梁振英未上台已經變廢柴

一直意圖用民意牌擊敗唐英年嘅梁振英,機關算盤,但最後,竟然喺鍾庭耀嘅民間公投呢個戰場輸到裙拉褲甩。一半人要求白票,喺實體票站呢個戰區,唐英年罕見反勝梁振英。

梁振英之所以機關算盡,因為佢成個戰略包括:
1. 透過各種唔同方法操控民調,對鍾庭耀嘅文攻,到入侵戶口,希望他乖乖受控。
2. 透過中聯辦控制傳媒放唐英年黑材料,以及同自己漂白
3. 不斷塑造自已係地產霸權挑戰者

但佢千算萬算,《基本法》廿三條呢個戰略死門始終係解決不到,喺唐英年決定攬炒之後,民調仗開始打唔掂,之後西環大玩膠招,商界、泛民、港人抵抗到底,最終令梁振英真係不得人心。

依家選委夠膽令他當選特首,只會令佢變成一個變四方八面圍攻嘅死人。商家佬到泛民一定不斷玩到佢謝為止,甚至出現更膠嘅後果。

無論如何,呢一役,梁振英都已經喺戰略上玩完。


9 thoughts on “梁振英未上台已經變廢柴

  1. 在戰略上,梁仍然是上風,這是一種港人悲哀,也是要面政治現實。
    這在種制度佔了上風,很自然會有歸邊情況,對於今年立會選舉,在中聯辦紮根同洗樓多年,已經係各區有重兵,要拉下土共已經不易。所以土共和梁在立會同行會裡應外合,這幾年佢地是可以玩晒。

    的確是打輸左。

    不過輸還輸但做人要有公義,如果唔係真係同條咸魚冇分別。

    如果做套戥,星期一買番十手八手恆隆同瑞安,賺佢地既錢但投放番去民主運動都得。

  2. 陳方安生籲選委 應投唐英年

    2012-03-24 22:20:00

    陳方安生指,行政長官候選人。形容梁振英是變色龍的前政務司司長陳方安生說,梁振英很懂狡辯,很難清楚他的為人,擔心他當選行政長官後,難以維護香港核心價值。她呼籲選委,應選擇投票給唐英年,也不投白票。

    民主黨創黨主席李柱銘則呼籲選委憑良心投票,不應投白票。

    The plot thickens…

  3. 重旨意泛民,不如返屋企瞓覺好過,今日李卓人俾人噴胡椒噴霧,我覺得真係抵死。香港人今時今日重信佢地可以爭取民主咩?佢地班人靠害就有份!!!!

  4. 振英哥開了世界先例,就是當選後即日說自己將競選連任下屆,無病呀?,一來說明深得大人信任,二來大人亦有此意,豈非爆響口?小圈子欽點制奇哉怪哉!

  5. 個人觀察,今天點票時唐唐淡定過振英哥,但,振英哥應該胸有成竹才對,我想,惟一原因是:真是怕有人他投,良心一詞也起了些微作用。

    從其他文章發覺,造謠一詞的確香港鮮用,又一鐵証大陸佬汚染我港文化。

    漁農界有60票,無做個中學field trip,以為香港這行業興盛,振英哥應叩爆三個響頭。

    好期待領導人祝賀特區選特首完滿成功。

發表迴響

你的電子郵件位址並不會被公開。 必要欄位標記為 *