香港嘅黑暗時代

依家香港政治,一定係黑過墨斗。

1.曾蔭權一定要拉佢落台,佢條友將香港嘅廉潔聲譽敗清光,俾佢繼續做仲成世界?依家唔係佢仲有幾多任期嘅問題,而係佢做落去,等於容忍貪污,香港最大嘅競爭優勢就此玩完,以後邊個信ICAC?咪玩喇。

2. 唐英年上嚟亦一定無乜人服(但佢係less evil嘅人選,因為佢夠膠,乜嘢邪惡嘢都無能力執行,呢個係現實政治考慮),但亦唔一定要支持梁振英,因為呢幾日嘅爆料手法,令我諗起係FBI嘅John Edgar Hoover(胡佛),胡佛任內嘅COINTELPRO,雖然反共有功,但秘密搜集政客檔案要脅他人嘅做法,成為FBI歷史上超大污點,而佢依家學胡佛,簡直係香港自由民主一大威脅,加上條友支持鄧小平北京大屠殺上殺人,梁振英上台等於搞掂地產霸權,傻啦,梁振英後面乜人領導呀。信佢同信銀英傳裡面果面魯道夫大帝有乜分別?依家佢毒辣,我諗佢上台後仲毒辣多十倍咁。講咗第n屆唔選咁耐,依家終於可以出嚟,屈咁耐心理有無變,我唔敢包。

雖然我認為,如果泛民夠團結,可以叫何俊仁退,由陳方安生出戰,我相信陳方安生出戰係最大公約數,但你睇呢鋪挺梁名單裡面,民主派嘅無間道出晒嚟,最離譜係公民黨嘅吳永順,同埋民主黨嘅熊永達,乜呢兩條友咁恨做隻狼之下嘅官咩?咁唔團結下,我覺得人格最乾淨嘅何俊仁,係明知係廖化都侷住挺佢上。



2 thoughts on “香港嘅黑暗時代

  1. 曾蔭權落台, 咁會益左林公公, 到時林公公變林特首, 就算得一兩個月, 都千萬過唔想!

發表迴響

你的電子郵件位址並不會被公開。 必要欄位標記為 *