點解香港人喺英國治下會更好

Hugo Restall: Hong Kong Was Better Under the British

對於中大學生報班,做緊同名古屋現任市長一樣嘅事嘅編輯,實唔信英國公務員會因本身無民意授權,同埋異族政權嘅緣故,喺香港拼盡老命。

呢啲友仔唔知英國人,同中國人最唔同之處。英國人對責任,以及合法性嘅重視,同中國人係唔同。

歷史為異國盡忠職守嘅英國人唔少,最經典例子,係中國海關嘅奠基人Robert Hart,佢雖然係英國籍人,但佢以佢係大清帝國官員為理由,拒絕英國委佢擔任駐華公使職務,喺參與《辛丑條約》談判果陣,竭力捍衛大清帝國利益,而唔係大英帝國。因為英國注重係你喺崗位之上,就得為服務對象竭盡全力。

另一樣英國人注重係合法性,英國政客或者係卑鄙,但英國始終以國會無上論為立國基礎,國會無上論嘅基本係,無民意授權,You are nothing。所以英國人喺香港無法推行民主之好(阻頭阻勢正係中共),仍然設立各類諮詢組織,甚至七十年代香港電台有烽煙節目,城市論壇等等,諮詢政策又Green Paper又White Paper,格式同英國本土相若,都係要令政府施政盡可能得到民意認受性,呢個係英國人嘅哲學。

唔好話第二樣嘢,小弟讀中大期間,屬會室分配制度改革,小弟選擇以諮詢文件方式諮詢,部分條文列明必須要由聯席會議通過,因為當時代表會唔係民選,無選票授權,所以一定要得到有選票授權嘅機關同意重大條文。呢個邏輯,就係英式邏輯。

中國人?有權大晒囉,否則點會出現曾蔭權爵士呢類令香港蒙羞嘅hihi。過往中大代表會可以亂政,正係有權可以亂嚟嘅中式邏輯作怪。英國人會問做一件事係Just定Unjust,但中國人係唔問呢個問題。



7 thoughts on “點解香港人喺英國治下會更好

  1. 習近平講過香港要以三權合作取代三權分立。安插一位堅持大小通貪,決心自甘墮落的當特首;愛用法律或法律程序破壞法治,壓制公民基本權利的管治團隊;擅用法律漏洞繞過立法會諮詢程序修改有利建制法例的政務司司長或政制及內地事務局局長,是由三權分立過渡到三權合作的必須條件。

    十年後應不會有今日的 “東方” 和 “生果” ,但相信會有境外人士發佈給廣傳的 twitter 短訊,內附警隊高層和終院法官與地產商、大莊家、政黨首腦和黑幫龍頭鬥地主或飯局照片。

  2. 習近平只是一個聽話的傀儡而已. 其實中國人, 甚至是香港人, 真正瞭解英國人政治背後哲學和邏輯的人都是少數而已. 港英政府時代, 由於社會較穏定, 港人無多大尋求民主的慾望. 現在這樣不穏情況下, 只有讓港人與中央愈走愈遠.

  3. 英國人已經離開, 港人要自食其力, 將自己當主人, 是政治主體, 不再是難民或看客. 香港已經無英皇皇氣罩住, 要自己食自己啦!

  4. 張五常未淪為美國通緝犯,老懵投奔大陸,幻想強國黨主「政治庇護」時,曾經在九七年前講過幾句名言:

    因為港英政府從來沒要求香港人「愛英國」,反而理智務實,創造出自由市場經濟奇蹟。

    帝國主義以至殖民統治,向來都有高下之分,香港今時今日承受那碼子的殖民 ( 殖蝗?!)統治,大家心照。

  5. 英國佬管治精粹, 唔係乜野諮詢或者風煙, 而係 “理民府” 同埋”鄉議局”出來擺平班新界佬. 從來香港最難擺平係班新界佬, 英國佬收新界果時係要同原居民開戰的.

    鄉議局家陣仲響度, 唔駛講太多.

    至於”理民府” , 根本就係一小政府, 透過鄉紳協助港英政府推行政務, 有齊行政, 司法, 規劃, 教育, 福利, 房屋, 收稅, 探測民情, 治安….. 等等, 可以話完全有晒成個政府既架構. 而響保留大清律例/民俗習慣的同時, 仲要推廣英式法律制度和管治模式出來.

    gaubinfor :

    其實當勞己經demo 左點樣可以唔駛立23 條都可以玩鷹犬政治, 而近期既更加將傳媒呢一個23 條以外第四權政治手段玩到爐火純青. 見到個選戰搞成咁, 未必會立23 條, 但係香港好有可能會有秘密警察, 唔係講緊家陣非政治部那種, 而係以情報科模式成立.

發表迴響

你的電子郵件位址並不會被公開。 必要欄位標記為 *