想發膠達嘅友仔唔該走埋一邊

高登mission_wg仔嘅老屈言論

其實陳雲道長係咪知道黃世澤投機?

投機 唔明,咩投機?

即係食幾家茶禮同埋D立場成日飄忽…

雖然小弟由於英國公民身份,係無法喺香港從政,但香港有好多想發膠達,喺政界呃飯食嘅友仔,無厘頭含血噴人攻擊小弟,呢件mission_wg係絕佳例子,如果有人起底,請告知呢條友乜水。

由我開始玩互聯網到依家識我都知,香港獨立呢個至係我嘅基本立場,堅持咗十幾年,邊嚟食幾家茶禮兼立場飄忽。呢啲友仔以往我無辦法同佢地計數,但依家我一定攞出嚟示眾。陳雲轉載呢度嘅post,係一個real politics嘅考慮,大家戰略目標、立場相同咪互相支援,就係咁簡單。有啲發膠達嘅人,就發明啲陰謀論,然後就諗住以為可以擊敗某某某,就此上位。首先,我無興趣爭位,其次,呢種方法非常污糟,我嘅選擇就係打沉你先講。泛民太多呢啲滿口仁義道德大道理,做嘢手法就卑鄙無恥下流賤格嘅友仔,搞到裡面有心幫吓手嘅人一個個走。呢啲政壇古惑仔,都係時候清佢地出街。

我希望果啲諗住喺政壇黐飲黐食,兼老屈人地嘅友仔諗清楚,你自已喺呢個時勢做呢啲咁嘅嘢有乜意思。



發表迴響

你的電子郵件位址並不會被公開。 必要欄位標記為 *