危機已兵臨城下嘅2012年

東方日報:福田軍營示威受阻 駐港部隊軍眷下落不明

一踏入2012年,中國先嚟河南安陽非法集資案搞出維權行動,群眾大叫開槍喇,成棚武警玩到腳軟,跟住中國南方有兩單同軍人有關嘅示威,廣州有越戰軍人維權,深圳就玩到駐港部隊軍眷失蹤。

呢件事絕對係一大訊號。大石英司寫嘅《香港獨立戰爭》,睇落無可能,但如果解放軍基層嘅福利問題,例如家鄉土地拆遷問題,維權問題等解決唔到,解放軍駐港部隊突然有人策反,然後宣布香港獨立,並為咗請求外國保護,請求港英遺老出面管治香港,屆時乜膠都可以發生。大家要明白一樣嘢,解放軍班友係受過軍事訓練,當中唔排除有人讀過吓戰略,而對渠地嚟講,最著數嘅做法,就係拉有核武器嘅國家落水,以恐怖平衡嚟保護自己。

去年11月,已經有吉林軍人持槍維權,但由於得幾丁友,當然被擊斃,但依家照有咁多軍眷維權,加上軍眷往往反映軍人情緒,而駐港部隊普遍又識粵語,如果有人對駐港部隊進行策反工作,香港屆時個局就好難搞。北京可以派兵開片對付叛變軍人,但咁開片法可能死傷慘重,而且有礙佢地班友洗嘅黑錢,甚至呢啲軍眷勢力背後乜人支持,大家都唔多知。如果用圍城戰,意圖餓死班軍佬,咁大石英司嘅推斷就唔中十足都中一半。

大家依家明我點解講大事勿用。依家咁嘅形勢,與其準備走(當然有得你可以繼續prepare),不如諗一旦真係有人咁樣玩出香港獨立,可以點收科。




3 thoughts on “危機已兵臨城下嘅2012年

  1. 1. 其實最大的問題係而家中國已經到達咗超臨界既狀態. 大家估來估去都唔夠膽估幾時先會有動搖國本的事發生…(夠膽估既人都冇晒先會爆炸…..因為估到, 就有辦法壓制到…)

    2. 個D買中國仆街既中共官員好明顯就失去咗長治久安的意志, 全部都打算過過癮就死…
    但係中國人普遍有蟑螂的習性…所以無法判定佢地既殘餘價值可以被剝削到哪一個地步..

    3. 最後 就係無人知道個 核心事件 大到點先會產生連鎖效應.

    所以結論就係 這一波應該還未有事. 不過大單野肯定係香港先爆出消息來…<廢話…-_-

發表迴響

你的電子郵件位址並不會被公開。 必要欄位標記為 *