唔同中國割蓆都唔得喇

蝙蝠俠男主角在山東探望盲人維權律師陳光誠被阻
16.12.2011 12:14
荷里活電影《蝙蝠俠3》的男主角基斯頓比爾,到山東臨沂市,試圖探望被軟禁的盲人維權律師陳光誠時被阻。美國有線新聞網絡報道,基斯頓比爾昨日與攝製隊,抵達臨沂市東師古村時,在一個檢查站被四名警衛攔截,雙方一度推撞,及後有數十名穿著類似軍服的人,將他們包圍,期間有人向攝影鏡頭揮拳。攝製隊最終坐車離開,但被警衛的車輛緊追約四十分鐘。

本來陸豐圍城,已經足夠令中國成為邪惡帝國。但呢鋪咁樣阻演過蝙蝠俠嘅明星入去探陳光誠,喺軟實力角度,衰十倍:

1. 呢單嘢唔單只喺CNN Local播,而且實入娛樂版,啲美國喺超級市場買小報嘅友仔,本來對唔係咁鍾意中國(搶飯碗),呢鋪係人地幫中國拍戲,你中國俾啲咁嘅態度,盲都知中國係邪惡帝國。

2. 蝙蝠俠係美國經典英雄漫畫之一,佢無Captain American咁大美國主義,但始終係美國正義嘅符號嚟。依家蝙蝠俠入去救盲俠,你仲唔自認係邪惡帝國, 仲衰過蘇聯。大家知道Captain American係打希特拉,中國將自己放落果個level。

香港人仲講乜愛國,中國已經係西方世界嘅過街老鼠,衰嘅程度已經好近1900八國聯軍之役,義和團濫殺無辜結果搞到大清帝國連最後嘅尊重都無埋嘅地步。

呢個世界唔係有兩個錢大晒,更何況你中國依家根本唔掂,香港人好考慮同中國割蓆嘅問題,共產黨搞臭中國能力仲勁過愛新覺羅家族。



5 thoughts on “唔同中國割蓆都唔得喇

  1. Christian Bale係英國國民黎,英國現在輪任Chairmanship of Council of Europe. 主張推廣保障人權。一個英國國民在中國維權被公安圍,英國外交部到宜家聲都唔聲下,佢地真係怕左共產黨?

  2. 曾幾何時,大陸佬仲早過香港人出來講,河水不犯井水,現在呢?直頭灌漿大業啦。

  3. FCO使鬼出聲
    1) 佢同CNN去, 唔是BBC 哈哈
    2) 跟緊南方單野
    3) 佢有無要求過幫手都唔知

    依家出聲做乜?買花生睇中共抽唔抽CNN廣告好過啦
    抽又死,唔抽又死
    一條友一個鐘KO你幾十億廣告費
    吹呀哈哈

  4. 去年,在一列廣州往深圳的火車上,有一位香港阿叔講嘢幾大聲,他跟身邊一位旅客傾談,話自己以前在大陸做廠,退休後有一次去法籣克福旅行,在某地方同大陸旅客談起來,言談之間,原來那旅客是幹部,幹部話果渣出一半旅費,後來香港阿叔講講下講到,大家個天是同個天,點解你地搞到大陸這樣子,跟住龫部問阿叔,你是那裏人,香港阿叔故意說從台灣來,龫部不語,不是味兒。如果阿叔說香港,龫部態度可能因此不同了。

發表迴響

你的電子郵件位址並不會被公開。 必要欄位標記為 *