新不如舊

以上照片用Panasonic GF3 + Carl Zeiss DDR 50mm f2.8拍攝

小弟一直都有影相,因為做過記者好難唔學影相。但自改用M43系統後,就多買舊鏡玩,一來M43嘅鏡未係十分多,但另一方面,以前啲歐洲定焦鏡,就算係共產國家嘅東德做,都比依家嘅鏡頭嚟得好。

當然同依家鏡頭用料有關,鏡頭用料問題好複雜,遲啲可以討論吓。可以肯定係,你用幾舊水,幾千蚊買新鏡,都未必夠一枝舊東德鏡,或西德鏡光學質素一流,啲錢用晒喺啲電子系統上面,益係相機生產商,但唔符合成本效益。

但更大問題係,依家好多人學影相,係無由手動對焦呢面著手,我識有人學影相咁耐,係唔會自己調校快門、光圈、焦距等等,去製造自己想影嘅畫面出嚟,更加唔好講啲純Photoshop黨,結果大家係真係當追求新機咁玩,而拍攝內容,畫面內容傳達嘅信息大家未必好在意。所以花展一堆人影,影巴士怪事更多,就少咗對身邊事物嘅觀察,所以我由手動舊鏡,唔太貴玩返起。簡單嚟講,影相對我係繪畫,只不過我用數碼相機「畫畫」咁解。

以上都係我呢個愛好者發嗡風,講得唔好請指教。當然我影「沙龍」相都好業餘下,唔算得乜嘢大作。但要有進步,都係要獻醜,寫文章到影相,都係咁至有進步。

上圖用Panasonic GF3 + Carl Zeiss DDR 50mm f2.8拍


10 thoughts on “新不如舊

  1. 點解唔俾菲傭在港, 主要原因係他們不會投票俾禮義廉囉!
    如果地球唔接納大陸佬, 點會地球上度度都有大陸佬呀?
    collect skin啦葉劉, 不停向大陸佬放生電………….

  2. 樓上可否對題回應?我有權當你五毛。

    時代唔同架啦,數碼相機竟然可以將個BB女影到好似外星怪物咁,證明依家既人係唔識影相既。數碼年代,原來就代表人影相可以亂咁黎,總之影得唔好,就delete左佢啦,點似得以前影相無得delete入曬菲林係要就住就住步步為營…………

  3. Martin認得我嗎? Leo Teoh
    近曰先發覺你都係愛攝影人仕,其實小弟也是商業攝影工作人,自少就喜歡攝影,也對傳統鏡頭著迷,………除工作外拿起支舊鏡感覺真的很爽,定期練習舊式,全由我控制模式,去拍攝令自己不會生梳, 睇完你既文章又想起本人曰本師父一句話 Camera Cant take a Photo, Photographer DO! U got deep side meaning rigth =^v^= 有時間找我一起影相吧朋友.

    順便告知我個 case 進度will send u PM Message By BHK. =^v^=

  4. 東蔡50mm

    你果支ddr 係f2.8 三代鏡, 即呢一支(我都有呢一支), 呢一支最抵玩, 6葉光圈, 平! 但好處亦只有平! 六舊水左右.
    http://camera135.com/lens/l118/6.jpg

    但切記, 如果你唔摸清楚支鏡仲有無油, 不要響大熱天時晒住用呢一支鏡, 帶定支士啤會好好多! 因為呢支鏡人地係預左響歐美銷售, 當時無唸過會響香港呢一種又濕又熱地方晒太陽咁用, 所以如果好猛太陽, 支鏡既greese 係會漏出來食實光圈的!!!
    (我有工具自己維修就無問題, 但)

    f2.8 二代鏡比較少見, 係斑馬紋, 我無. 六舊水左右.
    http://static.dcfever.com/media/trading/11/8/12/4550211313146786_m.jpg

    f2.8 第一代, 呢支我就最中意用, 細頭白銀版.
    http://static.dcfever.com/media/trading/12/1/1/4815831325407695_m.jpg
    白銀版有兩款, 記得係以serial number 來計, 53xxxxx 以前既係”德國料”, 靚得多. 54xxxxx 打後既係”東德料”, 我果支既s/n 係54 開始….
    12葉光圈, bokah /柔焦一流! 亦因為12 葉既原因, 呢支鏡都要千元左右.

    再上果一支係50mm f3.5 “藍眼晴” 呢支雖然光圈細, 但係真係最靚, 亦係最罕有, 市價要成二千幾蚊, 無論係用料定係光學formula 都比f2.8 好得多好多好多…..
    http://pic.pimg.tw/cch1940/70ab6317879152c02a83167f84364736.jpg

  5. 所言甚是. 多年前一位喜歡影相的朋友借了一支全手動的東德製”賽絲鏡”給我玩. 我便完全感受到與現代化電子鏡頭的分別. 真是全考攝影師的功力, 冇花巧.

  6. 同埋有啲相,你用自動對焦,加自動測光根本係影唔到。

    有啲相要影到,係手動對焦(你自已決定焦點),再自己調光圈、快門速度、ISO。其實手動比自動仲要準。

    電腦人學programming時格言,電腦永遠係蠢嘅。

  7. 唔怕話老套,以前用菲林相機好時光,攝影人如果基本技術欠佳,曝光聚焦不妥,邊有得事後用電腦死執爛執一餐?

    以前精於攝影,追女仔有百利而無一害,影相時見面,沖曬好送相梗係打蛇隨棍上,邊學似而家咁,亂影濫拍一餐,兩野就鏟走記憶,毫不珍惜,影埋一堆垃圾,就隨便掟上網「公諸同好」?

    年紀大左更唔喜歡「痾現瘟」,手機當然堅佢「挨瘋」,寧可儲錢買部專業單支反靚機好過。

  8. To 義不容共:

    因為細個時掂過手動機(Yashica機),繪畫技藝九流,但都係識欣賞藝術,所以好難頂依家啲友亂影廿四。

    數碼相普及係好事,但唔代表可以亂影一餐放上網。

    雖然以上木棉花開花相,都係喺新蒲崗隨手影。

發表迴響

你的電子郵件位址並不會被公開。 必要欄位標記為 *