李國章依然係鍾意老點

明報:梁愛詩﹕不記得 記得也不應公開

「他(唐)是好人,想不到他會抹黑人,搞到咁下流,不是君子之爭,還安罪名給對方,令人水洗不清。行會是沒有逐字記錄,不會有記下誰講了什麼,只會有總括的紀錄,例如寫下會議有什麼共識等」。他承認在沒有詳盡會議紀錄之下,事件只能靠與會者作證。

以前小弟喺中大開校巴會議,有時同李國章直接過招,腳掌做校長政治手腕唔錯,但亦由於好唔錯,條友遊花園,扯東拉西嘅技倆好鬼高,所以開會果陣打醒十二分精神,此為一例。

無錯,行政會議未必次次會議都有逐字紀錄,只不過應該有錄音留低,唔知啲錄音又可唔可以公開?梁振英諗住咁可以走甩,係咪低估咗大家嘅智商?


4 thoughts on “李國章依然係鍾意老點

  1. 梁振英走唔甩就係架啦, 但李國章, 梁愛滋, 田北俊, 葉劉都剷唐唔應該爆行會既料, 即係當時有份參加行政會議既都人人自危, 唔好忘記當時黃宜宏都舉中指, 可以估計裏面當時係有唔少激料.

    值得支持流選, 並公佈71 會議紀錄.

    呢一刻既暴走唐唐就好似一個窮光蛋一樣, 擺脫左上面既控制者, 己經唔再係扯線工仔. 窮人發窮惡無野輸, 係人都怕左佢, 冇野驚既人係最可怕, 已經冇規矩可以阻到佢, 直接刀刀見血.

    完全兩條蛇互咬緊. CY / 唐唐各自400 票, 泛民200 票, 遊離票200 …..

  2. 李國章今次講嘢有冇玩住手機講呀?
    我都以為他是好人,曾幾何時任中大醫學院院長,在鏡頭前提示學生要代入病人感受,唔好輕易同病人從口中插喉⋯⋯⋯要同學親自感受箇中不適的感受。
    振英哥喜歡鎮壓,不如北上學揸坦克,然後去維園露兩手啦!

  3. 只能透露,唐氏當晚爆梁氏在某高層會議所講既及商台續牌一事皆事先有稿,非臨時爆肚。

發表迴響

你的電子郵件位址並不會被公開。 必要欄位標記為 *