烏氣蓋港

以下怪霧籠罩下個禮拜特首票站所在嘅會展嘅照片,係我自己拍,唔係Photoshop改出嚟嘅產品。

呢股烏氣成因不明,但明顯反映依家局勢,妖氣衝天,梁振英繼續死不認錯嘅時候,市民唯一可以做,就係推到流選。

我呼籲啲師奶,唐英年四處留情固然係唔多掂,但梁振英係更hihi,佢只係推香港入地獄。你要以TVB膠劇邏輯鬧爆唐生,唔該等到3月25日先,大把時間你鬧。你反唐,唔代表要挺梁。流選,無乜嘢不大了。


10 thoughts on “烏氣蓋港

  1. “反唐,唔代表要挺梁。流選,無乜嘢不大了。” 同意!

    梁振英不會認錯的, 我最記得係當時包圍高鐵後, 佢話應該拉晒示威者, 對佢有恨, 但唔係恨到忘記左戰略考慮. 讓唐營無任何對手下當選, 亦只會令市民一樣大鑊.

    三月頭蘋果頭版話中央會橕梁開始, 覺得怪異. 中央仲未有消息, 但蘋果何以提早爆料, 估計讓唐營知道梁會清算商界, 令到商界都有恐懼, 結果唐營真係以死抵抗, 而蘋果亦響之後開始放軟橕梁力度開始轉而攻梁.

    我指呢個.
    http://www1.hk.apple.nextmedia.com/images/apple-photos/apple/20120227/small/head_4104.jpg

    蘋果對今次特首選舉, 何時支持, 何持反對, 捉得好準.

  2. 近來發現一樣詭異的現象:木棉花開了,跌埋落地。按經驗係唔會再凍!
    但是25/3會跌至13度!難道會六月飛霜?!

  3. 建議林公公臨別秋波,再一次發揮人肉錄音機大能,一次性強烈譴責鎭壓哥同唐唐行會洩密。香港人跟中國人葉劉是有分別的,不會厚此薄彼,居心叵測。

  4. 今年春天濕得令人不安!
    但若然大旱更似地震前極端天氣~ 天災避不了;人禍可防備!
    只不過成班廢柴治港恐怕是天遣!而不是天災。

  5. 當廢0翕怪論聽好了:

    就算流選搞到曾鈺成甚至孽瘤希師奶上台,都不會HI-HI得過「乜都唔關事」地下狼!

    點解?前面兩隻政治動物往績一清二楚,無得抵賴,更重要係經歷過一人一票直選洗禮,知道與民為敵下場。

    狼奴一族最腦殘兼自欺欺人之處,莫過於犯賤揣摩,以為共匪黨主轉死性,會體察而非偽造民望,欽點不是自己人的兒皇帝上位。

  6. 講返天氣,唔知有冇記錯,2003年沙士兼廢董禍港時,三、四月天氣又係反常濕冷,到七‧一前熱定先至停止死人。

發表迴響

你的電子郵件位址並不會被公開。 必要欄位標記為 *