政治潔癖障目

雖然近日黑金醜聞,已經打擊唔少隻狼嘅民望。但唔少泛民中人,並未意識到隻狼比條條fing嘅豬,危險好多。

當然,隻狼呃到唔少泛民中人,一方面隻狼都幾識投其所好,你講左翼議題,佢咪扮到自己係基層鬥士,當然實際上唔係果回事。

另一方面,泛民啲人有時啲政治潔癖,亦都好妨礙佢地分析問題。港大學生會喺報章登廣告,反對黑金政治就係例子。

港大學生會個廣告,目的係無問題,三合會會員出現喺飯局係唔應該發生,應該出聲順便抽曾偉雄水。個廣告真正問題係駛錢太多,近乎浪費,唔合符學生會會員利益。但有啲泛民人,特別社運界出身,又話捲入權鬥,純粹係政治潔癖嚟睇件事。

對付狼定對付豬,大戰略考慮係香港人嘅公民自由同人權,邊個對市民傷害最小就選擇其建制派對家嚟打。喺土共鬼打鬼中抽水,應該係樂此不疲,但好可惜,似乎唔係個個有呢個戰略觀。


13 thoughts on “政治潔癖障目

  1. 最危險的共產黨特首是本人首選,因爲可以引發港人群起反抗。拖垮中共政權是最大目標。因爲中共不倒,香港最終還是會被它全面控制,不如 bite the bullet.

  2. 好可惜大眾仍只停留在陪李慧玲、何柱國齊齊癲,繼續和梁營、Dreambear 和鄉紳做 cross-examination 對口供從中找碴,完全不明白今日東方老屈黃仁龍,多名人大政協聯署要求就雙非嬰居留權釋法和林健鋒提相關私人草案修訂入境條例背後,強烈顯示北京正遂步收回終院法律解釋權的嚴重性!

  3. 無論為黨派私利,抑或民主人權公義,看清現實形勢,打狼拒豬係理所當然,出力投白票流選更好。

    政治潔癖害人害己,難得土共保皇奴派內訌,重唔玩殘佢地更待何時?

    如果領袖係神聖到永不會錯,或永不認錯,永不上身,點解要選隻狼?選上帝佛祖好過啦!

  4. 在事件真相未正實時,港大學生會在報章登廣告,給人們的印象有偏頗。
    如黃兄所說,就算登廣告都不需要在八份報紙。個人認為在明報及am730已經有足夠回響。

  5. 東方佢不嬲同曾蔭權政府唔妥, 唔係第一日屌政府架啦.

    若果真係有黑材料爆, 去到今時今日早就爆左, 但而家無, 即係黑金醜聞明顯係周瑜打黃蓋, 苦肉計, 意圖話唐營似乎有黑材料, 但實質係爆梁營一獲甘.

    若再証實上海仔為國安的話, 即係100% 肯定有人落命令屠狼. 加上港大學生會單野可以透過地下黨員咁樣調動一半學生會一年資金去咁做, 即係明顯係人有不惜前途, 包括被學生罷免的情況, 都要進行政治任務. 己經係好肯定係要全方位殺絕cy .

    早幾日都同朋友講笑咁講, 家陣係中共第一鋪出現咁樣既out of control, 所以中共應該會響呢兩個星期收回控制權, 唐唐會夾硬上場, 梁最終要下馬. 亦係最理想既結局,

    來緊5 年香港政局會好亂, 要發展趁機.

    仲有, 人仔開始跌了, 小心.

  6. 我想極都唔明, 點解假設唐做就(很大)示威, 但振英哥做就(小, 遲D示威), 振英哥的硬粉根本不是示威者, 甚至不可能是示威者, 但是一個示威者, 無論唐梁邊過做, 都是一個示威者, 而果一班硬粉, 就是做就左振英哥的所謂領先民意了………….

  7. 學PRC的愛国教廷論特首候選人流選如下:
    我們香港呀, 等了差不多三十年, 流選簡直呀, 我們如何發展呀, 千千萬萬的香港同胞很需要一個這樣的特首呀, 這麼呀, 不是符合了呀廣大人民的根本利益嗎? 難道呀, 我們這個合符国情的愛国教廷是誰建起的, 就是呀, 五十多年前呀, 我們的sunny father你老毛呀, 知道嗎?

  8. CY的硬粉是年青人

    因為曾蔭權做就左m 形社會, 而呢種社會係會好大可能響唐英年下繼續, 所以無年青人想唐英年做的.

  9. 振英哥身邊有很多小妹(大陸用語),會不會偏向父權?
    如果一位校長講述校政,樣樣保守無立場,甚麼都話不知可否,問得尖鋭時,只是要求你齊心,你會樣子女入讀嗎?
    自焚叫破壞和諧,玩坦克叫甚麼?
    神鬼不分,八百人是你起,千二人又是你,要廣泛認受性又係你,縱使1200全票掟落某人又如何?

  10. 蔡東豪專訪唐英年提及2003年商台續牌一事:

    大氣情緣
    唐英年任工商及科技局局長一年,沒太多建樹,但他任內發生了一件跟我有關的事。 2003年 7月掀起商台續牌風波,過往商台續牌是例行公事,畢竟盡心盡力為香港服務了 40多年。這一年續牌風波跟鄭經翰主持節目風格有關,傳出政府有意將過往 12年的年期縮減至 6年,甚至 3年,以表示政府對商台節目立場不滿。當時傳出行政會議內最出力反對商台續牌,是梁振英。 2003年 7月 20日,梁振英以行政會議成員身份發公開聲明,澄清他從未在任何場合提出只讓商台續牌 3年的建議。

    商台續牌風波
    我當時在商台工作,這件事記憶猶新,上司多番向我埋怨,大難臨頭,商台上下仍以為玩玩吓,吩咐我要幫手爭取其他傳媒關注,希望得到社會支持。那時我加入傳媒時間不長,人生路不熟,我在《蘋果日報》留意到有一個記者很關注商台事情,思路清晰,性格分明,想辦法認識了這位記者,向她細訴商台故事。記者的名字是李慧玲。
    最後,唐英年以局長身份宣佈續牌 12年,當日同事圍着電視看,聽到 12年全體高呼,我記得這一幕。梁文道應該也在場。
    我當然不放過這機會,追問唐英年內情,他不想我寫,他的結語是:「或者某些人跟我結怨已有一段長時間。」

    http://hk.apple.nextmedia.com/template/apple/art_main.php?iss_id=20120314&sec_id=15307&art_id=16154215

  11. 點解振英哥只是話23條是憲政責任,應該落實,但普選就不是憲政責任就不被落實,真是亡香港之心不死。

發表迴響

你的電子郵件位址並不會被公開。 必要欄位標記為 *