香港班左翼「聖人」就真係自焚緊

至於造假,最明顯的是群眾大會,李說「他們是出色的舞台監督」演講者在上面演講,下面安插了鼓掌員和歡呼員,以機械性的時間和節奏,鼓動民眾情緒。遇到黨外的人演講,不論口才多好,只要偏離共黨路線,台下的鼓掌員和歡呼員便裝出冷落模樣,發出尖叫和噓聲,塑造群眾反應。這種技巧只能蒙蔽下層民眾,卻令受過教養的人反感,恥與為伍

— 陳雲《讀《李光耀回憶錄》領會共黨作風》

當年李光耀對馬共嘅判斷,唔單只適用嚟批評民建聯班友(愛護香港力量正係李光耀筆下呢挺仆街嚟),用嚟形容呢次「反蝗論戰」班大中國偽左膠,一樣適合。

序言書室老板李達寧:陳雲的意義初探-陳雲自焚了??

李達寧呢篇文,正好表現出,香港社運界所謂左翼,將蝗蟲論、反雙非都可以抹黑做希特拉所謂左翼,係點樣心術不正。

本來李達寧呢排潛水,我都唔想當眾郁佢,佢上鋪請我,但唔請陳雲,又無聯絡香港自治運動班友,就搞個乜叉研討會研究城邦論,呢條友已經係心術不正。因為呢條友極遲至整好份guest list俾我睇,呢種做法唔係想裝個局出嚟又係乜,同馬共搞呢啲蒙蔽民眾群眾大會有乜分別?

最後就是要右翼引火自焚,諸如林忌四處點火,整個右翼,至少在知識界一定顏面無存。此後無人領軍,民間的民粹亦沒有向心力。所謂建制派的民粹,有其先天要靠老共的性格,要煽動來動員始終很難。再加上本土派的發展,建制民粹很快就會煙消雲散。至於陳老師,我猜想他出了城邦論一書,大賺一筆,之後可以告老歸隱。果有日革命成功,新新中國建成,到時老人家或會出山,與今日道上朋友把酒言歡。善哉!善哉!。」

呢啲已經係超級無貨到,訴諸抹黑同人身攻擊嘅表現。佢身為書店老板,佢無理由唔知,除咗寫運程書,做出版幾乎係無錢賺嘅現實,特別係作者。作者收嘅版稅,往往同佢付出嘅勞力係不成正比。寫一本書,往往係要幾個月時間,每日抽幾個鐘甚至全日坐喺度思考、搵料,你估真係可以老吹架?林忌四處點火?點乜火?

呢次班左翼自焚就真,因為呢次蝗蟲論,唔係林忌發明,亦唔係陳雲,而係高登仔嘅民間創作,呢個本身就係基層運動,由下而上嘅基層運動,無呢次廣告,政府喺雙非問題係郁都唔郁,更加鼓動唔到反自駕遊嘅民氣。而呢次少數企喺高登仔果邊知識界(如果佢地仲當呢個商人係知識界嘅話),責任係防止呢股力量俾愛護香港力量、葉劉淑儀呢啲賣港力量騎劫。佢地反對蝗蟲論,唔係同我、林忌或者陳雲為敵,而係同全香港大部分民間基層、中層力量為敵。你班友日日將啲馬克思術語,例如階級分析掛嘴邊,然後指指點點,你睇高登仔同親子王國啲阿媽們俾啲乜回應你?我過去一年,寫咗接近三十篇講中國人南侵嘅問題,未計blog文,你班所謂左翼去晒邊?

反而,我呢次睇到呢班社運界嘅真面目。除咗反映果班大中國沙文主義者虛偽同不擇手段外,就算聲稱本土派嘅,好似陳景輝、葉寶琳呢啲,佢地想點?係唔係因為呢次運動無佢地份出鏡頭,所以就要否定咗佢?呢啲友係搞本土主義,定係純粹爭取曝光手段上位乜都做,大家自已去分析一下。

我寫呢篇blog文,我唔會浪費時間再回應呢班友,你越回應佢越有著數。其他問題,例如中大嘅未來發展上,我可以講明,我唔會為呢班友背書。關心中大發展嘅校友,可以另外思考方向。其他社會問題亦係一樣。




16 thoughts on “香港班左翼「聖人」就真係自焚緊

  1. 香港人的蝗化其實也相當嚴重…畢竟大家都係蚱蜢….好多中學生都係default唔使排隊既. 越後生越多….

    其實唔俾人用一個term本身就係一種霸權既體現. 因為除咗阻止一時既交流之外. 所指的其實沒有消失….環境不變. 總會找到另一個pointer既..

  2. 呢篇文一睇就知係充滿惡意嘅propaganda, 抹黑功力比五毛有過之而無不及, 怎出自一中大哲學人之手?叫人難以置信

  3. 中共最愛扣帽子

    左派除了寫脫離現實,群眾,在’高位’罵群眾NAZI,法西外
    還有甚麼

  4. 回應黃世澤文章:
    呢次班左翼自焚就真,因為呢次蝗蟲論,唔係林忌發明,亦唔係陳雲,而係高登仔嘅民間創作,呢個本身就係基層運動,由下而上嘅基層運動,無呢次廣告,政府喺雙非問題係郁都唔郁,更加鼓動唔到反自駕遊嘅民氣。而呢次少數企喺高登仔果邊知識界(如果佢地仲當呢個商人係知識界嘅話),責任係防止呢股力量俾愛護香港力量、葉劉淑儀呢啲賣港力量騎劫。佢地反對蝗蟲論,唔係同我、林忌或者陳雲為敵,而係同全香港大部分民間基層、中層力量為敵。你班友日日將啲馬克思術語,例如階級分析掛嘴邊,然後指指點點,你睇高登仔同親子王國啲阿媽們俾啲乜回應你?

    我凌天羽作為人証,一直從內外部觀察呢一股力量既發展,亦從第一次遊行觀察這股力量至今,可以証明黃世澤講既係事實...

    時亦跟黃世澤討論過,自去年3月8萬人反派錢比新移民起,就己經係一股政治力量,我地第一件事就係要防止呢一股政治力量去左新民黨/自由黨果一度,反而左翼係屬次要,甚至係根本無想過會交戰。

    有文為証!
    http://martinoei.wordpress.com/2011/03/07/%E6%9C%80%E5%9F%BA%E6%9C%AC%E5%98%85%E8%A8%8E%E8%AB%96%E5%91%A2%EF%BC%9F/

    而當時既HKNP(香港本土力量)就係響T-PARTY未成立前,自由黨的成員滲透入組織內部,然後將其解體!及後,自由黨的一些成員成立T-PARTY後,亦有佢地相關既蝗虫論作為核心價值,這個價值觀,跟陳雲/林忌/黃世澤的一套完全不同。非常接近獅子山學會的思想!

    http://tparty.hk/showdetails.php?contentid=4

    反雙非,反蝗,反殖,亦唔一定係陳雲,基本上右派最少己經存在3大勢力,而且每個都有過萬人支持,有民主人士,亦有建制的,左翼由此至今都在打稻草人。左翼的人不明情勢,我會說出來,但我說過,沒有左翼願意座下來聽一聽情勢,那麼,己經不是我們的責任了!

  5. To 凌天羽:

    我依家扮演係西南戰爭果陣,西鄉隆盛嘅角色。
    我會直接喺蘋果KO盧峰

  6. 盧峯=馮偉光… 唔怪得啦。不過小弟一向不屑睇佢啲文,冇啲深度,人云亦云,徙時間。

  7. 個人意見: 城邦論一書已經有”溫提”, 就是”拋磚引玉”四字

    一直不知盧峰是誰, 我真是一篇的他也沒讀過

  8. 澄清已經澄清很多次, 蝗蟲只是形容陸客中的害群之馬. 社會主流輿論經常強調反對一竹篙打一船人, 說是文化差異, 要香港人包容. 連包容,縱容都分不清, 這些歪理竟然可以成為主流, 香港已經是非不分, 道德淪喪了. Hong Kong is Dead, not dying. 根本是教壞下一代.

    陸客在自己地方, 有沒有像在香港般, 明明厠所在附近, 也要隨地大小便? 小弟又真的沒有聽聞大陸大城市高級商場出現這些荒唐事. . 為何在自己地方不這樣, 到香港要這樣? 這些所為, 又是文化差異嗎? 有點常識, 都不會說這是文化差異呢!

    曲解人家意見, 還振振有詞說人家歧視, 背後必有不可告人目的.

  9. 反反蝗其實係好公式化的上綱上線方式…強行扭曲對方定義 + 大帽子…

    根本就相當文革feel

發表迴響

你的電子郵件位址並不會被公開。 必要欄位標記為 *