高登奇兵隊大勝社運俗論黨

呢次高登仔籌咗十萬銀喺蘋果登廣告,鼓起香港反中國殖民入侵嘅民氣,當所謂知識界要動用陳冠中嚟反對高登仔言論,但都被鬧爆果陣,社運界同知識界俗論黨,呢鋪輸到一仆一碌。

點解社運界輸到一仆一碌,因為你班所謂社運人、所謂知識分子,喺香港孕婦遇到不公果陣,根本無出嚟幫人出頭主持正義,仲話呢班中國人落嚟生仔係人權,平日都唔為黎民百姓主持公道,你依家學人佔據道德高地?收皮喇。孫中山都係靠驅除韃虜,恢復中華呢句口號號召民眾起事,你不如鬧埋孫中山喇笨。

而呢次廣告,可以講係高杉晉作八十四人功山寺奮起,掃平長州藩俗論黨嘅現代版。

一直以嚟,泛民甚至香港社會內部,都好多膠人,對中國嘅入侵採取妥協,甚至好似曾志豪咁,採取任人強姦嘅態度(曾志豪可以列佢做港賊,好少唔係土共嘅友仔獲呢個稱號)。呢班友,同當年幕末果陣,主張向幕府妥協嘅俗論黨無分別,一味媾和想保住自已嘅榮華富貴算數,無諗過個社會嘅前途。當然呢班以高層武士為主嘅友仔,係唔知乜叫民間疾苦。

而高登仔好似奇兵隊,當年高杉晉作嘅奇兵隊,打破日本當時兵界只招武士為軍嘅傳統,仿傚中國太平天國起義軍嘅設計,並士農工商一律平等。由於奇兵隊無靚衫著,係「奇怪嘅軍隊」,所以至叫奇兵隊。

但人數少,個presentation唔靚係唔緊要,有新式武器喺手,士氣夠高,八十四條友一樣夠掃到你收檔。當時高杉晉作用漢文寫嘅絕命書(遺書)係咁寫:「國家有難, 胸中有火,只有奮起,雖死也為忠義之鬼,痛快!痛快!」呢班社運膠,知識膠,唔植根本土,當然唔知乜叫國家有難,胸中有火喇。
所以高登仔自已design嘅廣告,一個顏色上嘅trick,玩到成班友對號入座兼中伏兼大輸民意。

不過,班社運膠唔會認自已膠,一如幕府唔認自已膠一樣,否則唔會有戊辰戰爭。所以好戲,仲喺後頭。

後話:啲大中國主義分子接受唔到城邦論,證明呢班友一如高杉晉作對大清帝國班讀書人嘅評價一樣:「口頭盡說聖賢語,終被夷蠻所驅使」呢十四個字,全部可以用番喺啲大中國社運膠身上。

高杉晉作正係當年喺日本提倡城邦論,喺日本中央政府仲喺德川幕府把持果陣,佢提倡大割據,佢喺佢主政長州藩作出現代化改革,佢提嘅口號係「先內治,後攘夷」。內之不治,何以興中華?今日中國搞到咁膠,認真多得班所謂讀書人唔少。港獨台獨,同最終嘅中國民主化係無衝突,得閒多啲參透李登輝嘅新中原理論吧。



One thought on “高登奇兵隊大勝社運俗論黨

  1. 引用今天的網戰文:

    不要說我歧視, 但大陸那13.5億人, 很多已被中共洗腦到…..
    難以用基本正常邏輯思維 理解之…

    很多都”利益思維”主導…… 有內地網友這樣說:

    “政治抗爭的手段就是拉攏大部份支持者,打擊目標,從而得到自己要求的政治利益,但是現在香港這場抗爭,拉攏的只是部分香港人,但是打擊的卻是13億大陸人,能得到什麼政治利益呢?看不見吖! ”
    “爲什麽不能把13億人拉過來做自己的靠山呢。這樣成功的機會更大吧。”

    700萬人 與 13.5億人 拔河, 你叫我地 “拉佢地過來? 你又怎知道, 不會反被他們 拉過去?? 中間的過程, 就像拔河…

    > “硬的不行就軟的,起碼博人同情都能找到支持吧??”

    我想真心求教…. 有冇成功例子? 很多網民之前狂貼 香港媽媽的慘況, 沒有同情, 反而甚麼都沒看, 就說 “香港人應要同情大陸人”…. 13.5億大陸人, 會明白香港在”爭取” 甚麼嗎?
    現在我們所爭取的是公平、公義、自由、民主、法治。
    例如 “反雙非孕婦”, 就是社會的資源公平分配原則, 以及香港公民權利…

    但…你看? 大陸人明白嗎? (應說, 有多少明白??) 大陸人會同你講: 這是你們香港ZF 的問題,關我們狗屁的事!?! XDDD (拿拿 這是長期高登仔跟國內人的網戰經驗!!)

    你要明白….

    香港的700萬人, 與強國的13.5億人……在思維上, 本身已有著重大分別…..
    好多我們以為是”基本” 做人的 原則, 但對他們來說, 是很迂迴很複雜很陰謀的…….

    例如, 最簡單, “請勿隨處便溺”…
    哇靠!!!! 有幾難明?? 但….你同佢地講
    佢地返過來話: “你歧視我們!!”……………………

    (這是 公共衛生!!!公共衛生!!!公共衛生!!!公共衛生!!!公共衛生!!!…)

發表迴響

你的電子郵件位址並不會被公開。 必要欄位標記為 *