新年第一B已經成政治敏感議題

每年西曆同農曆新年出世嘅第一個BB,好多傳媒都會報導父母身份,但今年西曆新年,各台都唔報。我相信喺農曆新年,各台更加唔敢報。

唔敢原因好簡單,郝鐵川條硬膠,隨便指責一下鍾庭耀嘅民調唔科學,結果搞到呢堆網民對大石英司嘅《香港獨立戰爭》好有興趣。如果俾大家知道2012年第一B係中國父母,跟住龍年第一B又係中國父母,你諗吓有乜事會發生?

但唔報唔代表問題唔存在,呢種手法連親子王國唔睇天與地嘅師奶都呃唔到。溯本清源嘅做法,係修改《基本法》24條,阻止中國父母幫個仔呃居留權。如果搞到大年初一,大批市民喺各醫院同香港關卡阻止中國父母喺香港生仔,例如喺急症室趕意圖闖關嘅hihi出去咁,一啲都唔好玩。




4 thoughts on “新年第一B已經成政治敏感議題

  1. 或問:保港抗陸風氣,近一年o係網上蘊釀,愈演愈烈,但似有流於鍵盤戰士之弊,如果有「實際行動」,又係咪真係「不足取」呢?等開示。

  2. 點會修改《基本法》24條呀? 而對於150條友放落香港, 更加唔會郁, 對於大陸佬而言, 十分有重要性………
    早排在電視見到有位女士在鏡頭講嘢, 是講国民教育(委員會?), 字幕知道是前大陸官員的女, 我立刻呆撚左! 大陸共和国民需要你們啊!

發表迴響

你的電子郵件位址並不會被公開。 必要欄位標記為 *