全中國都係陶國能

全香港人睇3月19日豬狼對決最唔明地方係,點解唐英年勇到支持雙普選。唐英年支持雙普選,唔單止阻止泛民啲暗狼粉過票(過票連ground都無),而且為泛民商界聯合政府鋪平道路。但北京俾咩?

知道今晚北京發生乜事嘅人,就明依家打緊乜牌。

今晚北京消息滿天飛,軍車出現街頭,傳出槍聲,有傳薄熙來之外,又有政治局常委被拉,有政治局常委捲入私生子醜聞,北京機場交通特殊管制,連法拉利都變敏感詞(北京有架法拉利撞咗,但架法拉利係唔係用嚟著草,不得而知),一大堆消息滿天飛,而且發消息喺新浪微博唔係啲二打六,而係堅料猛料之人,實名發帖。

班有錢佬啱啱至去完人大政協兩會,北京係乜局勢,佢地清楚過好多人。當北京連誰是「阿爺」(呢度跟住Rachel慣用嘅用字先)都唔知果陣,分分鐘唐英年提雙普選,不但屠狼,而且對香港最有利。做生意嘅人,保住自己盤生意最要緊。

所以香港人唔好純粹諗住地產黨瓜老襯,睇清依家嘅戰略形勢先。


18 thoughts on “全中國都係陶國能

  1. 係咪時候應該號召大家3-25上街?
    無論結果如何,香港人都應表明意願,反對小圈子選舉。

  2. 問: 點解六四玩坦克, 跟和平獎可混一談(如果夾硬俾, 屬經済啫?對不對)
    但教育界無反應, 這本該是要譴責吧!

  3. 近日係團派總攻既時間. 而家表態橕梁既係胡習, 但老江佢未出聲, 亦出唔到聲, 因為老江都開始散散地. 就算好彩唐英年拎到600 票, 家陣個600 票個根底係一盤散沙, 到時不單民建聯/自由黨響立法會時會被上面清得一乾二淨, 找一個白痴上場亦預定必然出亂子, 到時選上又如何? 未上任就腳痛吧!

    家陣呢一堆黑材料發放, 絕對一個人一條team 可以做到, 絕對係涉及國安的手法. 而早前搞曾蔭權既東海花園/座遊艇飛機等, 己經係表明中共對曾蔭權有左定案.

    商界你地知唔知犯上乜野罪名?

    引用inv168 的一堆留言:
    ” 地產黨的罪同薄XX差不多, 不過一個以 唱紅打黑 去解決深層次矛盾 (會激起其他地方對深層次矛盾的怨恨, 混總所謂的激起文革), 解決深層次矛盾係正道但以唱紅打黑偏離了改革開放的方針
    地產宏調一步不能鬆….防止深層次矛盾再激化….繼而再有梟雄借唱紅打黑 奪權
    叛國罪 (1)過度激化深層次矛盾….民怨爆煲 (2)過度解決深層次矛盾 如唱紅打黑….繼而梟雄群起, Why ??? 危害中共的政權
    地產黨今次死硬
    深層次矛盾, 中央warn了多次, 地產黨唔聽, 民怨去到trigger point….就有好多薄XX出現, 中央更要正視房地產 產生的民怨

    仲有一條誅九族的死罪
    何謂商 ??? 創富….如 Apple, google, intel, msft, merck, coca-cola,…..
    何謂狗??? 鹽/地, 係協助政府賣官鹽/官地, 分鎖比平民
    狗乜人也做得, 但官鹽為最大利益….係高層領導子姪的專有權益, 狗只係一條狗
    如果鹽商唔買官鹽 還控制地方政府斷絕 官鹽供應, 自己以黑社會手段強搶市民私鹽 再以 官鹽價格出售, 朝廷會點做 ????

    鹽商本來係 BUYING OFFICE 收番水腳 %CHARGES
    而家食埋軍餉同百姓果份
    民心思變,動搖國本

    上面一限價 千億身價既 雅居樂 萬科 國企 乖乖跪低
    保障房是軍令狀
    香城竟然挾糖自重

    清起上來 鹽商好多野搬唔走 :inv168_27:
    難怪有切脂之說 想必是”空穴來風未必無因”。。。 
    鹽商如對官起敵禾對立之仇心 則是自找死路 

    實在 賊商之鹽居然比官鹽食水更深 質量更低 古今少見 
    可謂己到了”名垂千古”之地步 實為入史冊之上佳史料 
    潘慧嫻COIN了地產霸權一TERM 確係頂天立地之舉 ”

    田生, 強拍, 就係鹽商唔買官鹽 還控制地方政府斷絕 官鹽供應.
    呢一種鹽商做成香港的極左成風, 出左好似毓民的梟雄借唱紅打黑去對抗政府而不斷仲有人支持. 呢個就係商界既死罪! 搞到今日既光景, 唔止市民, 係連中共都恨不得你地死的. 響呢度早就講過特首根本唔駛清算, 只要政府企硬己經足夠將香港所有商家踼走. 澳門之前只有一個賭王, 但家陣賭王都比中共收左皮. 就明白政府企硬一樣可以玩射班商家.

    畢竟我係見住CY 己經籌備左4 年, 甚至知道佢做緊乜, 若果唔係商界跟泛民係座同一條船, 我都唔想回以下既野.

    要贏呢一個生死局, 唐唐亂開支票無用.

    1. 要跟泛民傾談, 同時利用老江佢最後既口號召力, 吹雞召集親上海幫的土共, 加上泛民票及商界票, 要強勢的拎 600 先至可以化解.

    2. 在政網落實當選後撒查花園街大角咀縱火案, 與及無良商人收樓個案等等. 並必須要打黑, 強調嚴懲犯法者, 更不能姑息黑社會收樓的情況.

    3. 政府跟地產霸權分家, 若然私樓補充不到建屋數目, 那必須要起居屋去解決現時的房屋問題, 我早前計過數, 呢5 年必須每年30000 單位才可以補充近年減少了的數目及人口增長. 另外, 分地而置, 與及限制每人只可以有一個單位免差餉, 禁止政府對土地投資增加福利.

    4. 24 條動議, 解決雙非嬰問題

    5. 對近年所損害過的社會階層實施懷柔政策, 包括N 無劏房人士, 強拍下樓宇被收的人, 高鐵被沒收土地者, 種票受害者等等, 都作出不同程度的補償.

    還有很多很多近年的問題, 我這裏說不到那麼多……

    絕對唔可以再站在商人一邊, 政治要的是平衡感跟距離感, 商人政治就是沒有平衡感, 才有今天的局面, 中環價值其實並不能用以治港, 商界的 Profit maximization 思維, 本來就係最惡劣的管治手法. 試想, 如果連政府都要 Profit maximization 的話, 咁為乜市民要交稅喎. 久而久之, 香港最終會變成另一個菲律賓, 或甚至係迦太基被羅馬消滅.

    今天, 香港民望扭轉唔到過來. 最終商人只會被中共清算. 中共50 年代搞死資本家搞到一眾商人既地老豆落來原因係乜? 走難! 就係為左逃避中共!

    但而家竟然掉轉番出賣香港比大陸? 仲要趕香港人離開香港然後引入共匪?

    最後, 讓商界自己想想, 你地係應該死落去, 還是懺悔!

  4. 第二段更正

    家陣呢一堆黑材料發放, 唔係一個人一條team 可以做到, 絕對係涉及國安的手法. 而早前搞曾蔭權既東海花園/座遊艇飛機等, 己經係表明中共對曾蔭權有左定案.

  5. 商界拋撤資, 其實老早就失效, 人人都想你地安心上路的…… 你地走既路只有一條, 就係懺悔!

    CY民意基礎 唔係佢個人
    而係對地主/權貴既反彈 ANTI-THESIS
    響呢種民意基礎下, 若果CY 上任後唔短時間內兌現既話, 佢會死得更快,
    所以佢一上任係一定會斬立決的. 商界根本唔夠時間可以切肢.

    我一個月前己經有分析.

    http://blog.martinoei.com/2012/02/%E5%B0%87%E6%9C%83%E9%A2%A8%E8%B5%B7%E9%9B%B2%E6%B9%A7%E5%98%85%E4%B8%80%E5%80%8B%E6%9C%88/

    家陣中共有錢得好緊要,港商根本唔係怕乜野清算,最怕應該係CY學何厚樺果一套,同商界企硬!

    家陣己經唔係1997年,中資股票佔香港市值6成,大陸美國係咁印錢搞到家陣搵唔到足夠高品質投資產品去泊碼頭,甚至連糧食呢D對政治ULTRA SENSITIVE既投資產品都炒埋一份,苿莉花革合就係咁出現。

    全球經濟亦爆到七彩,己經好難好似香港咁易搵錢。幾時會重演英資打華資置地飲牛奶呢?唔知道,但市值再進一步提高,遲早會出現中資打港資大規模的惡意購拼。

    強至+X全球資產分佈,但佢有無本事好似2000年果時手拋窒老董話要撤資?分分鐘撤資不成,大量大陸企業前赴後繼撲下來食晒所有資產,反正人地既錢係印鈔機印,印半年人仔己經有夠買晒全港所有港資企業仲有零頭,而香港無印鈔權,呢個就係最基本分別。

    富官二代不知幾咁願意補充晒佢地撤走既錢,接埋所有香港資產來運營都仲得,結果係官富二代佢地繼續RUN公司,只不過老闆由+X轉左晒做平頭裝既中國男子啫。學解放時既上海,軟性抄家,比堆金買卷商界打發佢地走佬,商家咪試試其它地方搵唔搵到好似香港咁優質既投資機會咯。

    當奴呢7年民怨,搞到家陣土共隨時可以超強勢剿商界,兼比埋北方有機會全食商界資產,呢4年車公靈簽真係準得好緊要。天作孽猶可恕,自作孽不可活。

  6. 凌兄所言,中矣。

    今日局面,同中共興起多少異曲同工:商家+土豪食得太盡,平民不惜縱虎驅狼。他日受害,已屬後話。

    宜家棚商家,甚至好多香港人,都係恐共避共,先至走嚟香港;但只知恐共避共,而不知老共之所來由,幾十年來理念同行事都係 “the more opposite to the left the righter it is”,回歸後更加肆無忌憚,今次終於引火燒身。豪強劣紳不足惜,大圍寧作浮士德玉石俱焚,先至令人扼腕。

  7. 其實批商家佬,除了霍英東外,政治智慧和覺悟低到難以置信。他們的思維模式都停留在政商合一的封建時代。

  8. Perennial_Loser

    如果開放社會是要你用一生的人工為地產商打工, 買的還是發水樓,
    傳媒、報紙都給地產商收買或擁有,
    那個不是開放社會,是奴隸社會。

  9. 凌兄:

    響 168 嗰邊都睇到呢個 message。哈哈~
    終究為奴,差在奴主何人矣。嗚呼!

發表迴響

你的電子郵件位址並不會被公開。 必要欄位標記為 *