當街派錢咁都得

好多泛民嘅真心膠,都話馬英九幾清廉,手段幾乾淨,乜乜物物。跟住每次台灣大選,都話乜乜台灣民主勝利。

我呢次東渡作戰,我心情超唔同,先睇以下我1月13日晚喺京站門口,台北車站去其他縣市長途巴士總站門口收到嘅嘢先。

我想問以上係吉儀,定係賄選。乜可以咁當街派錢,點派錢,係如以下呢張相咁

擺明派俾回鄉投票嘅選民,馬英九清廉?我未計其他狗招,單係咁派錢,唔係紀念品,我覺得應該提出當選無效之訴,乜咁都得架?



10 thoughts on “當街派錢咁都得

  1. 正如天與地所講,選擇可能唔同,但最終都會殊途同歸.另一個角度論,咪等阿爺繼續綻錢過台灣,同埋比多國民黨四年玩等到時睇吓邊個係人邊個係鬼.今次亦證明左,台灣人經過多年既洗禮,寧願行慢一步都唔想再比人昆,當然我唔係話蔡英文要昆佢地,蔡英文既敗選宣言講得好好,進退有度,而係台灣人已經提升到唔會太輕易被口號所左右,而係想要實際既利益.國民黨係無能用,咪睇下佢地有無吉士在需要佢地時企出來囉,過去多次機會,包括文革同六四,國民黨都放棄佢地既係大陸既國民,唔敢挺身而出去改變大陸既命運,呢個靠蘇俄支持返身既列寧式政黨根本就係共產黨既孖生大佬,就算比佢地坐多四年又如何,在歷史既長河中,四年就當送比佢地.

  2. 回樓上:「過去多次機會,包括文革同六四,國民黨都放棄佢地既係大陸既國民,唔敢挺身而出去改變大陸既命運」

    唔係呀話,台灣根本就係獨立既國家,佢地根本冇義務亦都冇責任去拯救支那國國民,況且支那國會俾你「干涉國家內政」咩?

    好地地,點解要俾馬英九做多四年,「放長隻眼」睇下佢會點?人生有幾多個四年?我敢肯定既係香港再過多四年,就肯定已經被玩殘。

  3. 我對泛民對台灣選舉嘅睇法唔只厭,係反感。

    呢班硬膠我覺得好夠。

  4. 回CL,

    今次馬英九贏咗, 我驚中共更加肆無忌憚殖民香港
    四年後, 香港實殘都乜咁…

    唯有望中共經濟今年爆煲, 等中共大亂

  5. 國民黨勝出已是事實, 為何不從另一角度看? 那些年同天與地的成功, 說明深埋在台灣同香港既精神, 九把刀雖然無表明政治立場, 但從他爸爸力挺小英, 已可知無須言明, 只要香港人、台灣人做好自己, 一定可以實現理想的.

  6. 我完全無法理解:
    1. 如果國民黨有心賄選,做到咁揚,嫌命長麽?
    2. 若是無心之失,從政多年嘅馬英九豈會不知瓜田李下? 定係有屎坑軍師出屎橋之餘馬英九仲要懵然不知?

    至於各方大讚蔡英文輪得體面有風度云云,在下覺得正常不過,反正賴地硬都冇用。反而佢嗰篇敗選宣言略嫌肉麻,還是丹麥前首相Lars Loekke Rasmussen嗰句好:”So tonight I hand over the keys to the prime minister’s office to Helle Thorning-Schmidt. And dear Helle, take good care of them. You’re only borrowing them.”

  7. LP兄, 希望你係真係有LP之人.
    1) 會唔會做咁揚? 而家就係做到咁揚. 係咪嫌命長, 我唔知.
    2) 我唔理你係有心定冇心, 賄選就係賄選. 冇心殺人就唔係殺人? 再者, 就算係佢D手下做, 你做得佢大老, 唔入你數唔通入我數? 你做人大佬唔識管D細既, 由佢亂黎, 入哂佢數又有咩問題?

    馬英九呢D友我一早就唔信佢, 連勝文單野我都唔信佢係清白.

發表迴響

你的電子郵件位址並不會被公開。 必要欄位標記為 *