歷史性和解

今日小弟又係講解日本歷史嘅時間。

喺日本幕末倒幕歷史,有一個關鍵嘅mission impossible嘅位,由於坂本龍馬用人過人嘅智謀說服到兩個大藩和解,終於促使西南諸藩能夠聯合起兵打返幕府轉頭,呢個關鍵位,就係薩長同盟。

長州藩係德川幕府年代有名嘅反對派,因為長州藩係當年唔幫德川家康而受貶,所以咁耐以嚟都條氣唔順,搵到位反幕府佢都會做。但薩摩藩(鹿兒島藩)唔係,有幾鋪幕府討長州嘅戰爭,薩摩仲打埋一份,所以長州藩好討厭薩摩,薩摩藩關係當然唔見得好睇得順眼長州藩。

但坂本龍馬認為,要實現尊王攘夷,KO江戶城班阻住地球轉嘅硬膠,唯今之計就係薩長同盟,當時由於勝海舟搞嘅海軍操練所要關門大吉,薩摩藩由於近海,列海要打第一個一定打佢咁滯,所以需要識海軍嘅人,係呢個情況下,出身土佐藩(今日四國島,高知市嘅機場就係以坂本龍馬呢位現代日本之父命名)嘅坂本龍馬,就幫薩摩藩增強海軍實力之餘,乘機提出薩摩藩幫長州藩向香港怡和洋行買軍火(因為當時長州藩唔俾直接向外國買軍火),藉此改善兩藩關係,然後游說兩藩嘅大老,1866年1月22日,薩長同盟締立,幕府無咗薩摩藩嘅軍事支持,長州藩以先進武器同西式編制,五千條友打殘幕府幾萬件游兵散勇,德川幕府開始玩完。

睇番呢段歷史,雙方有同一件戰略目標果陣,係無必要拘泥於道德高地,唔知放諸今天嘅時局有乜啟示?呢個大家自己諗。


30 thoughts on “歷史性和解

  1. 戰略上絕對應該咁做, 但係後果會好岩重…
    唔計拳頭幫之外, 去左票站投白票既人, 點同佢地解釋點解要咁做?

  2. 昨天的空氣非常難頂,好多嘢是長期抗爭,但現在,只少保持現在空氣平均清新水平。

    耶穌復活後點解要展示五傷於宗徒,個人認為,是為了壯他們的膽。

  3. 泛民要諗清楚一個道理:
    今日繼續執著意識形態,他朝想執著的機會都無埋
    俾豺狼坐正, 亡黨指日可待
    溫影帝加送平反六四, 支聯會再無存在價值

    諗唔諗得通, 睇佢哋自己了

  4. 支持,如果唐選上,商家治家,香港的大格局唔會點變得太多。
    弊在唐英年實在係之前太樣衰,令一般香港人好難撐佢,民主派亦要考慮自己選民既意向。如果民主黨宜家提出全面挺唐,當然係最好既戰略。只可惜以一般香港人既智慧,都只會支持白票流選。如果民主黨提出挺唐,可能反而俾一般香港人追打。

    但係如果流選後最終梁選上呢?商家佬會點做?
    1. 商家會唔會成為反對政府的一方,同泛民聯盟?
    這可能反而是好的結果,未來四年港人支持普選,有商家既支持,反而容易好多。

    2. 定係佢地會諗住執包袱走人,撤出香港?
    好似 titanic 沉船,頭等艙的人走先,留返夾板的蟻民去死。我覺得這個可能最大。梁一上台,大批港商撤資,香港很難繁榮下去,剩下的巿民亦只可以等死。

    其實如果商家夠勇敢,由李+X開口,叫選委將全部票過俾何俊仁,反而香港民主將會踏進一步。不過商家佬亦冇這種智慧。

  5. 老實講,而家要泛民+商界一齊,
    響聽日投票贏狼英,
    時間太短,戰術上根本唔可能做到
    (傾條件+捉鬼+宣傳呢個同盟既重要性讓大家接受,
    最快都要一個月時間)

    但如果能夠令兩方面達成戰略共識,
    等兩方面係狼朝加強合作,
    當狼英犯錯或做左不得民心既事個陣,
    加強打擊狼英,
    令狼英成為”犯眾僧”人物,
    博佢提早腳痛,
    咁就不失為一個好方法

    (PS事已至此,
    泛民應該要統一戰線
    或至少要重新定立合作共識,
    講明大家合作既底線
    (可以同內地官方傾,但內容一定要對內公開,
    經過討論達成一致共識再回應,
    選舉可以有各自立場,
    但絕對唔可以互相人身攻擊,等等),
    唔同意既人要同佢徹底劃清界線
    現時泛民大敵當前,
    實在唔能久容許一批”盟友”再拖自己後腿.

  6. 狼以陌生梁生出現對大眾確實產生新鮮感,這裡說的陌生並非蔡氏所指的陌生意思,一般巿民一定無這概念,其實巿民要明白,梁生在政策上的嘢並非由他擔任先知做到,問題是他有政治工作要做,對他上頭,這才至為重要,民生政策如何行,是靠議會通過,或若御用舉手機器,那麼點解要狼做?選狼將香港定格每天323,你肯定喜歡玩sm了。

  7. 泛民過去幾年俾搞社運工運班左翼牽住個鼻走,幾次開拓右翼親商票源嘅機會都錯過咗,突然間要同地產黨自由黨合作結盟,要有政治見識超凡嘅人牽頭先有可能,小弟心目中係肥佬黎,Martin,小小超同超人牽頭。

    要商家佬投何俊仁唔係唔得,但要第一輪投票何俊仁贏唐糖先有得講,但如果何真係贏唐,恐怕係太多唐營人跳船,狼人第一輪就跑出。

    如果最終都係狼人選出,就算九月泛民加自由黨能保住立會議席,政改議題都係由狼人主導,民主發展唔會樂觀。

    以現時形勢嚟睇,最有利香港而又行得通嘅可能得番棄流保豬呢一著。

  8. Heiio:
    商家佬撤資,大不了執返一成,做其海外寓公。係就係氣頂,但點都唔會死。

    Alvin:
    左翼同社運冒起,係對商界食得太盡嘅反應。回歸左右時間,廢除集體談判權大圍無咩所謂;舊年最低工資,雖然有反對意見,終究成功上馬。民心所向,係indicator。成日都講,恐共反共,但不知其所來由,甚至大模斯樣講+做social Darwinism,遲早衰鑊勁,要左翼、社運反過嚟示好,難矣哉。

  9. 不過話分兩頭,宜家班主流商界同泛民合作,搞得成嘅的確係唯一出路。但以香港商界普遍軟骨跟風嘅習性,盡快投誠新主乞命,恐怕個可能性重高啲…

  10. 回 Heiio:

    其實好多港資唔單止投資在大陸,亦有物業在海外。例如和黃旗下的3-mobile,在英國及歐洲各地都有網絡。英國、巴拿馬等地的貨櫃碼頭,李生亦有份,何況佢如果從大陸同香港撤資,共產黨仲驚過佢。

  11. 振英哥抝底,他自己民望低,自己無能力號召高民望的團隊,咪話自己會任用民望低的人做局長,未上任先露低。

    凡唔係地下黨的三司十一局玩辭職,玩鋪勁!不過這個天方夜談。

  12. 建議各位看看電影 “飢餓遊戲”,原版小說更好。看過就會明白,明日開始,我們將直接和中共玩同樣的遊戲。

  13. 順便打埋勞榮樂,由沙士開始,已見去係投機人士,那些見他埋社運堆,後生仔被人昆了吧,五區公投後他靜雞雞走進建制。

  14. 陳方安生籲選委 應投唐英年

    2012-03-24 22:20:00

    陳方安生指,行政長官候選人。形容梁振英是變色龍的前政務司司長陳方安生說,梁振英很懂狡辯,很難清楚他的為人,擔心他當選行政長官後,難以維護香港核心價值。她呼籲選委,應選擇投票給唐英年,也不投白票。

    民主黨創黨主席李柱銘則呼籲選委憑良心投票,不應投白票。

    The plot thickens…

發表迴響

你的電子郵件位址並不會被公開。 必要欄位標記為 *