梁振英係新特首?

雖然我人喺日本,但我公幹都仲知乜事。有唔少人,用習近平先搵劉夢熊、羅康瑞握手嚟大做文章。我諗做咁嘅判斷前,小心啲。

坐位仲有假傳聖旨嘅空間,但習近平嘅講話,就一定係北京各派度過。其中「穩中求進,和諧包容」呢八個字,係梁振英「穩中求變」嘅否定,因為進比變退一步,而穩中求變係成個梁振英政綱嘅主旨嚟。中共啲友仔,成篇講話可以有大量廢話,但關鍵修辭係絕對有政治訊息,呢個係中共研究嘅基本功。簡單嚟講,呢八個字係有骨。

而且依家北京消息係,薄熙來應該都好大鑊吓,地方向央迫宮,唔理邊個都係凶多吉少。所以田北俊呢條玩政治當買馬嘅友仔,話握手次序唔代表乜嘢,條友知道對家有乜料到,至少佢後面個廖暉,仲未失勢。

小心跟車太貼,撞咗咪話我無提醒你班古惑仔。


4 thoughts on “梁振英係新特首?

  1. 黨奴一族聞屁揣摩香臭,自以為醒目搵著數,早已成為習慣,換著我係雜總,都會玩模糊混膠,等班友仔

    最可悲的,反為係因為憎唐豬,而將胡佛狼捧成反地產霸權聖人,跪求明君降世的小學雞,「八萬五」極端死路,害到一大班中產基層雞毛鴨血,燒炭負資產,公屋搞出短樁醜聞之時,班傻瓜出左娘胎、腦榫生埋未?

  2. 睇完俄帝新沙皇普京千秋萬世,變相無限期在位之後,幻想老共會唔會照辦煮碗,整場大龍鳳,讓懵董忽然不再腳痛復辟?

    反正畀隻狼上位,以至夢熊伯、流西強之流當政,又有乜分別?

  3. 其實港府的人都是政治侏儒,他們都只是公務員而非政治人才。偌大一個香港的好局面都被他們弄成這個樣子!香港只要做好自已,深化國際化,已經是最大的優勢。香港與其它大陸城市比,就是因為孤立,因為邊緣才有運行,不然,看看上海被收回入新中國後,下場由亞洲第一金融城市變成現在全球第廿二位金融城市。香港第三,深圳第五。

發表迴響

你的電子郵件位址並不會被公開。 必要欄位標記為 *