點解呢個世界有咁多硬膠創意

馬來西亞大選中,檳城執政黨民政黨,打出再轉變的口號,因為太膠,被反對黨民主行動黨玩膠專家,在後面加上「投火箭」三隻字,結果民政黨輸到甩晒褲,成為今年「每月之星」級的膠事。

言猶在耳,台灣謝長廷陣營打出「逆轉勝」的口號,人玩逆轉,馬英九陣營又有膠人話要「再逆轉」,人玩乜,佢玩乜。

大佬,你馬英九打緊順風波,學乜人玩逆轉呀,你黐線架,你打出逆轉口號,咁真係幫埋謝長廷助選,咁同馬來西亞民政黨班硬膠有乜分別?

真係成街都係膠,馬英九今次贏到,純粹佢命硬,同佢班硬膠助選團無關。

One thought on “點解呢個世界有咁多硬膠創意

發表迴響

你的電子郵件位址並不會被公開。 必要欄位標記為 *