將會風起雲湧嘅一個月

由2月19日,銅鑼灣嘅反自駕遊遊行開始,香港政治將會係最風起雲湧嘅一個月。

首先,自駕遊同港中關係將會激戰連場,2月19日反自駕遊遊行,2月29日將會係立法會Panel Meeting,一定打到火花四濺。我自已都喺2月19日去香港電台錄影《放馬過來》,講正係港中關係,呢個係一個戰區。

之後,未來香港各方面政治精英,或多或少將捲入特首大混戰,特別喺習近平返京前後更甚,依家乜事都會發生,仲未計會唔會喺選舉期間,有其他膠事或怪招出現。

呢一個月,將會好唔得閒,而且特首選戰後,未必係結束,如果要玩到重賽,甚至特首難產,亂局將會維持一段長時間。總之,有排唔得閒。



13 thoughts on “將會風起雲湧嘅一個月

  1. http://obelia2.blogspot.com/2012/02/blog-post_490.html

    睇左沈旭暉篇訪問,似乎曾鈺成出選既機會好大,而且我估佢既人脈會比葉劉好。同埋睇佢文章所講既野,叫做似返個正常人會講既野。我寧願佢選上,都唔好俾豺狼當政。睇佢做立法會主席既表現,就知佢唔夠范太咁硬淨,長毛、毓民起哄既時候,佢通常都控制唔倒場面。佢即使當選,都好可能係一個弱勢領袖,要平衡各方利益。就咁睇黎,如果佢當選,起碼泛民、社民連會更加有同政府討價還價既空間,香港亦起碼唔會立即廿三條上馬。

  2. 呢兩日先睇 “星島”、”頭條”,之後 “文匯” 及 “大公”,再睇 “明報”。

    綜合信息非常明確:唐營已公開呼籲曾地下黨員入闡,但曾地下黨員也表明時間太緊逼。最大可能得兩個 – (1) 西環設法製造一個可把選舉拖到五月重選的初選結果,比多點時間曾地下黨員籌備,這比較有力社會穩定,但初選操盤西環或要明目張膽介入,以避免何俊仁忽然成為關鍵造王者,而且葉劉也可能因擺這盤棋而做一陣 “過度” 參選人以營造理想的初選結果。

    或 (2) 強行扶謊唐上馬,但同時講明由曾地下黨員當政務司司長,即是特首只屬虛君先做一段時間,若民意、議會和公務員系統仍表示極度不滿,再找些理由,例如唐太將被刑事起訴比謊唐落台,由曾地下黨員透過補選接任,這對曾地下黨員較公平,令他較易接手,但社會到時有多不穩定,難以想像。

  3. 昨晚高登討論:
    http://m.hkgolden.com/view.aspx?type=CA&message=3562605

    CUT 左既節錄.

    ===全局===
    香港只係其中一隻籌碼. 因為, 本身中共內部鬥爭都好複雜 … “江派””團派”只係粗略劃分, 習總本來都唔算”江派”, 只係太子黨, “江派”撐佢係因為, 佢嘅對手李克強係堅實嘅”團派”. 團派就只係呢十年先至掘起(唔計89前果段時間), 依家喺香港都冇乜收到”靚”, CY就似係歸左呢邊, 葉劉都可能係, 因為團派應該需要一D改革者去對付江派喺香港的勢力. 習總就真係人如其名, 係雜種, 即係身上流住太子黨同埋團派的血.

    AO, 商界同土共係三個不同的集團, 家陣江、團兩派根本冇實質話係香港邊個界別既幕後大佬, 大家都係唔同時間走位拉攏唔同既人做o靚?
    1. 商界就傾向江派, 因為江派班仆街成日想搵錢, 同商界好啱key
    2. 土共(尤其係老果班)就其實係似烏有之鄉班仆街咁, 走老毛紅色路線, 不過中央叫到佢地都會做野
    3. AO就係港英餘孽, 個個心向英國, 對中央黎講, 係唔可信的.
    呢三個勢力都係牆頭草, 邊邊對佢地有利就歸邊邊, 唔一定永遠跟死一個老闆

    ===個別分析===
    估計成個政圈, 被中央圈養有可能做特首既得幾個,
    現在可以揀既, CY, 葉劉, 唐, 犯婦, 曾鈺成,
    第二梯: 呢個少看, 估計係黃仁龍
    第三梯: 梁卓偉, 蘇錦樑呢一堆政治助理.

    CY:
    CY同商家個對抗形象太強, 但同時係機會主義者,本來數埋係跟江派, 但係糖糖已經做左代表, 咁佢當然要搵新老細. 依家應該有團派撐, 所以你見佢十年前同依家講的野係好矛盾架. 佢玩薄果一套玩得好高章, 政綱無提及任何涉及中共權力既野. 若果CY 真係硬上, 最好既策略係佢做白臉, 跟上面私下傾定一兩年後搵葉劉做CS 紅臉, 主動幫葉劉抬埋轎, 林鄭做FS 試用期. 葉劉, 林鄭, 咁樣既話會挾到絕對高民望出來.

    葉劉:
    葉劉原本係最有本事做特首, 黨性強, 可惜未夠火喉, 2017先至可以用得著. 但係佢好大機會做CS, 葉劉依家都過60, 冇乜時間, 如果依家葉劉埋CY/曾鈺城堆, 就可以爭取到最大D利益 . 但佢喺紀律部隊好多fans, 同埋佢同AO有幾多connection, 加上民選仲要起左一個單人政黨出來, 響能力無一個AO 及得上佢. 但佢佢響商界土共connection太弱. 不過我覺得我係葉劉, 如果想打穩陣波, 係會做CS, 個黨就睇下田二少可唔可以交托, 咁葉劉可做CS 期間利用二少作PROXY, 響商家度BUILD 到自己既connection. 再睇下有冇機會更上一層樓

    唐:
    佢只係商家扯線公仔, 比佢上到都只可能做短命特首. 若果唐英年真係做特首, 咁CS 一定係林D9 沒錯, D9 角色係肉盾, CY 唔會掃D9走, 但唐英年要呢一個肉盾救命.

    曾鈺成:
    佢好大機會唔會上, 如果曾鈺成唔退黨就參選, 對民建聯唔係好事, 香港政府長年低民望, 會拖累執政黨. 但對泛民來講, 就會將香港政治由獨立特首轉變成政黨輪替, 泛民好想咁做, 我都好想見到佢上. 但中央絕對唔想, 可以死左條心, 中共係一黨專政, 唔會比香港民建聯坐大搞出一個獨立王國出來. 咁做即係幫手搞港厹, 對中共非常不利.

    犯婦人:
    呢個先至係真正既PLAN B, 可能性最高
    佢而家去座船就係估計佢會不停響船上 CALL 人支持佢, 最後目的地係北京, 搵埋上面支時搭4 小時, 飛機來港交表就得. 佢一出商界既票就會過落佢度, 民望估計係CY 既2/3 至1/2, 但犯婦人本身無政綱無團隊. 快餐係直接拎番唐狗既政綱同商界人脈出來選, 雖則咁做會遲早都會比人起, 重要係睇佢地既PR 可唔可以將唐英年加強版含糊掉.

    何俊仁:
    佢無可能上.

    其實最大問題係當年比當勞斬左梁錦松落來, 唔係佢家陣座正左好幾年, 亦唔駛搵到唐唐做司長.

    剛才, 港大民意調查後備人選民望 (約數)
    犯婦人 24%, 葉劉 21%, 任志剛16%, 曾鈺成 6%
    曾鈺成民望咁低, 好難入閘, 懷疑商界最後可能推犯婦人入閘

  4. 2011年5月,前港區人大代表吳康民提出的「鐵三角論」, 回想, 吳康民提出的「鐵三角論」真係最合理…… 回想, 吳康民提出的「鐵三角論」係最合理……

    由范徐麗泰出任下屆行政長官,唐英年繼續擔任政務司司長,行會召集人梁振英出任財政司司長。

    如果鐵三角, 品客可以退休, D9 會去番政制事務局繼續做肉盾阻檔民怨唔會去到特首司長度.

    唐英年繼續擔任政務司司長, 行人止步
    召集人梁振英出任財政司司長, 亦行人止步
    2017 年葉劉會上馬.

  5. 天羽兄:

    D9 低民望, 但公僕圈內多話寧願佢做 CS 好過民望高既林鄭.

    有商界選委私下同我講過, 若特首及 CS 民望越低, 理論上政府與商界的 bargaining power 越低, 對既得利益越有利, 但太刻意擺兩個民望最低者做市長和副市長, 社會不穩風險最高.

    若強行扶謊唐上由曾鈺成做 CS 作盾, 任總出山當財爺, 找一位最軟皮蛇的高官當發展局局長平衡番 (最佳人選邱騰華, 或出名口硬心軟的鄭汝樺) , 會否好一點?

  6. 即管講一個無乜人信, 但是商界選委圈子流傳的講法:曾鈺成作為 plan B 之說, 一直由梁營發酵, 經最友好的明報敲鑼打鼓!唐營從來堅持謊唐點都夾硬上. 原因:梁營一直睇死曾鈺成唔會去馬, 點解唔去馬天羽兄你之前已詳述 :

    ” … 佢好大機會唔會上, 如果曾鈺成唔退黨就參選, 對民建聯唔係好事, 香港政府長年低民望, 會拖累執政黨. 但對泛民來講, 就會將香港政治由獨立特首轉變成政黨輪替, 泛民好想咁做, 我都好想見到佢上. 但中央絕對唔想, 可以死左條心, 中共係一黨專政, 唔會比香港民建聯坐大搞出一個獨立王國出來. 咁做即係幫手搞港獨, 對中共非常不利.”

  7. 特首及CS民望越低,越易做傀儡丫嘛。搞一個全商人政府先至想搞走林鄭,搵DAB做盾,搵任總做馬房啫(FS有自己既預算案,可以有限度自由發揮,所以FS先係真正馬房), 呢個肯定係商界最佳籌算。

    但除非中共團派勢力全滅,否則呢個籌算根本無可能實現。加上家陣民怨係去到就爆就爆既地步,商界既團隊係跟中共近年既主調係和諧完全相反。用練乙錚的講法係特首一定要搵個高民望,起碼有得慢慢消耗,剛剛民調有10%既人比唐唐0分,即係有70萬人唔妥唐唐去到一個完全不相信地步,家連北角班阿伯都出來屌唐英年,加埋D9兩個都無民望消耗,分分鐘一上任71就會見幾十萬人歡迎佢。

    再講埋人:
    曾鈺成:做盾即係要消耗民建聯民望,估計曾鈺成會十萬個不願意,家陣立法會人工同司長人工差距細左好多,曾鈺成個位又唔駛比立場做得舒服,接CS個苦差?仲要將DAB既民望比AO黨接?佢唔係唐英年咁蠢呀!

    唐上,林鄭:一定走,但佢黨性高,又係民望最高的局長,更加唔係蠢人,好多人包括政府都看佢係第二個葉劉,整走佢分分鐘會入AO黨玩下半場,到時個政局會更膠。2017年更加非葉劉莫屬。

    發展局局長高民望係為佢拆僭一視同仁,鄭汝樺民望係中級,佢心軟掉過去會急跌成為垃圾級司長。邱騰華,本身己經係垃圾司長。搵佢做盾好呀!就看看全廢人政府會變成點咯。

    可以肯定,今屆特首幾乎肯定一定係短命鬼,邊個上都擺唔平利益分配,呢5年會大戰連連。吳康民果然係政治老手,佢提出的「鐵三角論」完全睇看得出香港政治矛盾先至咁提。如果早D用就唔會好似而家咁,咬到兩敗俱傷,商界亦只得唐狗犯婦兩張TRUMP,其它全部係垃圾牌。

    清算只係其次,不如直接講埋班商家怕乜好嗎XD

    家陣中共有錢得好緊要,港商根本唔係怕乜野清算,最怕應該係CY學何厚樺果一套,同商界企硬!
    家陣己經唔係1997年,中資股票佔香港市值6成,大陸美國係咁印錢搞到家陣搵唔到足夠高品質投資產品去泊碼頭,甚至連糧食呢D對政治ULTRA SENSITIVE既投資產品都炒埋一份,苿莉花革合就係咁出現。
    全球經濟亦爆到七彩,己經好難好似香港咁易搵錢。幾時會重演英資打華資置地飲牛奶呢?唔知道,但市值再進一步提高,遲早會出現中資打港資大規模的惡意購拼。
    強至+X全球資產分佈,但佢有無本事好似2000年果時手拋窒老董話要撤資?分分鐘撤資不成,大量大陸企業前赴後繼撲下來食晒所有資產,反正人地既錢係印鈔機印,印半年人仔己經有夠買晒全港所有港資企業仲有零頭,而香港無印鈔權,呢個就係最基本分別。
    富官二代不知幾咁願意補充晒佢地撤走既錢,接埋所有香港資產來運營都仲得,結果係官富二代佢地繼續RUN公司,只不過老闆由+X轉左晒做平頭裝既中國男子啫。學解放時既上海,軟性抄家,比堆金買卷商界打發佢地走佬,商家咪試試其它地方搵唔搵到好似香港咁優質既投資機會咯。

    當奴呢7年民怨,搞到家陣土共隨時可以超強勢剿商界,兼比埋北方有機會全食商界資產,呢4年車公靈簽真係準得好緊要。天作孽猶可恕,自作孽不可活。

    人地CY 幾年前就諗住打沉個阿斗,當時我都留意得佢好耐,根本部署好晒。唐英年先生叫人住100呎,自己就僭2400呎,無可能令香港人反支持商界,而我地亦樂於見到狗咬狗骨,反正我唔係政/商中人,NOTHING TO LOSE。

  8. 中學時代所讀第一本入門政治書叫《君主論》,政治ABC

    故我由始至終過是一位馬基雅維里主義者而己。就我所觀察,CY明顯亦係一位馬基雅維里主義者,但政商界唔見得好識乜野係馬基雅維里主義,被CY輕易打殘係預料中事,一D都唔奇......

    馬基雅維里向中世紀佛羅倫斯君主(美第奇家族)獻策,闡述了一套統治權術思想,教君主妥善的平衡善良與邪惡兩者,以維持統治的現狀。

    當年馬基雅維里的最終目的係為左保護當時佛羅倫斯城邦及人民,但未必個個馬基雅維里主義者都會有這樣理念。

    blog 主當年中大政政,肯定讀過君主論,也知道馬基雅維里主義原本就是為了保護城邦政治而設計的,亦係呢一個原因,我不會認為對近來特首的分析,會跟我支持城邦論相違背的原因。

    最後,依馬打兄,昨晚在我上面引用,高登那個討論串裏面有另一高手一起討論,產生了不少商界需要的政治思考資料,雖然十幾版好長,但希望可以詳細閱讀,並幫到你們。

    不要作惡太甚

  9. 博主當然知乜叫君王論,博主正係一個典型嘅馬基維利主義者,小弟嘅政治分析都係典型馬基維利主義產品,甚至有啲嘢,我做咗或知咗都唔會講,因為唔講得。

    但馬基維利主義有樣嘢係好重要,千祈唔好心術不正,心術不正嘅友仔玩戰略或者玩Realpolitik,最後係會仆街嘅。一次大戰德國陸軍參謀本部班hihi,掟列寧返俄羅斯,隊冧沙俄,結果係養虎為患,幾十年後納粹德國人民食番晒。玩膠,你要知為乜而為,唔係係又玩,唔係又玩。

    所以梁振英好容易hihi,正係咁解。

  10. 梁振英一方唔係特別強, 佢既陰私野都唔少, 本來係50/50, 只係手段運用既靈活程度太差. 加上之前班貴族放政治核彈將反對人民趕絕, 結果令人民無可能再支持佢地啫.

    家陣就只不過係好似銀英咁, 果一班貴族厘晒響秃鷹之城然後比一個支持帝制既歐貝斯坦郁啫.

    玩過board game “Stratego”嗎?最大果一隻棋叫做 Marshal, 但有天敵的.

發表迴響

你的電子郵件位址並不會被公開。 必要欄位標記為 *