泛民死守大中國主義遲早被淘汰

陳雲:土共打「蝗蟲」 政黨大變身

雖然陳雲有部分對土共嘅判斷我唔同意,例如土共係唔敢推動香港自治,因為佢地嘅財政唔獨立,太依靠西環個小金庫,睇郝鐵川鬧鍾庭耀鬧到被人封筆,如果土共真係想推動香港自治,結果將係渠地未自治渠地已經死鬼晒,因為中共封鎖財源,中共對二五仔嘅態度絕對同黑幫一樣。呢班賊比泛民聰明,但佢地依附人地太耐,無獨立自主嘅本事。但仍然無礙呢篇文章嘅參考價值。

點解土共想借蝗蟲達陣潮嚟搏懵推動人大釋法,因為呢班粉皮睇到依家泛民果種盲目大中國情結嘅愚昧,正係泛民嘅真正死穴。而除咗小弟呢種因領受過中共出賣嘅南洋人,好多人反蝗只係諗到只要可以唔俾蝗蟲達陣,就唔理做法,果班要求終審法院修改莊豐源案,而反對修改《基本法》24條嘅蠢才睇得好清楚,更加唔好講連《天與地》都嫌睇唔明嘅親子王國師奶。土共希望用欺騙方案,將呢股力量吸收,作為反民主力量,當力量無得七七八八就唔駛理佢地,屆時已經有另一批蝗蟲以乜嘢投資移民、優才等巧立名目方式達晒陣。正所謂,魔鬼喺細節度。梁振英唔敢接受陶傑喺goyeah.com嘅訪問,而呢班土共,喺真正自治派,甚至小弟呢挺港獨派面前,肯定無所遁形。

所以我對泛民無晒期望,呢班盲目民族主義者已經係無藥可救。依家要救香港,真正有力旗幟又唔被土共利用,係Think HongKonger First,香港人優先。你土共敢攞番單程證審批權咩,你土共敢要求香港永久居民融入考試咩,你土共敢要求陳雲式香港自治咩?面對「阿爺」,呢班契弟就會全部跪低。

後話:土共叫北京做阿爺係啱,因為渠地係北京嘅契弟,唔想做契弟嘅話,就唔好學埋土共嘅語言,否則你真係唔慌唔重口味。




5 thoughts on “泛民死守大中國主義遲早被淘汰

  1. 其實80年代司徒華,李柱銘等人還在爭取八八直選的時候,
    民主派的議題仍是促進香港本土民主化,對大陸方面並不重視.

    到六四以後民主派才一致轉型,以促進中國民主化為終極目標,
    從此以後一直只以香港為促進中國民主化的基地,
    以香港民主化為促進中國民主化作示範,而忽略本土自主等議題.

    所以泛民(尤其民主黨/民協/社民連等與支聯會關係密切的團體)
    之中的”大中國主義”其實由六四開始已經根深柢固,改不了.

    公民黨在這方面色彩沒有這麼濃厚,加上五區公投,
    高鐵,港珠澳大橋等事務上的表現,都顯得比較強調本土.
    由他們推動香港自主可能比較適當.

    而自由黨和新民黨都是政治投機分子,
    中共大勢已去,中國混亂動盪之時,
    他們也會因勢利導,轉而支持香港自主.

    民建聯/工聯會則因為與中共過於密切,
    中共一倒則難有翻身之日.

  2. 我覺得本港必須盡快訂立公投法,例如就未來一人一票的選舉方法鞏固全民共識以保衞香港。

發表迴響

你的電子郵件位址並不會被公開。 必要欄位標記為 *