已經到臨界點

我諗用臨界點呢個字做題果陣,猶疑好耐,但有兩件事,我諗好難避免要用呢個字。因為依家嘅情況,香港要準備係可能好似1965年嘅新加坡咁,匆忙改變自身地位,仲要依家由政府到泛民成班友都係無人駕駛。

頭條日報:網民「亂扣帽子」 跑手廁所要防蝗?

嶺南大學公共管治研究部主任李彭廣就話,呢「亂扣帽子」的行為已經表達部份港人的不滿,仇視情緒逐步升級,但而家無論點呼籲香港人冷靜,唔好敵視同胞都係無用,因為仇視根源係香港公共資源分配不均,港人甚至覺得被「霸佔」,一日政府唔正視問題,中港矛盾或會繼續加深。

李彭廣無小弟咁大口,連李彭廣都咁講果陣,或容小弟咁講,小弟喺去年12月到今年1月嘅評估,已經全部中晒,甚至over,得兩個方法解決,一係有事搞到打鑊甘,一係就係1965年8月9日,新馬分家嘅方式,香港離開。

本來小弟都評估打鑊甘嘅可能性,但今年呢件事,我認為中共分分鐘主要俾香港離開,以保自己小命。

重慶公安局局長王立軍,同薄熙來鬥過你死我活唔係奇事,但喺藏區開片開到七彩果陣,佢條友都要搞到緊急尋求美國政治庇護都失敗,如果你係中國高官係會點諗?

所以依家有兩個可能性:

1. 中國可能有官員主動兵變,然後全國開大片,到時香港三百萬BNO即刻觸動BNA 1981嘅計時炸彈條款變咗BC。
2. 有人喺香港搞屎,然後方便個別人等宣布香港獨立,然後庇護部分官員。當然,又係即中計時炸彈條款。

中國官員入美國領使館唔得果陣,不單會令更多中國官員加緊同美國或其他西方國家聯繫,方便走佬(甚至會做汪精衛),另一方面,香港既然有隻大計時炸彈,不如引爆咗佢,總之走甩就掂,反正人人攬炒。

依家乜膠都可以發生,仲會隨時發生,唔好話我無提醒大家。




11 thoughts on “已經到臨界點

  1. 唔好忘記一班土共既得利益者會竭力、不擇手段去擺平呢鑊杰野! 香港人堅係有GUTS 同土共鬥嗎?

  2. 換言之講,憑此再看「自駕遊」政策,即是:有何風吹草動,知道所為何事的人,便可隨時赴港,無須搶車票與機票,避免打草驚蛇(主要是「平民」),自己走人安身立命。

  3. 尋日去申請台證,見到有自己英文名都唔識寫/廣東話講唔正的「貴婦」拎住特衰護照,真係慶幸自己好彩有本BNO。

  4. 東周爆有關西九利益衝突黑材料不是今日的事,但狼君忽然現在才開緊急記者會,得記低!

  5. 即使中共肯放生香港, 條件會唔會好辣, 例如唔回歸英國, 唔俾美國駐軍

    但點都好, 最緊要香港脫離魔掌, BNO 變BC

  6. 其實係人都知 中國貪官做得大官/核心係唔會俾人捉到既. 因為中國的貪污是成體制的
    反過來最血腥 最你死我活 的反而是權力鬥爭中站錯隊的人(尤其是中層)..

    所以
    STEP 1.中國最大的風險是權鬥失敗的人根本就不能申請政治庇護 因為罪名全是經濟罪名…

    STEP 2. 美國/其他西方國家的國藉/家人將不能成為投身中國腐化政權的人的對沖
    (將來可能有辦法將他們的家人引渡吧??笑)

    STEP 3. 中層的魚死網破變成咗政治鬥爭的外相..

發表迴響

你的電子郵件位址並不會被公開。 必要欄位標記為 *