如何搞一場保證市民支持嘅罷工

入 境 處 工 會 促 增 人 手   否 則 或 有 激 烈 行 動

2011-12-30 HKT 21:55
幸偉雄報道
入 境 處 的 工 會 表 示 , 面 對 大 批 內 地 旅 客 來 港 , 及 內 地 孕 婦 衝 關 , 前 線 人 員 工 作 壓 力 好 大 , 希 望 增 加 人 手 。
工 會 說 , 若 果 當 局 未 有 回 應 , 不 排 除 會 有 激 烈 行 動 。

我發現香港啲工會太直必腸,鋪鋪罷工都要懶係激,一係按章工程,一啲創意都無,一係無效果,一係好擾民,完全無中間路線可言。

識玩膠嘅法國佬,罷工通常都係,佢地可以罷工,但市民一定由罷工裡面獲得著數。例如隧道收費員罷工,唔會封鎖條隧道,佢地照返收費亭,不過啲車免費用隧道一日。或者地鐵罷工,佢地有車照開,但唔收你錢之類。

同樣道理,入境處工會可以係咁,一旦傾唔掂數,香港永久居民counter、E道照開,跟住免簽證國家國民,除咗係恐怖分子,阿水都俾佢入去。但雙程證、單程證、自由行、中國大肚婆之類嘅,唔好意思,佢地全部唔俾入境,胡錦濤嚟都無面俾,跟住政府立即答應增加人手。

信我,你咁罷工法,全香港支持你罷足一年都得。



6 thoughts on “如何搞一場保證市民支持嘅罷工

  1. 雖然好想讚成. 但大陸人惡到無朋友, 就算響鬼佬地方, 就算係大陸人錯在先, 佢哋都聲大夾惡; 何況係你香港人罷工玩嘢? 你玩嘢攞佢哋嚟祭旗, 唔俾佢哋過境, 佢哋溶咗班前線員工都似.

    到時萬一出事, 香港市民又會唔會撐入境處工會? 我懷疑.

  2. Martin 呢個提議係好

    澳洲都成日有工會罷工, 但市民好多時因為有著數而唔介意
    e.g. 火車職員罷工時個個可以免費搭火車

    香港人要表達意見其實唔駛上街都得, 只要搞次全民罷工罷課就掂
    衰在有D 人奴性重, 覺得罷工欠咗老闆咁

  3. 我覺得不是大陸佬惡不惡的問題,始終過了深圳河是香港,陣味已經不同。我反而覺得是公務員工會本身做不成勢力,而且政府很容易大加人工收買公務員。不知道新成立的工會會不會向公務員埋手。

發表迴響

你的電子郵件位址並不會被公開。 必要欄位標記為 *