華叔。

  4. 今日狼震英又急不及待走去嘉慧園,向老懵董拜票謝票了。狼登基 = 懵董復辟,簡單不過!

    失憶蠢人真心膠當然源源不絕,否則共黨如何為所欲為?歷史懲罰乃必然。

    今時今日仍有膠人相信,老懵董以至孽瘤希師奶係一代傑出領袖,1997-2003年間,呢種族群到底係大昏迷,定係燒壞腦?

  5. 香港人好可能係無受過血的教訓,所以容易擅忘。從來民主都唔係唾手可得既野黎,泛民到依家重活於理性和平可以成功爭取民主既幻想當中。香港人如果重諗住倚靠佢地爭取民主,就真係天真過天真嬌。自從泛民唔肯策略性過票俾唐唐,我已經對班飯桶不再心存幻想,以後唔再投票俾佢地。佢地一日重係,香港新民主運動都會俾佢地阻住同壟斷。

  6. 檸檬仔 ….

    你講左好我一直想講既野. 呢20 年正正係中共鬆章先至會出現香港呢種樣板戲民主.

    結果教育到香港市民有政治潔辟, 以為每年64 座幾個鐘, 每年71 遊行幾個鐘然後散場就係響度爭取民主. 結果做戲做到2010 年支持政改, 2011 年仲竟然反對市民反蝗…..

    當一天民主人士放不下做戲/投資的心態, 一天不動真格去支持民主的話, 香港民主運動都不可能重生, 香港亦永遠不可能脫離鳥籠民主.

    響朋友間, 有人share 了以下文字, 很好:

    梁振英時代是一個真正欺詐的時代,激烈地衝撃會變成次要,真正的主菜是動真格”玩政治”、”玩公關”,開始了一個爾詐我虞的政治化時代.

  7. 版主呢篇嘢,唔知點解諗起三隻字:宋•慶•齡…

    凌天羽:
    你尾段所引嘅嘢,唔知點解諗起管仁健有啲講小蔣年代嘅文?有啲嘢,佢否諗有,但事實上,有啲嘢會玩死人。
    呢幾日新聞所見,自己覺得CY真係有點老毛或者小蔣嘅影子,係咪我FF咗?還是只因為煲呔太避開民眾?

    另外我想引段嘢出嚟,想各位試下拆一拆,引自一啲支持CY嘅page from facebook:

    Beatrice Jone peter, 看見你對學運領袖見解,想起,當時正讀書中的我,爸爸同你見解一樣,當時細個不明白,只愛自由, 現在明白當時爸爸所見解。。看見呢班口自由,其實就如你所說有私心。

    真正愛國愛港人仕,只會支持同support, 勸簡,並不是用野蠻,巔子行為去support 香港。

    以上引述嘅尾段,恐怕係好多香港人嘅背後嘅思想,估計較多呢類思想嘅多為:
    50~60年代出世嘅人,或
    家境比較好嘅家庭,或
    公務員,特別是紀律部隊出身者

    上述估計,如有錯誤,望各位指正。
    惟上述所表達的思想亟待澄清並加以理順。否則,香港人繼續如此思維,只會容讓香港走向萬劫不復。
    請各位指正及賜教。謝謝。

發表迴響

你的電子郵件位址並不會被公開。 必要欄位標記為 *