要除貪爵士,先除林公公

雖然曾爵士喺立法會喊住口道歉,但正所謂哭泣聲絕無意思,他不會扭轉追數的心意,曾爵士嘅貪腐問題一定要追究,直到曾爵士嘅爵位被褫奪為止。

只不過,想做到一件事,一定要顧住戰略或戰術形勢,唔好得個勇字。

如果曾爵士依家辭職,喺新特首選出之前,邊個代住佢個位,如無意外,應該係林公公。林公公作為曲線港獨之父,當然好稱職,問題喺唐梁何殺到天昏地暗之際,林公公嚟做臨時特首,就隨時亂上加亂,走都走唔切。喺呢個時候,係唔適合咁玩膠,特別咁玩膠唔知會唔會益咗梁振英條友嘅時候。

所以要除貪腐嘅曾爵士,要先郁咗林公公,或者兩條hihi一次過郁走,最後郁埋曾偉雄,否則都幾頭痕吓。


8 thoughts on “要除貪爵士,先除林公公

  1. 隨口0翕當秘笈,除非用上恐怖份子手段,又或者先發制人革命終共終殃,否則要整個特衰政府垃圾內閣下台,文明法理手段不可能成事。

  2. To: kelfy
    我發覺很多人(支持泛民的人士及政治人物)仍只會硬碰硬,跟對手(土共,中共等)直接對攻(亦即直接路線),蝕底的只會係自己

  3. 湯漢係唔係食懵咗? 定係昇咗樞機所以勝利沖昏頭腦?其”曾特首為人誠實論”,其白癡之處罄竹難書,六問湯漢: –

    1. 香港形勢危如累卵,政治,議會,執法全盤失效;全港巿民亟須道德領導以維綱常,如今湯漢講嘢唔經大腦,歪曲誠實的定義,幫曾特的行為背書,係咪想香港徹底禮崩樂壞?

    2. 曾特收受利益,佢並非受害人,何況香港巿民有幾個可以獲富豪請坐私人飛機兼而可以廉價租用豪宅? 湯漢所言 “讓沒有犯罪的人擲石頭” 引諭不倫不類,應發還重作。

    3. 數週以來的政治、民意、言論火頭,湯漢一攬上身,狼豬曾額手稱慶,大呼甩難,可憐教會背負惡名,日後”誠實”一字意義大貶,湯漢如何代表教會服眾,如何執行訓導之職務?

    4. 湯漢擅自將教會名譽押在曾特身上,有何訓導及牧民理由? 教友對曾特行為,自有其個人看法,湯漢挾樞機之名稱曾特為”誠實”,豈非陷全港教友於不義?

    5. 湯漢身為樞機,貴為全球天主教領導人,其曾特誠實論,是否代表教會立場? 我等小輩未聞教會有公然為個別政客代言撐腰的做法,教會政策是否有變? 還請湯漢現身說法。

    6. 湯漢是否應立即啓程回羅馬覲見教宗解畫呢?

    結論:唔識政治唔好亂講,唔識冇人話你啞。是故今日疾書此文以明教友心志。

    利申: 痛心疾首的羅馬天主教友。

發表迴響

你的電子郵件位址並不會被公開。 必要欄位標記為 *