你打算中港點繼續落去?

大家請由2:40睇起,特別李光耀幾段歷史演辭。

其實新馬分家,已經遠超華人同馬來人嘅裂痕,因為新加坡嘅馬來人都跟李光耀一齊走。由4:29開始演辭,就將問題一針見血講出嚟,你想建立點嘅新國家至得架?

新加坡同馬來西亞因共同對付中共支持嘅馬共,勉強合埋一齊,因為無傾清楚係share the burden and reward,定馬拉佬攞話晒事,華人分餅碎,都搞到一鑊泡,民生、政制、經濟一大堆問題搞唔掂,搞咗廿個月,頂唔順,分開算數,宣布唔玩。

依家英國佬未經公投塞香港俾中國,意識形態分歧本來就好大,香港人用幻想嘅「中國意識」頂住,經過整整十五年,最後一個雙非問題,始終要爆煲。如果二十個月至浮上水嘅問題都搞到新馬咁,一個香港人FF足十五年嘅問題,你認為可以一味叫香港人, 特別受十月懷胎之苦嘅大肚婆去唔鬧爆,簡直係奇想。原來一路幻想落去,就可以令問題消失,我唔識呢挺神乎其技。就算末期癌症病人,打得多芬太尼都失效,更何況用「國族想像」呢樣嘢,點克服十月懷胎前後嘅痛苦呀?

我未生過仔,但我絕對明白啲大肚婆點解咁慶,由大緊肚,到喺醫院,到生咗之後唔係就咁算,又要帶母嬰健康院、打疫苗、撲奶粉、同BB餵奶掃風,換尿片,瞓又瞓唔好,好多左膠無生過仔,無親歷大肚婆嘅痛苦,就一路講風涼話,呢樣嘢亦係我決定開炮開得咁恆嘅原因。乜了解自已人嘅痛苦,咁難咩?

好勝,同堅持統一如李光耀都搞唔掂嘅問題,我唔明香港啲統派,點解可以拍心口話搞掂。更加唔好講,曾志豪呢啲手指拗出唔拗入嘅港賊。仲要依家呢個政府,係唔會成日上北京,代表香港人幫中港收窄分歧。香港人唔係狗,但特區政府班高層就肯定係。




14 thoughts on “你打算中港點繼續落去?

  1. 回 Dick Ma:
    我覺得陳雲的香港自治論,某程度上就是香港的「脫亞論」。要香港導入直軌,就要放下大中國的包袱。有必要時真係要搞民變或者軍變,以革命推翻偽特區政府,甚至要開始考成立定一個地下政府/流亡政府,準備隨時取代或者架空現有政權。我覺得絕對唔應該稱佢地班賣港賊做政府,只可以稱佢地做「偽政府」,因為佢地根本上唔係由人民授權既民主政府。

    現在與其浪費精力爭辯到底海報上是草蜢還是蝗蟲,不如諗下下一步怎樣做?
    1. 我估計曾賊反正任期快滿,只會做監守政府,佢唔會做任何野去改變現狀,任何民怨升溫,等到下一任才解決,順水推舟,如果解決得來,下一任就可以輕易地民望高企。
    2. 佢地亦都等緊「民意」支持人大釋法,等香港人自己親手邀請人大將自己的司法獨立斷送。而我地一定要千方百計讓全港巿民知道人大釋法的害處,一定要以行政手段 + 修改廿四條去挽救。但係這一點真係好難做,大部份香港人其實好容易被擺佈,佢地未必會理解人大釋法的害處。
    3. 如果真係出現有香港孕婦失救,或者香港人被大陸人車死的情況,會怎辦?唔該各個政黨快尐評估形勢,要預先設想有可能出現的大動亂,現在的社會條件已經足夠引起暴動,只差一個引爆點。要想盡辦法怎樣把民意導正,將矛頭直指政府,最好能夠號召百萬人上街逼使政府解決問題,而不是把精力放在族群衝突上。暴動未必對香港自治有利,若族群衝突一發不可收拾,中國以至國際傳媒都會繼續抹黑香港。而且以香港人既和平理智,一旦出現六七年的暴動場面,真係會支持廿三條立法都唔出奇。小心中計!

  2. 而且我覺得孔叫獸的叫駡是背後有人策劃的,根本是在賊佬試沙煲,故意令中港兩地仇恨增加,以使中國既網民不會再聽香港人講既野,國內有問題,亦可以轉移視線,將仇恨發洩在港商身上。返大陸既香港人要小心,隨時俾人打死都有可能。
    而香港人反抗的行動亦係佢地預料之內。

  3. 而家所有的問題,根本就在於香港有一個賣港的港共偽政府,手指拗出唔拗入,而非大陸人本身。大陸佬乞人僧大家都知,亦無法改變,亦無興趣教育佢地,但係所有堵截雙非的行政措施,港共政府一個朝早就可以頒布搞掂,牠就係徧徧唔做,你知牠在等mud? 牠就在等你們搞到流血衝突,跟住一個屈尾十砌香港人歧視,跟手全面頒布措拖提倡”和諧”,實質就要規管網上言論,將大陸佬的特權全面合法化。

    所以大家要一致把矛頭指向港共偽政府,尤其是林公公。

    呢個港共政府陰濕,無恥,賤格,與民為敵,我地究竟交稅嚟做mud?

  4. CL :

    孔獸首發辱港言論是在電視節目,並非在微博或論壇,以內地對媒體監控的嚴謹,就算背後無人事先策劃或煽動牠,這言論可公開亦已代表某些官員一些想法。

    然而,這些官員是否正靜待香港出現暴動,好讓港府可借機緊急修法,從而進一步限制我們言論、集會等自由,相信要等香港真的出現暴動才能証實。

    Martin 親身經歷過韓農在港反世貿和反高鐵撥款示威,對警方應付暴動的應變能力比大部分網民清楚。若收到指示須即時制止暴動,相信現時警隊可以做到。然而,若指示其先放軟手腳,好像數日前的埃及軍警般,另作別論。

    “3. 如果真係出現有香港孕婦失救,或者香港人被大陸人車死的情況,會怎辦?唔該各個政黨快尐評估形勢,要預先設想有可能出現的大動亂,現在的社會條件已經足夠引起暴動,只差一個引爆點。要想盡辦法怎樣把民意導正,將矛頭直指政府,最好能夠號召百萬人上街逼使政府解決問題,而不是把精力放在族群衝突上。暴動未必對香港自治有利,若族群衝突一發不可收拾,中國以至國際傳媒都會繼續抹黑香港。而且以香港人既和平理智,一旦出現六七年的暴動場面,真係會支持廿三條立法都唔出奇。小心中計!”

  5. 唔好同大陸佬鬥咀,上面囯民教育如此成功,像那像那人的起碼接近二億,口水都足以浸死!

  6. 罕見初生嬰染疱疹二型
    2012年02月04日
    【本報訊】《香港醫學雜誌》披露兩宗初生嬰兒感染疱疹的罕見個案,其中一名嬰兒疑從母體感染疱疹病毒,併發腦膜炎;另一名嬰兒則被母親傳染水痘,全身長滿含膿的水疱。專家提醒媽媽們要注意相關風險。
    上述兩名嬰兒均在威院出世。中大兒科學系教授韓錦倫指,感染水痘的嬰兒於出世後 12日,水疱蔓延全身;調查發現,其母親在分娩前兩天有局部水痘復發,右手長出水疱,疑因此感染嬰兒。嬰兒留醫的病房未有水痘爆發。

    母體傳染可致胎死
    至於併發腦膜炎的嬰兒,出生後 8日心口和右耳珠等地方陸續出現水疱,後來更發燒至 37.8度,化驗證實嬰兒的腦脊液含有疱疹二型病毒,接受藥物治療後康復。但韓指,曾有嬰兒感染疱疹併發腦膜炎後,因太遲對症下藥,造成腦癱,胎兒從母體感染疱疹更可致胎死腹中,家長們要注要有關風險。
    《香港醫學雜誌》又披露三宗濫用咳藥水導致「橫紋肌溶解症」個案,三人因濫藥導致嚴重葉酸缺乏,肌肉細胞溶解導致四肢僵硬及無法協調;專家指,患者的肌肉細胞可經尿液流失,影響腎臟功能致命。

    http://hk.apple.nextmedia.com/template/apple/art_main.php?iss_id=20120204&sec_id=4104&subsec_id=11867&art_id=16041441
    兩名嬰兒均在威院出世
    香港醫護在工作時應加倍小心

  7. Re: gaubinfor :「 Martin 親身經歷過韓農在港反世貿和反高鐵撥款示威,對警方應付暴動的應變能力比大部分網民清楚。若收到指示須即時制止暴動,相信現時警隊可以做到。然而,若指示其先放軟手腳,好像數日前的埃及軍警般,另作別論。」

    不用學埃及軍警先放軟手腳。當日反高鐵撥款示威,便衣如何滲入人群中搞破壞,Martin 過往也有詳述。

    Martin 替我們爭取 BN(O) 平權多年,一直有聯絡英國國會議員,不妨參詳胡漢清的建議,向你認識的國會議員從這方面遊說,著英國國會披露當年有關居港權的立法原意。

    Re: 2012-02-04 明報 :

    雙非童問題 胡漢清指中央不會釋法

    【明報專訊】前赴北京數天與國務院港澳辦及外交部官員會面的基本法研究中心主席胡漢清,昨日對記者表示中央政府不會就「雙非兒童」(在港出世但父母均非港人的兒童)應否有居港權釋法或修改《基本法》。他指中央政府亦不會解封中英聯合聯絡小組對《基本法》居港權立法原意的協議,但可寄望英國議會報告交代這方面資料,屆時特區政府便有文件依據停發出世紙給「雙非兒童」。

    須英國交代立法原意

    胡漢清前天與北京大學港澳研究中心主任饒戈平教授及副主任強世功交流,並與港澳辦法律司長黃柳權會面,昨與外交部的老朋友午餐聚會。他會後對記者表示,目前最恰當的方法,是英國國會對香港作出每6個月的報告時,將有關立法原意交代清楚。

  8. 英國無責任同中共”夾定”一齊公報中英聯絡小組會議記錄. 如果英國肯幫手,係佢仁慈.
    試冧下,如果英國唔肯確定中共單方面公報內容,然後香港無人信中共公佈嘅會議記錄. 到時真係笑死人.

    英國大可以話,當定下嘅年會議protocol, 無打算公開會議記錄,更加唔會用會議記錄來引導法院去理解/解釋香港法例.亦無冧過97年後做出任何行為去干擾香港/中國內部事務.

    “英國國會對香港作出每6個月的報告” 讀者對象係英國國會議員,及英國選民.並唔係香港公眾同香港各級法院.

    荒謬之處,香港法例有修改機制唔用,基本法有修改機制唔用,釋法有機制唔用,而去要求英國向”每6個月香港報告”上配合….

  9. can’t agree more with you martin…!! i’m a new mama with a 4 month old kid.
    it’s so sad that even you as a young guy can understand the pain of a pregnant woman in HK now but not our fxxk off government…!

發表迴響

你的電子郵件位址並不會被公開。 必要欄位標記為 *