金正日瓜柴

對成個東亞嚟講,今朝早金正日瓜咗,可以係好消息,可以係壞消息。

1. 好消息係,北韓民眾應該有望被解放,因為北韓政府一定內部爭權爭到亂七八糟,呢個政府釘蓋只係遲早問題。

2. 但呢個亦係壞消息,因為金正恩張龍椅係坐唔穩,換言之,中國支持嘅金正男,同原先指定嘅金正恩,仲有北韓內部唔知乜嘢實力派人物,互相開片,甚至有人防止被開片,亂咁向外發射導彈,而中國、日本、南韓,全部都有機會中獎。

對中國嚟講,簡直係戰略惡夢,因為除非中國把炮到佢扶植嘅友仔上台,否則一個親美嘅大韓民國一定會統一朝鮮半島,即係美軍真係打到北京門口,鎮壓南方維權騷亂,你守掂北京先。而北韓崩潰嘅情況下,美國亦要強勢回朝。

而中國真係咁把炮,都唔見得好事,因為南韓人會憎到中國人入骨,屆時大韓民國將係中國最大麻煩製造者,美國強勢重返亞洲情況下,中國係等被人玩謝。

2010年,我喺新加坡《聯合早報》建議過,中國授意北韓同南韓統一,換取統一後嘅大韓民國簽署類似奧地利嘅中立協議,北京班蠢才唔聽,依家己經time out,戰略惡夢己成,你胡錦濤慢慢玩飽佢喇。

但對美國嚟講,單靠朝鮮半島同台灣兩個係唔夠戰略上壓住中國,所以成個太平洋島鏈嘅missing link,亦即係大家住緊嘅香港,好快有場大龍鳳。



8 thoughts on “金正日瓜柴

  1. 從地緣戰略來看, 北京係以北韓作為緩衝…….原因係唔想見到係朝鮮半島出現一個統一既親美政權

  2. 好多人都話中國唔打韓戰,美國就會打到埋身。
    你要知,講依句話的人已經做左美國人,只係美國強勢定陰濕。
    信依句話的人,就有如未來戰士班軍人信skynet一樣,都係咁好笑。

  3. http://www.libertytimes.com.tw/2010/new/dec/1/today-int2.htm
    之前維基解密好似話中國已經放棄北韓了?

    千英宇認為,平壤政權將在金正日死後兩到三年內崩潰,中國屆時不會採取軍事干預,因為中國的戰略經濟利益是在美國、日本和南韓,而非經濟已經崩潰的北韓。

    相信只要中、美、南韓傾得掂數點樣去處理北韓,兩韓統一應該唔難。除非北韓出現一個類似鄧小平既強人,經濟改革開放,親中國,但係又繼續獨裁,咁就真係吹佢唔脹。

  4. And the US need a rump state as a buffer too to avoid direct clashes and confrontations with the People’s Republic.

  5. 1、金正日說是在火車上勞死聽來難解,何以不能說安祥離世,難道因為其勞動黨之於勞動,死也要政治正確。

    2、曾在外看球賽有成班北韓遊客在比賽中段被帶入場為北韓隊打氣,啦啦隊投入程度老實講遠遠不如南韓球迷,很難想像他們是電視裡哭喪的其中一員。

發表迴響

你的電子郵件位址並不會被公開。 必要欄位標記為 *