中共喺烏坎嘅戰略性退卻

我今天睇見中國政府,居然咁好死答應烏坎人嘅要求,特別承認烏坎依家臨時村民理事會地位感到好奇,因為呢個唔係老共作風。

只不過,我再睇番海門鎮嘅激戰,老共就唔怪得要答應烏坎嘅要求。一日海門戰事不休,中共都無條件喺烏坎打圍城戰,隨時被人包圍番轉頭都似。


東方日報製圖

呢幅圖講明一切,海門鎮據守深汕高速公路要道,如果中國政府要派軍增援,以至補充物資,必須途徑深汕高速,否則就要繞路走,如果海門鎮嘅事件一日唔擺平,唔好話烏坎,其他粵東,甚至粵北、中山、廣州嘅事變全部無法處理。而烏坎圈地碧桂園班友係民企嚟,但海門嘅電廠項目,係李鵬系統嘅,所以中共嘅正常戰略判斷係,烏坎喺外國傳媒見證下退兵,將兵力集中海門,日後再諗點算烏坎筆賬。

東方即時新聞:汕頭暴動升級

【on.cc 東方互動 專訊】 汕尾維權風波蔓延至汕頭市潮陽區海門鎮,當地民眾的抗爭升級!在前日發生全鎮民眾上街抗議電廠污染後,昨日更演變成萬人流血暴動,村民繼續堵路示威,向武警、防暴警投擲玻璃樽、磚頭,掀翻警車、縱火。警方不斷發射催淚彈還擊,最後暴力清場,大批民眾受傷倒地,也有警員重傷,現場消息指昨日再增近百人受傷。目前汕頭續調派異地警力增援,村民則強調絕不妥協,已準備武器今日誓再上街抗爭,網傳事發至昨日至少有6人死亡,300人受傷。

問題係海門鎮根本鎮唔住,又催淚彈又打死人,啲友都照衝出嚟,而且一鑊勁過一鑊,明天隨時演變成大械鬥,跟住其他市鎮見烏坎有成果,又有海門大激戰掩護,仲唔有樣學樣。呢次戰略性退卻,嚟得太遲喇。

海門公路爭奪戰嘅結果,將會極度影響未來三十日嘅中國局勢,如果最終海門都收唔科,甚至深汕高速沿線多線都爆發暴亂,香港人應該自己諗清楚動向,香港樓上嘅廣東,可能進入半獨立嘅混亂狀態。因為廣東一旦變咗1911年嘅四川,只要中國其他省市爆發維權事件失控,或者金正恩條友亂嚟,大家可能要好快面對一個無人領頭嘅辛亥革命式巨變。呢種情況,正係其中一種好差嘅戰略狀況。依家又無孫大炮,亦無袁世凱,得個膠字。



6 thoughts on “中共喺烏坎嘅戰略性退卻

  1. 我死都唔信中共會放過烏坎班人,只要局勢定番落(o黍),外國傳媒唔記得呢單野,中共一定再算舊帳。

    不過烏坎班人無話要結束一黨專政,中共可能仲忍到下。

  2. 大動亂說: 陸豐可起事惜難成其事

    無論是動亂或者政府變遷都有其過程, 往往由細少的社會不公平現場而引起, 要集結力量要講求時地人三方, 如以現時情況人數有限區域有限, 最終只不過是各打十板, 三幾個小官被推出來反二反, 而且官方太易控制一個小型地區沖突.

    要成大事, 一要地, 二要人, 三要錢, 四要軍, 五要共同意識. 要成大事, 第一地要廣涉事地區最少要包括兩廣四川海南幾地少不得, 二是人尤其是富人及受教育份子, 要講組織. 但家下真是完全看唔到有成功既可能.

  3. 套用什麼共幹九官黨委的口吻:爛老共靠得住,豬乸都會上樹!

    烏坎村民政治智慧當然都唔低,亦夠團結勇敢,起碼要警惕一年半載,慎防九黨秋後算帳。

    當年六四屠殺之前,慈祥鵬都曾經作晒狀,在人民大會堂與學生代表「對話」的。

  4. 中共呢D X街, 一定會秋後算帳!!!

    正如當年六四一樣, 佢地同evil咁本冇任何分別, 甚至更衰更賤更冇人性!!

  5. 今次好過 64, 一來今次村民目標唔係要系統性改革, 只係切查單一事件; 二來村民高舉支持中央的立場, 即係將件事定位o係村鎮級, 與及定位o係個別官員上; 三來開完會後村民取消遊行撒走橫額, 與 64 相比要求系統性改革, 在北京同中央對著幹, 一直唔願意撒走三點黎睇, 今次係有哂位俾中央好落台, 所以中央都話會查番件事又唔再追究 – 推一兩件卒仔出黎受靶又唔係未做過, 最緊要收到科.

發表迴響

你的電子郵件位址並不會被公開。 必要欄位標記為 *