孔慶東脫逃脫得好核突

孔慶東否認講過港人是狗指媒體斷章取義惡意歪曲
21.01.2012 20:06
北京大學教授孔慶東,前晚在內地第一視頻新聞網的節目,評論一名內地男童在港鐵車廂食點心麵,引發港人同內地人互罵。他當時指””香港有很多人是好人,但有很多香港人至今還是狗”,孔慶東今日在同一新聞網,否認講過有關說話,指是部份內地及香港媒體,斷章取義,惡意歪曲及挑撥,有媒體煽風點火,唯恐天下不亂,要求攻擊他的媒體,作出道歉。

咩叫核突,呢個叫核突。

香港人圍剿孔慶東,唔係因為乜嘢傳媒歪曲,就係全部聽過晒條粉腸嘅原話,聽到火都嚟,呢啲將責任老屈到人地度嘅做法,叫欺善怕惡,MK仔都好過你十倍。香港人最睇唔起,就係出得嚟行,唔預咗還嘅hihi。

所以呢條友要追剿落去,但唔好包圍香港統監府,免得中共用嚟開干預學術自由先例。要去就去第一視頻喺中環嘅office,玩到第一視頻投降道歉為止,最好cut埋孔慶東嘅節目,免得污染地球環境。



5 thoughts on “孔慶東脫逃脫得好核突

  1. 錯咪認囉!

    真係土著大睦人, 講錯野唔認! 做錯野既話, 仲洗講?
    同中共一樣, 有錯唔認, 好似當年六四一樣! ‘乾’ (近音粗口字)

  2. 最荒唐莫過於叫獸當年參加八九學運,係踎0係王丹後面0既高自聯學生領袖。

    不過此等共產人狗不分叫妖獸,不但冇畀坦克碌死,一日監都冇坐過,梗係精甩尾鼠摩間諜之流,要佢自負言行責任?!恐怕難過要共匪向人民認錯。

  3. “要去就去第一視頻喺中環嘅office,玩到第一視頻投降道歉為止,最好cut埋孔慶東嘅節目,免得污染地球環境。”

    讚成.
    要去,一係去北大向香港嘅辦事處(如有)
    或者去第一視頻喺中環嘅office

發表迴響

你的電子郵件位址並不會被公開。 必要欄位標記為 *