梁振英咪當市民係傻仔至得架

唐英年喺僭建事件上當市民係傻仔,但由於佢膠,呃唔到人。而梁振英,亦當市民係傻仔,只不過好多市民仲懵盛盛。

大佬,出動到一位執行董事,兩位董事出嚟做,梁振英會唔知,仲要呢條友唔係一般料

KK Chiu喺DTZ集團介紹

DTZ大中國區估價阿頭呀。你會唔會搵個咁級數嘅人,去做free service求其俾個估價呀?

所以所有商界背景嘅人,見到梁生心都寒埋。唐英年係一級真心硬膠,佢好膠,但大話一篤就爆,亦唔識講大話,因為佢啲大話只會越講越膠。而梁振英係講大話唔貶眼,係徹底嘅無恥。

兩害取其輕,香港人自已諗。



11 thoughts on “梁振英咪當市民係傻仔至得架

  1. 以下是我的看法:
    1) 我對DTZ公司不認識。如果它是一間國際公司,"出動到一位執行董事,兩位董事出嚟做,梁振英會唔知"不一定成立。如Ove Arup,有份建設北京奧運項目,全球有三百個董事,每年開一次大會。

    2) 如政府不全面公開相關資料,只公開西九比賽中與梁振英及建築師楊經文有關的資料。邏輯上是犯了以偏概全 – 即不充分的謬誤。
    部份事實就可以構成誤導。在質量審查界中有以下的名言(用來誤導審查員):
    Always tell the TRUE
    But NOT All the TRUE
    Nothing but the TRUE

    所以一定要求政府全面公開相關資料,但可隱藏評審人及參選公司的名字!
    例如評審人A,B,C及公司作品一,二,三等。
    如果楊經文的作品是佳品,我相信其他評審人一樣會投它的。

  2. 星期五晚六國酒店既保安特別嚴, 聽過有一班人話果頭核心保安區擴大到所有的士只准上落客要即走.

    應該係有大粒佬私下來港.

  3. 現在有好撚多巿民還未知道五區公投的其中意義是爭取民主,而那些市民只有一個簡單的理解,就是說:d議員無啦啦唔知做乜辭職又唔知做乜又重選入去做番,浪費社會金錢,這也是每次林公公及3分2班仆街在傳媒下宣傳浪費金錢並無其他的緣故,我發夢都估不到,有此想法的原來包括我阿媽,但後來我想,一般巿民不上網、不看報紙看時事,多半睇cctvb,又怎能怪?是沒有理由要求他們眀白和支持,一如你看到民意再所謂高也好,其實也是有一大班婦孺在背後,有心呃阿婆,其實好易呃。當我聽到有人拉大隊在巴士上高聲說:雖然你們手中無票,但心中有票。這對我來說只有反晒白眼,我心諗:what are you fucking about?

  4. To QA:

    你想用啲匪夷所思邏輯挺梁振英到幾時?

    梁振英係大中華區主席,KKChiu直接向佢匯報,就係咁簡單。

  5. 有理由相信隻狼有請”五毛”在網上工作,因為隻豬在網上係一面倒負面,但隻狼就有人護航。

  6. 卡通比喻 , 梁某人應係老董之魔人布歐邪惡版 , 香港人真係好想試下真正白色恐怖 ?

    唐豬被全城恥笑惡搞 , 我想信沒有特務半夜敲門拉人 , 但一旦永遠光偉正狼君上場 , 嘿嘿嘿 …..

    最反智莫過於認定某人夠霸氣 , 何不選禿鷹憎署腸 ? ! 霸死全城都得 !

  7. 梁振英上台應該都不敢踫廿三條這種政治核彈,畢竟他是聰明人。不論毁譽,港人還是要多謝梁振英,最少他將特首議題和港人的政治興趣抄起來,搞渾了被地產霸權壟斷的一池死水。

    現在便看立會班政治人物有無本事籍建制陣營的分裂擴大立會權力了。

發表迴響

你的電子郵件位址並不會被公開。 必要欄位標記為 *