廉署應該去查張松橋同曾爵士

昨晚臨瞓前,《東方日報》大爆張松橋款待曾爵士,我一聞就知唔妥,因為張松橋呢條友有關嘅生意,全部喺林忌同小弟長期關注政策範圍之內。

1. 西隧

林忌:西隧天價何時了
林忌:建第四條海隧比普選更難
林忌:官商勾結扼殺渡輪
林忌:西隧再加價看中國文化的癌症
黃世澤:對付膠人要有硬手腕
黃世澤:三條隧道都飽晒,仲講乜嘢TIS
黃世澤:工賊會X建聯你玩晒
去年立法會交通事務委員會傾西隧問題會議發言紀錄

以第四條海隧、渡輪等方法,解決西隧擺明敲詐勒索嘅問題,我同林忌講到口都臭,小弟甚至上過立法會交通Panel發過言,但政府一直都顧左而言他嘅怪理由拒絕,依家就明,特首條hihi決定西隧收費,佢竟然可以接受西隧大股東嘅款待,呢啲唔叫利益衝突係乜。梁振英喺西九係利益衝突,曾蔭權喺呢件事上都一樣,所以兩條友都係契弟嚟。

2. 駕駛學院玩晒,駕易通玩晒

林忌:塞車官商勾結證據

唔怪得啦!一理通百理明,唔怪得舊隧塞到阿媽都唔認得,快易通呢種改善交通速度的,而唔使再用收費亭的新科技,在香港居然要收每月三十五蚊的「行政費」--乜原來自動系統的成本,仲高過人手收錢;講到尾,就係舊隧更塞,西隧就可以起得更多賺得更多;搞到尾點解港府與一眾知識份子人人說要「回購東西隧」,或者政府把舊隧搬番出來,同東西隧合組公司,最大得益者是誰?就係呢間以前擁有舊隧專營權的公司,簡單而言,就係坐係度等收錢包賺的專利事業。

世界上有好多好奇妙的地方,例如政府六年都唔肯再發教車師傅牌,卻特別容許港通擁有的香港駕駛學院請新人,於是搵後生仔去對付阿伯,再趕絕阿伯,呢 d 咁偏幫o既政策,就同隧道搶大家錢一樣,唔知除左用「官商勾結」四個字之外,可以用咩來形容呢?點解又係咁橋,又係港通咁著數?

駕易通科技落後唔駛講,新加坡都可以用ez-link卡俾ERP果陣,全香港啲停車場差唔多全八達通化果陣,香港啲隧道仲要俾三十五蚊行政費嘅駕易通。香港駕駛學院可以繼續請人兼玩晒,但老經驗嘅司機想轉型教車難過登天。呢啲當然諗唔明點解嘅事,依家明晒,官商勾結,利益輸送八個大字,講完。

曾爵士,你條hihi玩夠未,係唔係應該清楚向公眾解釋,喺西隧、駕易通同駕駛學院問題上,你扮演緊乜角色?




13 thoughts on “廉署應該去查張松橋同曾爵士

  1. 只有香港獨立或香港有真正自治,呢一d利益輸送只會隨住香港日後更加中共化變得越來越多。

    另一問題係以我印象中,基本法係無特首請辭呢回事。如果查到條友有官商勾結,除左佢俾中共炒左,香港人想整佢落台都唔係易事。另外中共要一個人落台,以我理解官商勾結好少係原因,權鬥輸左至係主因。不過,香港人當然唔可以俾佢咁易俾佢走人,此例一開,香港法治真係從此玩完。

  2. 有單咁嘅新野喎。

    http://bit.ly/wfhknk <- 特首6500呎樓王曝光 月租市值10萬 大業主挺唐選委
    明報專訊】曾自嘲在香港不敢買樓的特首曾蔭權,太太曾鮑笑薇已預租了深圳福田區一個約6500方呎的頂層複式單位,該區物業代理估計,該「樓王」市值4880萬港元(下同),月租高達9.76萬元。然而曾蔭權目前長俸約8萬元,有議員質疑特首退休後能否負擔。

    有兩名地產代理對喬裝買家的本報記者聲稱,上述單位是「開發商送給曾蔭權」,不過,大業主及特首辦均否認,並強調按市值租出。另外,樓王大業主黃楚標是一間香港數碼電台的大股東,早前獲特首會同行政會議酌情特批委任主席,亦是「挺唐」選委。對於上述3項質疑,有議員要求特首詳細交代。

  3. 1. 亞視會賣盤給唐營中人,唐營宣傳部不能只限星島系和信報兩大文字媒體。在亞視未賣盤前,王維基等不能開台!

    2. 如有廿三條,東方報業、星島和親梁營的傳媒已經像當年 SCMP 給 ICAC 被搜查般正在讓保安局搜查。若已通過纏擾法,約道七號早已被法庭列為禁區,吊臂車和傳媒不得接近。然而,若東方報業背後真的由國安操控,曾爵士此舉等於明知是蜂窩也要一腳伸進去,整個唐營的利益鏈將會有大量黑材料給曝光!

    3. 若國安真的在操控東方報業放料,曾爵士在香港境內和富豪的活動,包括可能出席過鄭劉何等定期大 D 會也可能給推上頭條。若其香港行縱也可以給曝光,留意警隊有無高層人事變動,保安局和特首辦有無人要請辭。

    唐營已替換過一次公關團隊,然而他們未必估到最震撼的黑材料卻先由有關大佬權的行縱開始發放。

  4. 既非挺唐,更絕不撐曾,不過在狗咬狗亂局最瘋狂之際,廉記如果去查埋香港版胡佛,也許有意想不到大收獲。

    終於明白,點解有人沒多少油水著數,都死要挺隻豬而不敢挺狼,一旦有狼君登基,唔知幾多人死得不明不白。

  5. When bad men combine, the good must associate; else they will fall one by one, an unpitied sacrifice in a contemptible struggle.(譯:壞人聯手時,好人必須團結;否則他們只會相繼倒下,在無恥的爭鬥下犧牲而不獲憐憫。)[埃德蒙·伯克 (Edmund Burke), “Thoughts on the Cause of Present Discontents”]

  6. The Wolf is in the race now with 293 nominations.

    That still leaves about 337 nominations remaining, wonder if Regina will take her chances? Or will 阿爺 tell them to stay put, effectively telling Regina to get lost? Since Regina is much like the Wolf, using populism as a bargaining chip, which 阿爺 doesn’t like very much. They might still want to consider putting Tsang Yok-shing in as the Pig’s backup-plan.

  7. 譚志源是一位明日之星, 亦可能是梁營甚至是國安的一條煲呔針, 他具備 “潛伏” 余則成的氣質!

  8. 點解要住福田,唔通怕住英國會好似葛柏咁引渡返港?

    人人話要廉署查,但廉署係總督特派架,查鬼呀。

  9. 問題是曾狗這類密會在內地屬例行公事,甚至是地方官職責一部分,商界選委見怪不怪。內地官員更只會覺得港人企圖借這幾天的 “東方” 頭條大做文章,就算真的是國安操控放料給 “東方” 又如何 ? 他們只會恥笑港燦見識淺薄。

    練乙錚昨日才在信報引述 1929年12月毛發表的文章〈關於糾正黨內的錯誤思想〉: “至於個人缺點,如果不是與政治的和組織的錯誤有聯繫,則不必多所指摘,使同志們無所措手足。而且這種批評一發展,黨內精神完全集注到小的缺點方面,人人變成了謹小慎微的君子,就會忘記黨的政治任務,這是很大的危險。”

    換言之,曾狗若被影到密會英美駐港領事,就算付足款待金額,絕無洩密和涉嫌利益相授,也已被休假式治療。然而,就算明日 “東方” 大大張相清楚偷拍曾狗與彤叔、大劉、張松橋等鋤 D 鬥地主,除非有明顯証據可指曾狗外洩政府機密,選委們根本不會放在心上。

  10. 理得人民日報點講, 都要開始遠少少觀望好了, 唔好跟車太貼.
    甚至有機會搵個高地食花生, 因為家陣有可能係搞敲山震虎的.

    個勢好唔妥, 起下起下會越起越大, 會有人制止.

    佢入左去, 既然入左閘, 我都會開始唔再post 野,
    近日文匯大公開始有少少唔妥. 小心.

  11. 我們也可能太高估梁營或東方,政府稍做點手腳和還手馬上有人中伏,看本大佬權已估到最是內奸及估計敵營放黑材料已放得七七八八,再放也只連梁營支持者也感到心寒。

    輪到政府再放當年西九材料,剝住花生先。

發表迴響

你的電子郵件位址並不會被公開。 必要欄位標記為 *