保安局呢班hihi全部都係智障

保 安 局 : 若 大 亞 灣 有 事 故   20 公 里 內 需 防 護

2012-03-06

保 安 局 完 成 覆 檢 大 亞 灣 應 變 計 劃 , 假 如 發 生 事 故 , 確 認 維 持 香 港 境 內 離 大 亞 灣 核 電 站 20 公 里 範 圍 內 的 人 士 , 或 者 有 需 要 撤 離 , 屏 蔽 或 服 用 甲 狀 線 封 閉 劑 , 作 為 防 護 措 施 。
保 安 局 表 示 , 將 範 圍 定 於 20 公 里 是 有 科 學 根 據 , 符 合 國 際 原 子 能 機 構 的 標 準 。

由日本公幹返嚟,見到以上呢段新聞,火都嚟。

去年三一一大地震後,日本差唔多全國火速檢討各類防災計劃,連一向地震未出過大事嘅新幹線,都評估東海道新幹線沿線嘅斷層活動做好災難想定。首都高速檢討成堆三四十年壽命嘅高架橋,儘快修補以防不測。香港呢班hihi,明知大亞灣咁近香港,都唔改一吓個應變計劃,我覺得呢班膠官收買人命。

呢件事,比唐膠年有無私生子重要十萬八千倍,食少啲花生唔會死。


8 thoughts on “保安局呢班hihi全部都係智障

  1. 最白痴既地方就係,成個廣東得一座大亞灣核電廠?佢地所做既只係對大亞灣發生事故故的評估。

  2. 如果核廠真係出事,照佢個計劃=等死。
    真係有核輻射,要考慮:
    1. 醫療資源:醫院是否有能力接收大量災民?醫護人員有沒有儲存足夠的防輻射設備?是否要把受輻射感染的物件和人隔離?
    2. 安置居民:假如全部香港人或者部份近核電廠的居民需要撤離,邊度有住屋比災民?是否有需要撤離至廣東省,或者去香港較西南方的大嶼山或者蒲台島?是否要準備外交途徑向世衛、聯合國以及其他國家求助?
    3. 交通:鐵路及公路系統在緊急時期有沒有特定的措施,如何應付?
    4. 食物安全:如何控制有毒食品流入?一旦發生核洩漏,大量廣東省的食品將不能食用。佢地係諗住食到死人都冇所謂?

    大家都係移民算把啦。 =_=”

  3. 保 安 局 完 成 覆 檢 大 亞 灣 應 變 計 劃 , 假 如 發 生 事 故 , 確 認 上 報 呀 爺 , 新 聞 同 互聯 網 全 面 封 鎖 , 拉 閘 連 蚊 都 唔 準 放 一 隻 出 入.

  4. 應變計畫只不過依照以前香港嘅情況黎判斷點徹走香港市民,但我相信都係失敗居多。

    再者,而家香港人口密度已經高無可高,萬一大亞灣出現事故,我想問政府點樣係短時間內調走八百萬香港人?唔好話八百萬,我諗佢地連一萬人都應付唔黎。

    政府係唔係應該趁現在未有事,做番一D野咁呢?(雖然我都知佢啋我地都傻)我覺得首要叫停自由行,遏止大陸客過量湧黎香港,先減低香港人口為要。如果仲要顧住班無恥嘅商家佬而唔理香港人死活嘅話,大家惟有等幅射照埋黎。

    基本上我覺得幅射所影響嘅範圍,應該會係成個南中國海一帶,包括台灣,如果大亞灣出事,香港人至少要徹向海南島或菲律賓或更遠,否則都係難逃厄運。

    但都想問一個問題,如果香港發生災難,香港人可否以難民身份投向第二個國家?

  5. 根據蛔龜之後所謂「國情」,香港人不如成日留意住班地產大鱷同權貴九官,有冇忽然間無故空群闔家上飛機外逃,相信災難預警遠遠準確過官府公佈。

  6. 終有一日香港人會好似越南船民咁,投奔怒海…
    話唔定到時香港船民滯留越南,
    到時候輪到越南政府要講北撈杜奶,木蒸濕女…

發表迴響

你的電子郵件位址並不會被公開。 必要欄位標記為 *