香港人依家要為好快出現嘅大亂作出準備

12月17日將會係一個重要milestone,因為中共好多唔尋常舉動顯示,再加上唔同環境得嚟嘅訊號,都係指向一樣嘢,中國大亂可能好快就開始,甚至已經開始咗,而爆發點喺珠三角或鄰近地區。如果你仲未有準備,小弟祝你好運:

1. 江澤民:领导干部一定要努力学习外语

我衷心希望,我们的领导干部都从改革开放和社会主义现代化建设需要出发,认真学习外语,努力运用外语,掌握沟通技巧,积极开展工作。

中國領導人嘅文章,唔可以照字面睇,係要read between lines。呢句係要點,佢唔係叫啲官去真係運用外語展開溝通,全世界啲領導人可以一句外語都唔懂,好似奧巴馬咁精通印尼語係例外。呢句實際係走佬訊號,因為得領導人要著草走佬,至要咁精通外語。連中國雅虎嘅用戶,都睇得出係著草訊號,你咁都睇唔出,日後死咗都唔知亦唔抵可憐。

2. 香港文匯報:廣東媒體粵語播音需報批

據《廣州日報》17日報道 從2012年3月1日起,廣東省將實行《廣東省國家通用語言文字規定》(以下簡稱《規定》),推廣普通話。按照規定,明年3月起,廣播電台、電視台及其網路音視頻節目以普通話作為播音、節目主持、採訪的基本用語。使用方言播音的,應當經國務院廣播電視部門或者省廣播電影電視部門批准。

有人嫌廣東陸豐起義未夠毀滅中共政權,呢個措施一公布,結果得一個,就係廣州再度爆發捍衛粵語運動,連同陸豐烏坎同龍頭兩地嘅起義(烏坎已經脫離中國統治),大鑊程度係等同搞出個四川保路風潮,依家係爭一個辛亥革命。

甚至另一個劇本係,中國咁做會觸發廣東、香港以斯洛文尼亞方式離開,再加上台灣政黨輪替機會越嚟越大,即係中國南斯拉夫化。而南斯拉夫解體,斯洛文尼亞呢個德語系國家,由於語文唔同,本身經濟勝人一籌,同西方聯繫多,十日戰爭只係死咗一百人左右就收工。但同時跟住獨立嘅克羅地亞同波斯尼亞就血流成河,種族屠殺無日無之。我唔知香港會係斯洛文尼亞定克羅地亞甚至仲衰多兩錢重嘅波斯尼亞。但呢個劇本,係好可能發生,而且爆發點正喺廣東。

3. 東方日報:探射燈:港商拉閘潮 廣東廠區如死城

腦袋正常嘅,都唔會喺廣東咁玩膠,因為廣東咁多港商台商執笠,大量剩餘勞動力,加上被走數人士周圍走,根本係革命或者暴亂最佳助燃劑。偏偏汪洋玩埋啲膠嘢,結果全香港多得啲硬膠唔少。

所以有傳中共軍隊向廣東集結,我諗唔只因為陸豐起義,更可能係防廣東、香港獨立或者起義。

4. 星島日報:外交部促美勿干預港內部事務

呢個聲明係一個好無禮嘅聲明,肯定得罪美國,但點解外交部駐港專員公署都要出,因為中國好怕美國乘機重奪香港,北京嘅友仔驚到標冷汗。有睇過《GCHQ》呢本書,都會明白香港喺美國全球戰略無可取代嘅重要性。種種跡象睇嚟,中國嘅內部政治去到一個失控嘅地步,江澤民要指揮人著草,或者擺明勾結外力(否則要努力學外語把叉?),但另一派就要消滅各地獨立力量,大戰隨時發生,劇本可以好得人驚。

近日大批湧港嘅中國旅客,我睇工展會嚟掃貨,只係藉口,睇佢地會唔會逾期居留,甚至轉機去第三國。




27 thoughts on “香港人依家要為好快出現嘅大亂作出準備

  1. 睇唔出係著草訊號,唔係唔抵可憐。我地要對弱者有愛心。不過,佢地以唔知道咁大鑊為藉口,就唔駛可憐依班人。

  2. 既然中共大亂遲早會發生, 早D 發生仲好
    我相信曾爵士會處理得比豬/狼好, 只要美英肯出手就得

  3. 嗰隻狼今日喺上水開吹水咨詢會,仲話北區係未來發展重心tim!!! 又話要輸入大陸年青人….明知天國近了,都仲咁出力去賣港,隻狼唔通想拉香港同中共一齊攬炒?

  4. 黃兄,更正一下,斯洛文尼亞語都係屬於斯拉夫語族o既,雖然佢同當時南斯拉夫主流o既「塞爾維亞-克羅地亞語」係唔同。

  5. 而家係廿一世紀, 解放軍與民眾武力的對比, 懸殊過當年清軍與民眾對比
    除非有武警甚至軍隊響應革命, 否則中共倒台機會不大
    當中共覺得要不惜代價鎮壓時, 將只會是另一次六四事件
    就算香港二百萬人示威、全世界讉責又如何? 以中共的脾性, 係唔會驚, 1989年睇清楚哂啦

  6. 的確解放軍係唔會怕平民, 但同樣地美軍都唔會怕解放軍

    美國絕對明白, 中共唔倒台的話20年後做硬世界一哥
    所以只要中共一亂的話, 相信美國實抽水, 例如叫英國收返香港
    若果有咩大屠殺發生, 美國實以人道理由出兵, 到時D 中共高幹走佬都唔掂

  7. 我覺得香港人內部要討論既係點樣看待嶺南兩廣,軍事地理上香港要靠嶺南先有得守(+廣州軍區effect),文化上廣東話可以溝通,但係兩廣受中共陶化已久,殘體字/森林法則係中短期內都改變唔到既,國際上香港獨立身份則仍然有價值,我唔知大家點睇,但我覺得後中共時代香港同兩廣聯合係有實際需要既,但我相信有d人感情上希望香港同兩廣分開。

  8. To 過路人,

    軍民力量懸殊係事實,但係策反軍隊內部既難度應該唔會差好遠。

  9. 中共唔倒台意味中國經濟神奇地冇爆破兼繼續強勁增長
    咁落去的話, 20年後, 中國D 有錢佬絕對有能力買哂D 美國企業, 人民幣亦絕對會成為國際貨幣, 到時仲得掂…

    不過, 我實在諗唔到有咩可能中國經濟會唔爆破, 中共會唔倒台

  10. 早幾個月就有一宗軍人拿槍回鄉保村的事件.

    日後策反軍隊內部既難度應該只會越來越容易.

  11. 我承認美國人係膠,但都有美國人會反省。舉例下,未來戰士以人類創造的skynet為奸角,佢原來係用來保護人類,以此諷刺美國人大保護主義,甚至作為自己的左右銘。

    我地細個接受教育,老師講到中共自行研發飛機大炮有幾驕傲,班老師已經係外國人啦。得翻我地班傻仔接受教育。

  12. 還有清兵倒戈,皆因佢地殺人係要親自動手,唔會用機器,自己俾人殺係遲早。
    但中共殺人只會用機器,佢地打緊機。

  13. 香港就係香港, 廣東就係廣東, 我唔見得廣東同大睦有任何分別!!!!!!

    香港要獨立, 水已經唔需要怕冇, 可以借鏡SINGAPORE, 唯一冇既就係軍隊!!

  14. 我承認廣東省俾大陸其他部份似香港, 最令人感到親切既係廣東話

    但係, 我哋千萬要記住, 香港既法制, 香港人既價值觀同做事方式都同廣東好唔同
    正如新加坡同馬來西亞華人咁, 大家要有各自既國家, 但仍然係好朋友

    最理想既結果點都係回歸英國
    有英/美駐軍, D 蝗敢蝦我哋!?

  15. TTTK 兄:-

    “回歸英國”? 借英國個朵一用是可以的,加入英聯邦亦無不可。揾渠協防也可以,但回歸英國就敬謝不敏鳥。

    史上手無寸鐵的城巿引番兵入關的後果,相信不用我多講。當英美破產,停發軍餉時,個班飢腸轆轆的壯男會做出什麼事,是不可想像的。要顧住香港的良家婦女啊。

    當然,當中共倒台時,駐港的解放軍也須作如是觀。因住香港淪為全中國最後的解放區啊。如果南來的幹部來港組成流亡政府,香港就會入萬劫不復之境。到時為配合中共徧安香港的主旋律,你可能會發現,港共的高官們就會忽然變臉成為港獨的急先鋒,快到無朋友。

    底綫是香港在大亂之時,必須有自已的鄉勇。

  16. 點子, 此言差矣. 英美軍隊係解放軍? 英美破產? 你想想好了. 美國印銀紙的能力比中共國高出太多了. 想像一下, 美元真正的backup其實是什麼? 想推銷自治或獨立不是問題. 但有誇大失實之嫌就係問題了.

  17. 點子:
    一個現實問題, 你認為香港人應付好 “食自己” 未? 更是香港人有無能力 “食自己”
    眼見一直以來網上或現實在的討論, 經濟活動, 產業發展vs就業, 水源, 糧食的問題, 都搵到 “食自己” 嘅可能性, 唯獨是國防同外交呢兩樣涉及最終主權的事, 一眾高登巴打s 又好, 世澤兄又好, 其他有探討呢方面嘅人都好, 都無人搵到真正的 “食自己” 辦法

    若堅持 “中華民族” 的種族論述…… 或論到陳雲的自治論, 無錯係建基於基本法同聯合聲明之下, 但依家擺明中共就走緊數, 甚至走咗數。中共倒台後的新政治權力唔認數, 甚至進一步迫香港就範時, 咁點好呢?

    陳雲的自治論還提到 “德語四國論”, 再睇返所指的德國、奧地利、瑞士、列支敦士登, 每個國家都是獨立主權, 互不從屬。實在看不到香港為何在政治主權上一定要跟中國扯上關係。

  18. 美國人連總領事館都設在廣州,唔係上海,唔係瀋陽,唔係成都。所以所有由中國移民美國的申請人都要去廣州辦手續,證明d乜?

發表迴響

你的電子郵件位址並不會被公開。 必要欄位標記為 *